كـــــــراتـــان غــني بــــصدر ألدجــــــاج وبالصور المفصلة

12-01-2019ثبت الموضوع ام الحلوين

[frame="5 98"]

على بركة الله

المقادير صدر دجاج مقطع
شحمة البقري طرية
قسبر ومعدنوس
عطرية شوية كنور للتنسيم
التوم مقطع
معلقة كبيرة مطيشة الحك
شوية زيت
نصف بصلة
و 2 بصلات مقطعين طول و مشحرين
فلفلة مقطعة دوائر و مقلية
4 دنجالات مشويين او مفورين ممعوكين و مملحين
زلافة روز اصفر مصلوق بالماء و الملح

ناخدو طريفات صدر الدجاج نوضعوهم فالطاحونة مع الربيع و نصف بصلة و الشحمة و العطرية على حساب الدوق و التوم و نطحنوه

نصلقو الروز وندوبو معاه شوية الزبدة و نزيدوه مع الدجاج يتطحن حتى ينساجمو بجوج

نسخنو شوية الزيت فالمقلة و معلقة كبيرة مطيشة الحك ندوبوها و نحطو كفتة الدجاج نحركوها حتى تطيب و نسموها بشوية كنور

ناخدو المول ديال الكراتان و ندهنو بشوية الزبدة و نستفو البصلة مشحرة

ونديرو نصف كفتة الدجاج و الروز و نرصوها مزيان و نخويو البيشاميل غ شوية

و نرصو الفلفة مقلية من فوقو

تم طبقة اخرى من كفتة الدجاج بالروز و ييشاميل

تم الدنجال و من فوقو البيشاميل لي بقا لينا

و ندخلوه للفران سخون

بالنسبة للبيشاميل لي كندير ديما
2 معالق الزبدة كبار دوبيهم فكاسرونو و زيدي عليهم 2 معالق الدقيق مع الخلط و خوي عليهم نصف لتر الحليب مع التحراك حتى يعقاد و رشة ملح و ابزار و جوزة محكوكة

و هاهو وجد بالصحة والراحة

[/frame]

---

;JJJJJJJvhjJJJhk yJJkd fJJJJw]v Hg][JJJJJJh[ ,fhgw,v hgltwgm

طريقة لديدة كتشهي جبتيلي جوع واخا يلا تغديت ههههه الله يعطيك الصحة

شكرا حنان وئام و شكرا شمس الدنى

شكراا لك لذيذ

ما شاء الله تبارك الله غاليتي عاشقة الجنة ربي افرحك بشفاءالاخ ديالك يارب امييييين
جزاك الله عنا كل خير يارب امييين

🙂الله يعطبك الصحة لقني لي عشاداليوم

[gdwl]

الحمد لله فين كنا و فين ولينا راه لاباس اشكرك على الدعاء و تتبيت الموضوع شرف كبير لي تعليقك
[/gdwl]

شكرا راش اختي تعشايه و ردي عليا لخبار

روعة تبارك الله عليك
والله يعطيك الصحة