السلام عليكم ورحمة الله وبركاته
يمكن كاين اللي بحالي تيحيرو اش تعطي لولدها ط§ظ„ط±ط¶ظٹط¹ .انا ولدي غادي يكمل سبع اشهر وداخل في الثامن. وحايرة واش ممكن تساعدوني بأطباقكم الشهية يالحادكات 
]og ,qud gdkh hak, jj,;gd hfk; hgvqdu fha ksjht], [ldu
تنبيه
المرجو استخدام الاحرف باللغة العربية
المشاركة الأصلية كتبت بواسطة ام محمد مراد 
hadi m3a 2 w cerelac f sba7 w gouté kandirlo biscuit tostada m3a lma tayb mabghitch ndirlo la7lib 7it ba9i sghir w 3assir fawakih banan wla tafa7 w farmaj mara mara kana3tih w mochkila dyal waldi mabghach yachrab lya lma wach ma3lich ma3a l3ilm annani kanrada3 tabi3i
نفس الشئ بالنسبة ليا الصباح بيسكوي مع حليب الغداء او سيريلاك الغداء لاصوب الخضر مع فرمجة او زيت العود او اصفر بيضة بلدية فالعشية فواكه مطحونة تفاح او بنان على حسب اللي كاين ومرة مرة عصير ليمون يلا شفت فيه القبط . مع الرضاعة الطبيعية وحتى انامتيبغش يشرب الماء فالرضاعة تنعطيه ليه بالمعلقة او هداك الكاس ديال الماء
انا اللي نصحوني بيه شي ممرضات وواحد الطبيبة هو نعطيه لحليب في الصباح وكومبوت قبل الغدا واحد السيدة خدامة مع طبيبة اطفال قالت ليا ندير كومبوت تفاحة +بنانة+برقوقة جافة+زبيب نطيبهم ونعطيهم ليه ومع الغدا صوبة اما خيزو+قرعة حمرا او خضرا+بطاطة او خيزو بطاطة بسباس او خيزو بطاطة بورو ومعاهم نصف فرماجة او نصف صفار بيضة وفي العشية نعطيه اللي بقا من الكومبوت بعد المرا في الليل كنعطيه الروز طايب مزيان ومطحون في الرضاعة هذا كيشد ليه الجوه والى شفت فيه القبض كنصلق باربة ونطحنها ونعطيها ليه اما بوحدها مع الماء او مع شي 2 معالق من حليب ديالو. والما ضروري تعطيه غير شوية لأنه ولا كياكل خصو الماء . وبالنسبة القبض كنعصر ليه نصف ليمونة مع شوية الماء ونعطيه ليه في الرضاعة وخا يرضع غير شوية كتطلق كرشو.
اما سيريلاك راه اختي كلشي نصحني منعطيهش ليه قبل عام لأنه كينفخ الدراري وفعلا هاد الشي اللي طرا لجرتي نفخ ليها ولدها . وكنت بغيت نبدا ندير ليه شي بيمو قالو ليا كولدن مزيان ولكن نصحوني قالو ليا بلاش . وانا نحبس اللهم نعطيه داك الشي طبيعي . انا كنلرضعو الحليب الطبيعي وديال الصيدلية حينت مفياش لحليب بزاف.
تنبيه
المرجو استخدام الاحرف باللغة العربية
الأخت اللي كتسول على سن الرضاعة راه خرج قانون باللي حتى يوصل الرضيع 6 اشهر عاد نبداو نوكلوه مابقاوش يوكلوهم على 4 اشهر قالوها ليا الأطباء وممرضات في 5 اشهر قالت ليا الطبيب نبدا نعطيه تفاحة مصلوقة ومطحونة بوحدها فقط وكلشي كيقولو ليا تبداي غير بشوية نهار الأول من الشهر 6 عطيه غير الماء ديال الخضرة بوحدو عاد بداي تطحنيها ليه .