الفلفلة معمرة بنييييينة وكتشهي

الحبيبات ديالي هاد الوصفة كنت مصوراها قديمة وعاد كتاب نزلها كنتمنى تعجبكم يا رب وغير قبلو عليا عارفة مشي شي حاجة المهم المشاركة وأنا غادي نعطيكم المقادير والطريقة فنفس الوقت والصور تزيد تشرح لكم

المهم كناخد ط§ظ„ظپظ„ظپظ„ط© فالألوان أنا هنا درت غير 3 كيبقى لكم ألإختيار تديرو أكتر على حساب عدد الأفراد ويمكن تديرو ط§ظ„ظپظ„ظپظ„ط© الخضرة بوحدها حتى هي كتجي غزالة

كنغسلها ونحيد ليها الراس ونخويها من الداخل

وناخد بصلة صغيرة نقطعها مربعات ونديرها تشحر فشوية الزيت البلدية وشوية الملحة حتى تدبال

ونزيد عليها رابعة ديال الكفتة ونخليها حتى هي تشحر على نار مهيلة ونفس الوقت نكون درت زلافة صغيرة أو كاس كبير ديال الرز كلاسي يتسلق

منين يتسلق الروز نزيدو على ديك الكفتة ونزيد شوية القزبر والمعدنوس والبزار وسكنجبير والزعفران والملون أما الملحة فعلى حساب الدوق

حتى تولي بحال هكدا ونخليها تبرد على جنب

منين يغلى مزيان ناخد ديك الكفتة مع الروز ونعمر بها ديك ط§ظ„ظپظ„ظپظ„ط© ونديرها فالطنجرة بالحق ضروري ط§ظ„ظپظ„ظپظ„ط© تكون مقادة من التحت باش توقف مزيان وما تقلبش لينا العمارة

ونسد عليها فالطنجرة حتى نحس بها طابت بالحق ما نخليوهاش حتى طيب بزاف باش ما تقبش وتخرج منها العمارة

ملي طبيب نخرجها من الطنجرة ونديرها فشي طبسيل ونخليو ديك لصوص حتى تعقاد مزيان على هاد الشكل ونديرها فشي مول كيدخل للفران

ونحط ط§ظ„ظپظ„ظپظ„ط© ديالي فالمول غير بالشوية لا تخرج العمارة وندير فوقها الفرماج محكوك وندخلها للفرن غير حتى يدوب داك الفرماج

هى كيفاش كيجي الشكل ديالها بغيتي تقدميها فالمول تبارك الله بغيتي تقدميها فأطباق بشكل فردي حتى هي كتجي زوينة

وحتى الروز ديال العمارة كنتعمد نشيط منو وكنديرو أطباق جانبية مع المايونيز ولكيتشوب

هاد شي لي عطا الله عارفة أنها وصفة سهلة وأغلبية كيعرفو لها ويمكن يديروها أحسن مني ولكن ما فيها باس نوريكم طريقتي على الله تعجبكم وتدعيو معايا شي دعوة ديال الخير يا رب