جوج وصفات من المطبخ الإيطالي

هادو جوج ظˆطµظپط§طھ من ط§ظ„ظ…ط·ط¨ط® ط§ظ„ط¥ظٹط·ط§ظ„ظٹ رووووعة ساهلين ولداد نتمنى يعجبوكوم وتجربوهم لأنهم فعلا يستحقو التجربة أول وصفة هي
شرائح اللحم على الطريقة الإيطالية
بالنسبة للمقادير كنحتاجو
500gسطيك
2عريشات أزير
3معالق كبار زيت زيتون
200gفورص
ملح إبزار
معلقة كبيرة معدنوش
عصير نص حامضة
كاس كبيرديال الما

أول حاجة كناخدو مقلاة تكون واسعة باش مايتكمشش لينا اللحم منين نطيبوه خاس سطيك يبقى شاد الفورمة ديالو
نسخنو الزيت ندوزو السطيك في الطحين من جوج جهات نديروه في المقلا يتقلى

منين يتقلا نقلبوه على الجهة الأخرى نزيدو عريشات أزير صاينين غير باش يطلقو النسمة لأن منبعد كنحيدوهوم

نزيدو الملح والإبزار والما ونغطيو المقلا حتى مايبقاش يبان لينا الدم وتختار المريقة ديك الساعة كيكون الطبق ديالنا وجد

منين كنبغيو نقدموه كنزينوه بالمعدنوس ومعلقة عصير الحامض للي بغا وبالصحة والراحة

مقبل القوق بالمعدنوس
كطبق مرافق ختاريت ليكم القوق حتى هو على الطريقة الإيطالية مع طريقتي في النقا
500gقوق
2معالق كبار زيت العود
2معالق كبار معدنوس
عصير نص حامضة
ملح وإبزار حسب الذوق
ضريس تومة

كنوجدو بانيو فيه الما ونصوصة دالحامض باش مايكحالش لينا القوق كنلبسو الليكات باش مايكحالوش لينا يدينا وناخدو القوق كنحيدو الاوراق اللي كيكونو قاصحين منبعد كنقيوه ورقة ورقة كنحيدو ليه الجزء الأخضر ديال الورقة ونخليو ليه غير الجزء الأبيض نتمنى تكونو فهمتوني هكدا ماغاديش نضيعو بزاف ديال القوق وكتبقى القوقة بحال شي وردة

كنقسموها على جوج ونحيدوليها القلب ديالها


كنبقاو ننقيو القوق ونحطوه في الما والحامض حتى نساليو الكمية كاملة

كنسخنو الزيت نديرو القوق منبعد مانصفيوه نزيدو التومة محكوكة المعدنوس الملح والإبزار الما والحامضونغطيوه نخليوه يطيب شي نص ساعة

هاهو منين كيطيب

هاهو في طبق التقديم

وهناقدمتهم مع بعضياتهم مع روز وشرائح الحامض في أطباق فردية


وماتنساوش

[,[ ,wthj lk hgl’fo hgYd’hgd [kn