كراتان بالبطاطس وبيبي

السلام عليكم جميعا اخواتي هذه اول مشاركة لي بغيتكم تشجعوني
بسم الله على باركة الله
كيلو بطاطة
1/2 كيلو صدر بيبي مقطع مربعات صغار
2بصلات صغار مشلضين
شوية العدنوس مقطع
2 ضروس التومة
البزار+تحميرة+الكمون+خرقوم+الملح+الزيت
100gفرماج احمر محكوك
البيشاميل:معلقة الزبدة+معلقة الفورص+1/4الحليب+شوية الكوزة محكوكة+ابزار+ملح
الطريقة:
*ناخد البطاطة ونسلقها مزيان من بعد ما تسلق نمعكها بالشوكة
ناخد مقلة ونحط فيها البصلة مشلضة والتومة والربيع والعطرية اللي عندي الزيت ونبدا نشحر غير بشوية ملي تنزل البصلة شوية وتخلط العناصر نكب عليهم بيبي ونكب شوية الما فاش يطيب ونغطيه
مرة مرة نطل عليه ملي ينشف من الما تماما نطفي البوطة
ناخد المول ديالي وندهن بشوية الزبدة نحط الطبقة الاولى ديال البطاطة ونزيد عليها بيبي نفرشو مزيان من بعد نحط النصف الاخر اللي بقا لي ديال البطاطة ونكب البشاميل اللي وجدت من قبل ونرش بالفرماج من الفوق وندخلها الفران
بالصحة والراحة كنتمنى تجربوها كاتجي بنينة بزااااااف:Ca

---

;vhjhk fhgf’h’s ,fdfd ,fdjd

تبارك الله عليك اختي باين عليها شهيوة معتبرة الله يعطيك الصحة

جزاكي الله كل خير بالصحة والراحة

تبارك الله عليك اختي

الله يعطيك الصحة آمممم باين على الشهيوه بنينه تبارك الله عليك و في إنتظار الجديد

الله يكرمك الحبيبة بالصحة والراحة