منقول البكبوكة بتفصيل ممل

حتا تنقا مزيان

كنقطعوها قطع كبيرة نحضرو منهم جيوب أو كموسات

في إناء كنعملو تقاطع ديال القلب و الكبدة و الكلوة و الرية و اللحم والمصارن و شوية ديال الشحم
و كنضيفو ليها شوية الروز و البصل و الربيع مدقوق مع الثوم و الملح و الإبزار و التحميرة و الخرقوم و الكامون و السودانية و سكيجبير و زيت الزيتون و نخلطو مزيان

و نعمرو بيها لجيوب أو لكموسات ديال الدوارة لي عملنا و نخيطوهم بالإبرة و الخيط أو نجمعوهم من الوسط عل شكل سريرات حسب الرغبة
أنا حضرتهم و عملتهم في لمجمد حتا نبغي نطيبهم

و ما تبقا ليا من الدوارة قطعتو قطع صغيرة لتقلية و عملت معاه الثوم و الربيع و العطرية و دخلتو حتا هو للمجمد

نمرو دابا للمجبنة كنحتاجو طبعا للمجبنة لي كنكونو غسلناها مزيان و سقطرناها جيدا حتا تبدا تنشف شوية باش نقدرو نتحكمو فيها
في إناء كنعملو قطع اللحم مع شوية ديال الشحمة ونعملو معاهم راس لحانوت و قزبور ناشف و مساخن و كمون و إبزار و سكينجبر و قليل من لقرفة و ملح و زيت لبلدية و شوية ديال الحلبة و حب رشاد

نخلط المقادير مزيان و نعمرو بيها المجبنة ديالنا و نخيطوها و ندهنوها بالملح و الزيت و نعلقوها حتا تنشف
بما أن دابا كيكون لجو بارد ممكن تعلقوها شي يومين ينشف شوية و من بعد تعملوها في لمجمد إلى حين الإستعمال

أنا هنا عملتها في هاد النوع من التوب لمتقب كيكون بحال الشبكة و كنعلقها في لحبل حتا تنشف و كندير نفس الطريقة للكديد أو أي حاجة من المواد الغدائية لي كنبغي نشمشها لأنه كيحافظ عليها من لغبرة و الحشرات ويكفي أنني نقلبها مرة مرة باتجاه الشمس

و في نفس الوقت ساهلة يعني لاداعي كل شوية نسرح و نجمع خصوصا ملي كيكون لجو متقلب .كنعلقها و لوقت لي نبغي ندخلها نحيدها بسهولة
هذا و دمتم في رعاية الرحمان
[SIZE=6]تحياتي [/SIZE

منقووووووووووووووووووووووووووووول لافادة

lkr,g hgf;f,;m fjtwdg llg aaa