طاجين كويرات السردين ديالي بالصور هاد المرة

والصلصة العجيبة طبعا

ها الرابط ديالها
https://www.anaqamaghribia.com/vb/sho…447&highlight=
كنديرو الزيت البلدية والرومية يسخنو ونرميو فيهم البصلة و الفلفلة حلوة غير شوي منشحروهمش بزاف حنت هوما لي غادي يهزو الحراق على الطجين من لتحت وغادي يتعلكو مع الطياب

نرميو فوقهم الصلصة نكونو يالله موجدينها وباقة سخونة باش دغيا يغلا الطجين

نرميو خيزو هو الاول(كيبغي الطياب)

عاد البطاطا

نغطيو طويجين ديالنا نخليو الخضيرة تطبخ ونمشيو نكورو الكفتة

انا كنفضل لكويرات صغيورين

الخضرة طبخات شوي

نرميو لكفيتة طيب

نزينو بلي بغينا.انا كنحماق على الفلفلة حلوة كيفما كانت يا خضرةيا مشوية يامقلية…………ريحتها كتحمقني
ممكن هنايا ندوبو شوي مطيشة دالحك فالما طايب ونزيدوها كتجي رائعة

ونديرو الزيتون والحامض

ونسدو عليه ونقصو العافية تكون مهييييييلة ونحضيو معاه منين يغلا نهزو الغلاقة بمعيلقة باش ميفيضش
وها هو وجد .اممممممممممم واحد اللدة منقولش ليكم حتى تجربوه
انازدت 2 طرونشات دالحامض حنت كنحمااااااق عليه

نتمنى تجربوه بطريقتي لانو كيجي لدييد ولي داقو يحماق عليه و الله العظيم وكناكد على البصلة مع الكفتة و فالنصيب راها كتصرعو

في امان الله ولي جرباتو تدعي معايا بالهداية وقوة الايمان وطاعة المولى عز وجل باش نربحو الاخرة ديالنا لي هي دار الخلد
اللهم اهد امة (لااله الا الله محمد رسول الله) لما تحبه وترضاه
اللهم صل على محمد و على ال محمد كما صليت على ابراهيم و على ال ابراهيم وبارك على محمد وعلى ال محمد كما باركت على ابراهيم و على ال ابراهيم في العالمين انك حميد مجيد
https://www.youtube.com/watch?v=7KYDLwx6_dQ