8/3/2019
السلام على كل الحبيبات والانيقات ديال هاد المنتدى الغالي الي منو كنفيدو وكنستفدو
هاد الكفتة كتجي فحال الكروكيت وبنينة بزاف نخليكم مع مقادير وطريقة التحضير بالصور
خدينا ط§ظ„ط³ط±ط¯ظٹظ† يكون جديد زولنا لو السلسول ديالو وغسلناه وقطرناه
ثم طحناه وغنضيفو لو
2 بطاطا ت مصلوقين ومطحونين
القزبر والمعدنوس والثومة مدقوقين
2 معالق السميدة رقيقة هي الي كتجمع لينا ط§ظ„ط³ط±ط¯ظٹظ†
التحميرة الكامون الملح الخرقوم البلدي
معلقة كبيرة الموطارد
1 فلفلة خضرا او حمرا مقطعة رقيقة
كنخلط كولشي ونديرو فشي بواطا ونديرو فالثلاجة باش الكفتة تقبط راسها وتجينا ساهلة مين نكوروها
هاهي مين كورتها كندوزها فالدقيق ونبدا نقلي
كتجي مقرمشة من برا وبنينة بزاااااف من داخل
رافقتها بواحد لاصوص ديال الفلفلة وشلاضة والفول مشرمل
كنخد الفلفلة ونحكها فالحكاكا بحال مطيشة وكنزيد عليها الزيت البلدية والثومة والربيع مدقوقين
الملح وشوية البزار والكامون وورقة سيدنا موسة كنشحر كولشي حتى تختار تقدري تزيدي ليها
شي مزود ديال فلفلة حارة على حساب الدوق
وبالنسبة لسلطة صلقت المقرونية مع الجلبانة
وزدت ليهم المايونيز وشوية البزار والخل وخلطتهم
وحكيت خيزو والتفاح وخلطتهم وزدت ليهم المايونيز وقبيصة البزار ورشيشة سنيدة
وقدمتها على هاد الشكل
وهادا الفول مشومل كنت موجداه من قبل
وهاهي العشيوة واجدة بالصحة والراحة
اللهم ادمها نعمة علينا واحفضها يا رب من الزوال
;tjm hgsv]dk fhgf’h’h ,hgtgtgm ,hgl,’hv] hhhhhhhhhhhhlllll ,hgd ydvhtrih ,hg]
الله يبارك فيك
ولهلا يخطيك يا احلى ريحانة وعلى التعليق ديالك الحنون
شكرا احبيبة
تم التثبيت + احلى تقييم
لهلا يخطيك والله يخليك لينا فهاد المنتدى الغالي
تبارك الله عليك اختي
5*****للموضوع
اللهم ادمها نعمة واحفضها من الزوال
في امان الله وحفضه