أرزية بالكورجيط والكروفيت وصفة إيطالية رائعة. risotto zucchine e gamberetti

مقادير المرق والطريقة مع الصور

أنحتاجو : بصلة وجوج جزرات وشوية الكرافس ومعلقة صغيرة ملح وشوية الكروفيت وشوية الابزار والماء

نعملو الكل في الكوكوط لتسريع العملية وإلا عندكم الوقت غي طنجرة عادية وخلوه يطيب على راحتو .

كمية الخضار ممكن عينيكم ميزانكم بحيث تكترو شنو يعجبكم أو العكس

ملاحظة : إلا عندكم مرق منزلي ديال السمك يكفي تعملوه في الماء سخون وههوا واجد ، أبداً وش تستعملوا الميكروب ديال ضامة البنة ديال السوق ، الله يسمح علينا على الماضي وصافي ، إن شاء الله بشوية بشوية نبداو نتخلصو من السموم .

دبا المرحلة الثانية

نقطعو القرع إلى مكعبات صغيرة

والبصلة نقطعها صغيرة بزاف وكيف واضح في الصورة من أحسن عمرنا نحيدو البصلة الرأس ديالها لأنه كيسعدنة بزاف في تقطيع حتى آخر حبة ههههه

أول حاجة كنديرو الزبدة في المقلة

نخلوها حتى دوب ونزيدو عليها البصلة ونتسناو حتى ترخف البصلة مزيان

من بعد نزيدو القرع ونشحرو مزيان مزيان واحد 3 ديال دقايق

من بعد نضيفو الكروفيت ونبقاو نحركو حتى يطلق الماء ديلو مزيان وينسجموا جميع العناصر مع بعضهم

كيف ما شفتو الكروفيت طلق الماء ديلو ، فهاد الحين نزيدو الروز وضروري نبقاو نحركو مزيان حتى يشرب الروز كل الماء خطوة مهمة التحراك فهاد الوصفة ، ممكن رشة ديال بزار ، الملح أبداً ، لأنه الزبدة مالحة والمرق مالح ، حتى الأخير وكندوقوه إلا خاص الملح عاد نزيدوه بإذن الله

من بعد متشرب الروز وحركناه مزيان ، غادي نرجعو المرق نبداو نخدو بمغرفة أو جوج ونضيفو ونحركو على نار متوسطة وكل ما تشرب كل منزدوه المرق حتى نحسو به قرب يكمل في الطياب وكدلك كنزيدو قشور حامضة محكوكة والعصير ديالها ، كيزيد واحد النكهة يا سلام ط±ط§ط¦ط¹ط© بزاف ، المعروف أنه المطبخ الإيطالي كيستعملو الأغلبية ديال الوصفات الخمر هداهم الله ، أحسن تعويض هو الحامض بإذن الله .

هنا قرب يكمل وفي هاد الحالة ، نحركو بإستمرار مزيان

هاهو عن قرب الكتافة والقوام ديلو

تقريباً خدة ليا شي ربع ساعة ، المهم المرق ليشيط لكم ، عملوه فشي قرعة ودخلوه الثلاجة كصبر 3 أيام

المهم من بعد ما كاملات الوصفة غدي نغطو المقلة بشي توب نقي وعاد نغطوهة من الفوق بأي غطاء واحد جوج دقايق ، منها ترتاح ومنها أنه داك الماء ميرجعش على الريزوتو ويخسروا لينا

نقدموه بالصحة والراحة مع رشة ديال الربيع ومنسوش ندوقو الملح قبل التقديم

ومتنسوناش من صالح الدعاء ويا رب تعجبكم

وكنشكركم من قلبي جميعاً

السلام عليكم ورحمة الله وبركاته

اللهم أدمها نعمة يا رب وبارك لنا فيها وحفضها من الزوال