السلام عليكن ورحمة الله وبركاته
أتمنى أن تجدكن مشاركتي هذه على أحسن حال ..جيت نقترح عليكم هاد الطريقة باش تاندير الروز, كنت تعلمتها من واحد السدة من العائلة ف المانيا, كانت قالت لي أنها تا هي تعلماتها من شي وحدة ألمانية.. ما عندنا غرض.. المهم أنا دابا كانطيبها ديما فاش كاندير دجاج ولا تا لحووت.. جربووها , وانا اكيدة انها غتعجبكوم:
المقادير: الروزعلا حسب الكمية المرغوب فيها,
جووج حبات بطاطس متوسطة الحجم
الشبت لي سميتوو بالفرنسية, اما بالدارجبة مانكدبش عليكم, راه دار بحال لورآق د البسباس.. و المداق ديالو فاريد من نوعه,
الزبدة
الزعفران و الخرقوم
ملح, ابزار, ورقة سيدنا موسى
الطريقة:
أول حاجة, كنرقد الروز ف لما سخوون شي نص ساعة, و كانبقى نغسلو و نصفيه حتا يولي لما ديالو شفاف, من بعد كانسلقوه نصف سلقة ف الما و لملح و شوة د البزار و ورقة سيدنا موسى, كانصففيوه و نحتافضو به علا جنب
من بعد, كانجيبو مقلاة ماكاتلصقش و كاندهنووها مزيان بالزبدة و كانستفوو فيها البطاطس لي كانكونو قط"ناها دواىر رقيقة,
من بعد, كانديروو طروفات د الزبدة فوق البطاطس, و كانكبو نصف كمية الارز, و كانديرو الشبت و الزعفران و الخرقوم و الملح كما هو مبين في الصورة
من بعض كانديروو الطبقة التانية بنفس الطريقة
ف التالي كانغطيو مزيان معا المقلاة, و كانديرووها على عافية مهييييييييلة بزاف,
ومرة مرة كانبقاو نحركوالرج عي ب الشوية بلا مانقيسو البطاطإ..
و مني كاطيب كانقلبووها ف الطبسيل بحال هاكا.. و راه المداق ديالها كايجي روعة
لا تنسونني من دعاىكن يا عزيزات
‘vdrm lojgtm td jpqdv , jr]dl hghv.>>>lk ;,.dkjd jr]dl hghv.
شكرا بزاااااااااف على التشجيع ديالكم ألغزالات…لبارح ما شفت حتى شي تعليق, جاتني التعاسة… قلت واقيلا حتا شي واحد ماعجباتو…الله لا يخطيكم علي..دابا إن شاء الله غانزيد ندير شهيوات أخرى و نقاسمها معاكم يين شاء الله
