السلام عليكم ورحمة اله تعالى وبركاته
نهار السبت اللي فات جا عندنا عمي من الدار البيضاء مسكين حنين بزاف هاد عمي جا يشوفنا ومشى في نفس نهار
الله يطول عمرو ويخليه لينا
وصلو مع 11 ديال الصباح حطينا السنية ديال أتاي والفاكية
ماصورتهمش حيت كنت في حضن عمي هههههههه ما كنتش مسالية
ومن بعد نضت للكوزينة بديت في شلاظة هي كانت المهمة ديالي
بسم الله توكلنا على الله
كنت البارح بالليل صلقت كل الخضر كل واحدة بوحدها وخليتهم يتسقطرو مزيان ويبردو على خاطرهم
الروز درت معاه المايس والطون والمايونيز والزيت البلدية ومليحة وبزار
درتو في قالب الحلوى
فرشت الخس
كل حاجة خلظتها بوحدها
الباربا خليتها هي الاخيرة حتى جيت نحط عاد حطيتها فيالطبسيل باش ماتطلقش ليا اللون في الخضر اللي حداها
واختي المهمة ديالها إعداد الكتف
صلقاتو البارح بالليل مع شي تخليطة مع عقلتش عليها غير الاوراق والاعشاب هههههههههههههههه
بات كايتسقطر
اليوم شداتو دارت السمن ومربع كنور ودهناتو وحمراتو
صلقات بطاطا صغيورة وحتى هي دهناتها ودخلاتها تحمر شوية
وقلات بريوات وحطاتهم فوق منه والفروماج احمر والزيتون
من بعد الغدا درنا سنية أتاي والبغرير والملاوي والمخامر
ماصورتهاش حيت كنت في حضن عمي هههههههههههه
ما شبعناش منه بقينا غير في الكوزينة والمواعن
حيت استقبلناه في دار ماما الله يحفظها لينا ومابغيناش نخليو ليها الروينة
تحياتي لكن أنيقاتي العزيزات
العقبة لشي ط¹ط±ط§ط¶ط© أخرى إن شاء الله تعالى
uvhqm guld hgu.d. ,lvhj, jtqg, ,r,g, gd vHd;l gugn
عراضة غزالة و الله يخلي ليك عمك
بصحتك التقييم