فطورنا ليوم العيد + طورطة البسكويت و الشكلاطة لعيون الاخت ام اشراق و اميرة

غادي تشوفو ان شاء الله الحلويات اللي وجدنا نالعيد و اغلبها من الكتب ديال رشيدة امهاوش و الطورطة ديال البسكوي والشكلاط كنت نزلت الطريقة ديالا في موضوع مستقل بلا خطوات مصورة و دابا عاودت عدلتا فاليوم الاخير د رمضان وقلت عندي منصورها حيت ط§ظ„ط§ط®طھ ام ط§ط´ط±ط§ظ‚ و ط§ظ…ظٹط±ط© كانت طلباتها مني العام للي فات و كنت واعدتها نزل الطريقة بالخطوات المصورة كنتمنى تسامحني

نبداو بسم الله
https://im23.gulfup.com/2019-08-24/134581766971.jpg

الحلوى اللي فكويغطات ديال الكورن فليكس مخلط بالشكلاط
للي حداها غريبة برقائق اللوز من كتاب حلويات عربية تقليدية د امهاوش
حلوى ديال التمر الغنية عن التعريف
و الحلوى للي حداها هي مورانك بالقهوة من كتاب حلويات لمزيد من الاذواق حتى هو دامهاوش
https://im23.gulfup.com/2019-08-24/134581766972.jpg

الحلوى للي على شكل كويرات و فوق منها نصف لوزة ديال الكوك و السميدة : نعملو 3 بيضات في كاس و قد ماجالكم في الكاس كنعملو نفس العبار ديال الزيت فهمتوني ياك من بعد نخلطهم و نزيدو كاس صغير د السكر و ربع كيلو ديال الكوك ونعجنو الكل بالسميدة الغليضة غير العجينة خصها تكون خفيفة شوي,نشكلوها كويرات وندوزو عليها السكين باش تجينا علي شكل وريدة ونلصقو فوق منها باصفر البيض نصف لوزة وندخلوها نالفرن.
للي على شكل ضفيرات من كتاب اوقات الشاي و حفلاته الاسم ديالا بسكويت بالاشكال حيت باقي اشكال اخرين بالشكلاط غادي تشوفهم في الصور التالية.
حلوى الكاوكاو بالشكلاط الابيض و الاسود : كاوكاو محمر و مقشر كنطحنوه و نعجنوه بالعسل ومن بعد كنشكلوه كويرات نغمسها في الشكلاط و نعملوها في كويغطات.
للي حدها الحلوي د السنيين هههههه هكذا كنسميوها في طنجة حيت زعما مغطية راسها هههههههه : كنخلطو زلافة د الكاوكاو محمر ومقشر و مطحون مع نص زلافة د السكر كلاصي 1 خميرة alza او نصف خميرة عادية ديك للي حمرة و زلافة د الزيت, نشكلوها كويرات ندخلهوم نالفرن وملي نخرجوها ندردرو عليها السكر الصقيل و نلويوها في كويغطات.
للي على شكل مربعات اسمها مثلثات بالكوك و الشكلاط من كتاب حلويات لمزيد من الاذواق (نصيحة متعملوش كمية الطحين كاملة حيت كاتبين 450غ وحنا خدات لينا 250غ تقريبا باش العجين جا لين)
الحلوى للي علي شكل نصف دائرة باللوز و مزينة بالكلاصاج: كنسلقو ربع كيلو من اللوز و نطحنوه واخا انا غشيت و زدت عليه شوية د الكاوكاو ههههههه و نزيدو 125غ من السكر الصقيل, ملعقة قشرة ليمون او برتقال محكوكة,قطرات من عقدة اللوز و القليل من ماء الزهر و نجمعو كلشي ببيضة, نطلقو العجين فوق طاولة مرشوشة بالطحين و نقطعوه دوائر و نقسموهم باش يجيو على شكل نصف دائرة و ندخلوهم للفرن
بالنسبة نالكلاصاج دائما كنت كنشوف الحلويات الجزائرية للي مزوقة بيه وكنقول ضروري نجربه و الحمد لله صدقلي واخا ماما الله يحفظها ملي سمعاتني عنجرب شي حاجة جديدة قلتلي لالالالالالالا هذا مشي الوقت د الاختراعات ديالك خلينا غير فالحلويات التقليدية للي كنعرفو بلا منتحشمو حدا الضياف هههههههههههه
المهم ها المقادير: كناخدو بياض بيضة ونعملوها في اناء ناشف ميكون فيه حتي قطرة د الماء ونزيدو عليها 2 معالاق د الزيت,2 د ماء الزهر و 2 د عصيرالليمون انا عملت ديال البرتقال و نخلطوهم بخلاط يدوي و نبداو نزيدو السكر الصقيل شوية بشوية بلا منوقفو التحريك حتي يرجع الخليط ابيض و تقيل انا خدالي تقريبا 250غ د السكر الصقيل توما جربو غطسو الحلوة فيه و نزلوها فوق الشبكة ادا شفتوه سايح بزاف زيدو السكر و ادا كان العكس زيدو القليل من ماء الزهر و خليو الحلوى تنشف حنا عدلناها في الليل و في الصباح كانت ناشفة و زوقوها بالشكلاط.
ديك الصابلي من كتاب اوقات الشاي و حفلاته اسمه صابلي بالحامض غير انا زينتو ب الكلاصاج للي شاط مع اللوز المهرمش
https://im23.gulfup.com/2019-08-24/1345817669233.jpg

ديك للي بالالوان حلوى بالكوك مطحون مخلط مع العسل و الفواكه المعسلة
و للي حداها هي و للي علي شكلدبيلجات بالشكلاط الابيض و الاسود و للي على شكل كويرات مزينين بالسكر من كتاب اوقات الشاي و حفلاته صفحة 54-55
https://im23.gulfup.com/2019-08-24/1345817669594.jpg
https://im29.gulfup.com/2019-08-24/1345823475651.jpg

دابا ندوزو نالطورطة
بالنسبة نالمقادير هاهما موجودين في هذا الرابط https://www.anaqamaghribia.com/vb/sho…d.php?t=207899

غير انا غيرت فيهم هاد المرة: بالنسبة نالكريم زيدت عليها ملعقة صغيرة او اقل من عقدة اللوز والكاوكاو مهرمش عوض الفانيلا وغادي تشوفو ان الريحة ديالا غادي تكون فحال الكلاص صافي انا عرفت السر ديال الكلاص اللي كيتباع فالزنقة كيقولولك معدل غير باللوز و هما عاملين فية غير العقدة د 10dh هههههههههه
بالنسبة نالشكلاط استعملت في داخل الطورطة الشكلاط ديال الذهن حيت خفت ميقدنيش الشكلاط للي ذوبت مع الحليب (هذا كنخليواه يبرد جانبا حتي مكيبقاش سائل و كيرجع قابل للذهن), و الكريمة للي غطيت بها الطورطة استعملت فيها الزبدة خلطتها مزيان و زيدت عليها الشكلاط المذوب و فالاخير زينتها بالكوك و قطع اليمون الاخضر
https://im28.gulfup.com/2019-08-24/1345824882411.jpg

https://im28.gulfup.com/2019-08-24/1345824882932.jpg

https://im28.gulfup.com/2019-08-24/1345824882443.jpg

https://im28.gulfup.com/2019-08-24/1345824883704.jpg

https://im16.gulfup.com/2019-08-24/1345826334802.jpg

https://im16.gulfup.com/2019-08-24/1345826334223.jpg

جهة د البسكوي كنذهنوها بكريمة الزبدة و الجهة الثانية بالشكلاط نسيت ما صورتها
https://im16.gulfup.com/2019-08-24/1345826335824.jpg

https://im17.gulfup.com/2019-08-24/1345827632691.jpg

و خليوها تبرد في الثلاجة ليلة كاملة عاد قدموها
https://im17.gulfup.com/2019-08-24/1345827632602.jpg
https://im17.gulfup.com/2019-08-24/1345827632913.jpg

https://im17.gulfup.com/2019-08-24/1345827633264.jpg

متنساوش تلصقو الجهة دالبسكوي لليي فيها الكريمة د الزبدة مع الجهة د البسكوي للي فيها كريمة الشكلاط
ومللي تجيو تقطعو الطورطة قطعوها على شكل مائل باش كيبانو الطبقات

https://im17.gulfup.com/2019-08-24/1345829477541.jpg

https://im17.gulfup.com/2019-08-24/1345829478812.jpg

المذاق ديالا جا هاااااائل و كلشي عجباتو الحمد لله

https://im17.gulfup.com/2019-08-24/134582947863.jpg

حاولو تغطيو الطورطة كاملة بالكريم د الشكلاط باش ميبانش البسكوي من الجوانب حيت انا مشاطتليش الكريمة
https://im17.gulfup.com/2019-08-24/134582947874.jpg

https://im17.gulfup.com/2019-08-24/1345829478325.jpg

بالنسبة نالغذاء عملنا سلطة مشكلة و دجاج محمر
السلطة عدلتها مرات خالي جات رااائعة عملت فيها الروز مسلوق, ماكرونة الحروف مخلطة بالمايونيز, الباربة مسلوقة و مبشورة, الجزر و اللوبيا الخضرة مقطعين طريفات صغار و للي في جوانب الصحن بطاطس مسلوقة و معفوسة مع البصل و الخس مقطعين صغار,الخل الزيت و الملح.
https://im14.gulfup.com/2019-08-24/1345830682831.jpg

https://im14.gulfup.com/2019-08-24/1345830683172.jpg

https://im14.gulfup.com/2019-08-24/1345830683783.jpg

كنطلب من المشرفات اذا مكنش فيها ازعاج يخليو الصور يبانو بلا منضغط عليهم و تكتبولي الاسم ديالي فيهم ولكم جزيل الشكر

الموضوع خدالي اكثر من 5 ساعات كنتمنى متبخلوش علي بالردود ديالكم

و صلى الله وسلم و بارك على حبيبنا المصطفى عليه افضل الصلاة و ازكى السلام

t’,vkh gd,l hgud] + ‘,v’m hgfs;,dj , hga;gh’m gud,k hghoj hl havhr hldvm hgpvf