عسل hananoka_11 عسل بروفسيونيل

اللهم اعتق رقابنا يارحم الراحيم في هدا الشهر المبارك والله ادخلو عليكم بالصحة والهنا _ نتوكل على ط§ظ„ظ„ظ‡ ونبداو بادن ط§ظ„ظ„ظ‡ نعطيكم واحد العسل مميز وخاص بالشباكية والبريوات لانه عسل تقيل اولا نحتاجو 2 قوالب دالسكر و 2 لتر الماء و 2حامضات كبار مفلحين و كاس ماء زهر امكن ليك تكتافي فقط بنصف الكمية انا درت بزاف باش يالله كتكفي في الشباكية والبريوات اولا غادي ناخدو 2 قوالب السكر و1لتر الماء والحامض نتابهو مزيان و 1لتر غادي نحتافض به جانبا صورت ليك المراحل دالعسل كيفاش كيطيب مكيشدش الوقت بزاف كنفضل منديرش دالكوكط كنبغي نحس بالحاجة لي مقادها المهم مرة مرة خاصك تحركي خاص ابقا اطيب حتي يولي الحامضقهوي ابان ليكم تعسل عارفو العسل راه واجد غادي تاخدو داك 1لتر الماء وتكبيه في الطنجرة وتبعدي وجهك وتحركي خليه 10 دقايق وانتي كتحركي زيدي داك الماء الزهر وطفي البوطة هاهو واجد كنخليه هاكداك في الطنجرة حتى الصباح وكنخدم بيه شباكيتي فاش كنهزو كنلقاه تقيل وداكشي لي بغيت لان العسل الجاري كينشف الشباكية هاد العسل معمرو غادي اخسر ليك الشباكية هدا عسل مضمون بل غادي تداعاي معايا ايوا متنساونيش في الدعاء والتقييم الا كنت نستاهل _واحد نصيحة معمرك تطفي الشباكية في عسل جاري _تاني حاجة واغا اجيك عسل مزيانولكن غير كتطفي فيه الشباكية شي ايامات تولي ليك بيضة هادا سكر _تالت حاجة فاش تكوني كتصيبي في هاد العسل ديك المغيرفة متحيديهاش من الطنجرة نهائيا نقوليك علاش الا حيدتيها حطيتيها جانبا كترجعي تحركي بها بلا مكتحسي كتكوني رجعتي ليها داك سكر لي فيها هادي غودوها نضيحة من عندي _مديري حتى شي منسمات وبالتوفيق ولي صايباتو تداعاااا معايا

usg hananoka_11 fv,tsd,kdg blue hggi h[h.d; hovm color comic hu’d; font hana hananoka hananoka11 odv odvh [vfj, vhkd sans size

هاني الآن تنحضرو وان شاء الله اكون بحال ديالك راني متبعة المراحل الحبيبة
تسلم الأيادي الزين

احلى تقييم من عند اختك