شباكية في متناول ااجميع مع اسر دااائما

بسم الله .بغيت نقدملك شبكية او المقروط باقل مقادير لي اي وحدا تقدر توجدها
،،،،كيلوطحين
،،،،خمسة معالق كبار جنجلان مطحون جيدا
،،،،زوج معالق خرقوم
،،،،معيلقة قرفة
،،،،نصف معلقة ملحة
،،،،معيلقة نافع مطحون
،،،،معيلقة حبت حلاوى مطحونة
،،،،زوج معالق ماء زهر
،،،،معيلقة خميرة ديال الخبز
،،،،معيلقة خل
،،،،كاس صغير مخلط زيت بلدية او رومية
،،،،100g او خمسة معالق كبار زبدة مدوبة
اطريقة
نخلطو جميع المقادير مع بعضيتها او نبسسوها او نخليوها تبات ليلة كاملة او منبعد عاد نزيدولها لخميرة او ماء ازهر او نعجنوها بلماء بحال الخبز تكون قاااااسحة او تندلك مزيان نخليكوم مع اصور

---

afh;dm td ljkh,g hh[ldu lu hsv ]hhhzlh

اسر باش تجيكوم هشيشا منبعد لقلي او اتعسال ديرها فبوطا منين تبرد او سدو عليها
بغيتوها تجيكوم معلكة ديروها فبوطا او غطيوها بسربيتا باش تشرب لهوا او هكدا تعلك متسدوش عليها
بغيتوها دايمن فيها لعسل او مانشفاش منين ديروها فبواطا او تسدو عليها قلبو لبواطا هكدا لعسل لي لتحت تولي منلفوق او مر مر قلبوها بحال من لخمسيام لخمسيام او حسب الوقت لي بغيتو
باش تبقا مزيانة ديروها فبلاصة باردة ماشي بدارورة تكون اتلاجة باش متسيحش منها لعسل فمكان صخون
شحال ما وجدت بيمات قبل رمضان شحال ما زيانت حيت كترقد او كتبقا بحال يلاه درتوها لبارح
هانتوما من الداخل مجعبا او شاربة لعسل او معلكة
نتمنا نكون فدتكوم
دعيو معيا بى ادرية اصالحة فهاد لعواشر

هنا منين بسبسة جميع المقادير او هانتوما تشوفو قبضة اليد واقفة عرفوها مزيانة

هنيا منبعد ما تعجن اتسرح نطويوها بحال لمسمن او نطلقوها مزيان او نشرطوها علا ستة كما في اصورة بحيت كيجيو تلات في اليمين او تلات في اليسار او لجناب لداخل نتمنا نكون وضحة

تبارك الله عليك اختي زوينة الله يعطيك الصحة

الله يبارك فيك اختي او شكرا علا المرور

الله يعطيك الصحة أختي جاتك فنة تستحقين أحلى تقييم

الله يبارك فيك اختي غي جربوها والله كتجي مزيانة او معمراش قوام او مفيهاش البيض شبكية المسكين هههه

تبارك الله عليك اختي
أنا ايضا متنديرش البيض

اللهةيبارك فيك اختي او عواشر مبروكة
اه البيض كيدير الكشكوشة او كتفيض ازيت
غي فلقلي خاص نردو البال مزيان او تقلا علا عافيا مهيلا
شكرا اختي علا المورو