20/8/2019…أم رزان
السلام عليكم و رحمة الله و بركاته
رمضان مبارك يا انيقات. الله يتقبل منا و منكوم صالح الاعمال و يجعلنا من عتقاء هاد الشهر الفضيل و يغفر لنا دنوبنا و يرزقنا و اياكم الجنة. اللهم امين
بغيت نتقاسم معاكوم شي افكار ايلا قبلتو عليا
لهادا قررت نشاركوم ببعض الشهيوات لي كندير فهاد الشهر الفضيل
الشهيوة 1 / لسان الطير
شفتها هنا فالمنتدى و طبقتها. جات غزالة
و هدا الرابط
الشباكية *شكل جديد *
المقادير (كتعطي كمية صغيورة)
3 كيسان صغار دقيق + ربع كاس زبدة دايبة + كاس الا ربع حليب + مليحة
الطريقة
كنعجنو العجينة عادية
كنديرو كويرات صغار و نطلقوهوم بالمدلك
نطيبوهوم نص طيبة
كنلفو العجينة و نسدو ليها الجناب بخليط الما و الدقيف باش ما تحلش لينا اثناء الطهي
و كنقطعوها بطريفة الفقاص
كنقلوها فالزيت و نطفوها فالعسل و نرشوها بالزنجلان
الشهيوة 2 / الملاوي
تبعت الطريقة ديال لولو اكادير. الله يعطيها الخير( اول تجربة)
درتهوم صغار بزاف (ميني ملوي هههه)
الشهيوة 3 / شوصون
الطريقة خديتها من الوريدة ديالنا (وردة عربية الله يحفظها و ينولها لي فبالها)
هادا رابط الوصفة
شوصون بالطون + شنيك بكريمة اللوز بنفس العجينة و دائما من مطبخي
و هادا التطبيق ديالي
و العجينة لي بقات درت بيها بيتزا
الشهيوة 4 / القنينطات معمررين
اولا صايبت الورقة ( بطريقة المسمن)
نخليكوم مع الصور التوضيحية
عجنت العجينة ديال المسمن
عملت كويرات صغغغاااااااااااار بزاف
طلقتهوم بالزيت
طيبتهوم فالمقلة التقيلة (مقلوبة) و على نار مهيلة
و ها الورقة واجدة
دابا ندوزو للحشوة الاولى / مالحة
شوية معدنوس مقطع
1 بطاطا مسلوقة و محكوكة
3 قطع دالفروماج
ابزار
و نخلطو
كنسرحو الوريقة
نعمروها
و نجمعوها
كنسدوها بخليط الما و الدقيق من الجناب
الحشوة الحلوة
كاوكاو محمر مقشر و مطحون + سكر كلاصي + قرفة + مازهر
نفس الطريقة
و ها القنينطات / او السيكاراي واجدين
الحلوين
المالحين
aid,hj vlqhkdm lk hd]dh aid,hj vlqhkdm
و هادي كيكة حتى هي صاوبتها هاد رمضان كتجي زوينة و خفيفة
و هاهو رابط الوصفة
الشهيوة 6 / بطيبيطات معمرين
عمرتو ب الطون + مطيشة مقطعة دواور + الفلفلة مشوية + الزيتون مقطع + صلصة الياغورت
صلصة الياغورت
1 ياغورت طبيعي + 3 م ك زيت زيتون + م ص خل + شوية معدنوس مقطع + ملح + ابزار
تخلط المكونات جيدا و نعملوها للبطيبيطات من الفوق كيجي لدييييييييييد بزاف
الله اعطك الصحة
المشاركة الأصلية كتبت بواسطة nadiochka 
ربي يخليك الزين. نورت الموضوع
المشاركة الأصلية كتبت بواسطة inase الله اعطك الصحة
الله يبارك فيك اختي. لهلا يخطيك
المشاركة الأصلية كتبت بواسطة romaysati ربي يخليك الزين و شكرا على التشجيع
الله يرزقنا واياك الجنة
بالصحة اختي