حلوة الطاس تاع كيكوز

السلام عليكم ورحمة الله
كيف حالكم عواشركم مبروكة نسال الله ان يبلغنا رمضان و ان يعيننا على صيامه و قيامه
اليوم جبتلكم حليوة هي ساهلة كتجي هشيشة بزااااف او كتقرمش و لكن كتبقى فالطاس لي انقارض شوية كيعرفوه غير الناس لقدام

المقادير

غ 500 دقيق فورص مزيان
بيضة + قليل يعني قرصة تاع خميرة العجين + تقريبا ملعقة صغيرة غير مملوؤة خميرة الحلوة + م ك زبدة +م ك زيت+ 4 م ك خل + قبصة ملح + م ك سكر+ كاس صغير ماء الزهر + ماء دافئ لجمع العجين

تزين : عسل او سكر كلاصي

الطريقة

تخلط جميع العناصر بحيث تكون العجين قاصحة وراك لدليك حتى تبدا طرطق ليك العجين خاصها دليك جيدا حتى تصبح مطلوقة مزيان، نعمل منها كويرات صغارعلى قد غطاية تاع بيدو الزيت نغطيوها و نخليوها ترتاح 3 حتى 4 سوايع
باقي الشرح بالصور

نطلقوهم بالزيت

من بعد ما نطلقوها كنشرطها بالموس كل ما كانت مشرطة مزيان احسن تم كنجمعها من الجوانب الاربعة بحال رزيمة على راس الاصبع

كنكون سخنا الزيت فالطاس مايكونش عامر حتى الفوق بزاف باش مايفيضش، نحركوها بقطيب نكونوعوجنا ليه راسو باش تقلبوها

بالنسبة للعسل اما كتغطسيها فيه اما كتخليها ناشفة حتى تبغي تحطيها عاد دوزي فوقها خطوط تاع العسل بالمعلقة بالنسبة لي ما كتعجبوش حلاوة بزااف او دردري عليها سكر كلاصي عوض العسل
نتمنى تعجبكم اي سؤال انا موجودة

pg,m hg’hs jhu ;d;,.