oum hedayah
7-18-2019
السلام عليكم ورحمة الله
اللهم اهل علينا شهر رمضان باليمن والايمان والسلامة والاسلام
حتى انا وجدت الشباكية يومين وعاد كتاب ليا نزلها وتبارك الله القسم مخاصاهش شباكية غير حبيت نشارككم بشباكيتي وتعطوني رأيكم على بركة الله ندوزو للمقادير
زلافة زنجلان محمر ومطحون ومغربل
زلافة مدكوكة لوز ممسوح ومطحون ومغربل
2معالق حبة حلاوة
2 معالق نافع
1 ملعقة قرفة
ربع كاس ماء زهرة ونسميه بالروح دالزهر
ربع كاس خل
1بيضة
زعفران شعرة
ملون اصفر
مسكة حرة مدقوقة
كاس زيت زيتون مخلط زيت المائدة
نصف زلافة زبدة مذوب منزوعة منها الحليب
شوية الملحة
شوية الخميرة العجين
2 خمارات الحلوة
3 كيلو دقيق لي استعملت
كنخلطو جميع المكونات الناشفة ونمزجو الكل جيدا أنا كنعاود نغربل من جديد كل المكونات فالقصعة
كنضيفو السوائل مع المزج المستمر ونزيدو الماء الدافئ للعجن غير كتبدا تجمع ونحبسو الماء يستحسن تكون العجينة قاسحة لنتيجة افضل
هنا فاش تجمعات وعياتني هههه جبت ليها لي يعبر عليها الدلاكة الغالية علية وخى اكل الدهر عليها وشرب هههه باش ترطاب بالدليك
شفتو الحادكة تبارك الله ههه
نقطعوها قطع صغيرة باش نتحكمو فيها مزيان
كنبسطوها شوية بالمدلك
وندوزوها من الة التوراق حتى هي كتسهل امور التوراق
كنقطع بالجرارة
هكدا كنشبك سمحو ليا مصورتش الطريقة المهم كنقطع على 4 قطعات بالجرارة وكناخد سطر ونزل سطر ونلاقي الروس الفوقاني مع التحتاني ونقلب تبارك الله راه منكم تعلمت هههه غير كنسالي التشباك ونبدا فالقليان
من بعد ما نقليوها اكيد كنرميوها فالعسل حيت مصورتش هاد المرحلة تلاهيت
وهنا فاش هزيتها من العسل ونحطها تقطر شوية عاد نبدا نستف فالسطل ونرش بالزنجلان لي عملتو فقرعة الكونفتور تقبتها من الفوق وكنرش بيها
هدا شكلها النهائي
اللهم بلغنا واياكم رمضان لا تنسوني من صالح دعائكم اخواتي احبكم في الله استودعكم الله الذي لا تضيع ودائعه
afh;djd hglujl]m ]hzlh lk l’fo hanayed sfh;djd
الله يعطيك الصحة و بصحتك و راحتك اخيتي
احسن تقييم مع الشكر و الاعجاب
اللهم بلغنا رمضان و الله يتقبل منا و منكم صالح الاعمال
المشاركة الأصلية كتبت بواسطة oum hedayah 
الله يعطيك الصحة و بصحتك و راحتك اخيتي
احسن تقييم مع الشكر و الاعجاب
اللهم بلغنا رمضان و الله يتقبل منا و منكم صالح الاعمال
الله يعطيك الصحة الحبيبة انتي مولات الخير شكرا على التثبيت والتقيييم وعواشر مباركة
المشاركة الأصلية كتبت بواسطة FATIMARADI ويجازيك اختي شكرا لكم رمضان كريم
المشاركة الأصلية كتبت بواسطة shamess وسلمت اخيتي بارك الله فيك رمضان كريم
الله يعطيك الصحة
تم التقييم