أمة الله بديعة 26.12.2019 السلام عليكم انيقاتي كيف عاملين ؟ نتمنى تكونو بألف خير اليوم غادي نقترح عليكم واحد الكيكة ديال ط§ظ„ط³ظ…ظٹط¯ط© موودرن و كتجي مفشفشة و ما حلواش حيث فيها غير معلقة دالسكر و تقدري من بعد تزينيها بالكونفتير و الكوك و اللوز إيفيلي أو الشكلاط ذائب، و راها كتجي هائلة و لضيوف الغفلة عملتها البارح مللي جاتني واحد الضيفة عزيزة علي و ما كانتش عندي الكيكة و زيد حتى الفران تقاضات ليه البوطة. و للامانة أنا خديت الوصفة من واحد الموقع و شحال هادي و أنا باغية نطبقها حيث ساهلة و كتوجد في وقت قليل. بلا ما نطول في الهضرة ندوزو للمقادير: غاد نعبرو بكأس أثاي أي (150ملل) حاجتنا ل 2 كيسان أثاي سميدة رقيقة 1 كاس حليب أي( 150 ملل) 1/2 كأس زيت اي( 75ملل) 2 خمارات حمرين 1 فاني قبصة ملح 1 ملعقة كبيرة سنيدة 1 بيضة و 50ملل حليب غادي نخليوه حتى الاخير عاد نزيدوه حتى ترتاح العجينة حيث غاد تكون شربات الحليب الأول نخلطو المقادير الأولى و نخليوها ترتاح واحد 1/4 ساعة ضروري تخليها ترتاح، من بعد غادي تلقايها شربات الحليب الأول كيفما قلت عاد تزيدي ليها 50 ملل الحليب الثاني. غاد تسخني مقلاة ما كتلصقش بحال طيفال يكون القطر ديالها 22 سم إلا كانت عندك وحدة كبيرة دوبلي المقادير، و تعملي فيها 1 ملعقة زيت و تفرغي الخليط و تخليه يطيب من الجهة الأولى 10 دقائق على نار مهيلة بزاف أولا غير تشوفي الفوق ما بقاش معجن تقلبي بشوية و تخلي الجهة الاخرى طيب عاود شي 5 دقائق، راها كتنفخ شوية. صافي و تو ضعيها في طبق التقديم و تزينيها كيفما بغيتي، أنا عملت غير السكر كلاصي. إيوا شفتو كيف سريعة و ساهلة هاد الكيكة بلا فران بلا نيلة هاهاهاهاهاهاها أترككم مع الصور 
و بالصحة و الراحة
;d; hgsld]m l,]vk ‘hdfm ydv t,r hgf,’mK lh ju[f,a ]og, lvpfh
زوينة وساهلة شكراا بزااف غادة نجربها إنشاء الله
تبارك الله عليك جاتك غزالة
تبارك الله عليك
الله يعطيك الصحة واش كنتي سادة عليها محيت شفت لغلقة ديال الفراح
غزالة الله يعطيك الصحة
تبارك الله عليك أختي جاتك فنننننننة . حنا كنقولو لها الحرشة السريعة ،
امممممممممم الله يعطيك الصحة
المشاركة الأصلية كتبت بواسطة سلوى الأيام 
الله يعطيك الصحة واش كنتي سادة عليها محيت شفت لغلقة ديال الفراح اه أختي سديت عليها واحد الوقت بالقفالة ديال المقلاة و لكن ماشي ضروري حيت تعرق
فنة الله يعطيك الصحة تستاهل نجربوها