طورطة هدية لكل العضوات و المشرفات بالتفاصيل و الصور

اليوم غادي نقدم ليكم ط·ظˆط±ط·ط© بينة و ساهلة لا من ناحية المقادير ولا طريقة التحضير

انا كنت من النوع لي ماكنزعمش نصايب هاد النوع ديال الطورطات ولكن الغربة كتلزمك تعلمي بزاف ديال
الحوايج

و قبل مانبدا بغيت نشكر واحد الأخت عاوناتني بزاف فأنني نتعلم اكثر و مابخلاتش عليا بالنصائح ديالها هي
ماشي عضوة فالمنتدى و لكن كدخل كزائرة و نتمنى منها تسجل و تفيدنا بداكشي الجميل لي كتصايب ونستافدو منها

طولت عليكم ياك يالله نبداو على بركة الله

هادي هيا الطورطة لي غقدم المقادير ديالها فشكلها النهائي

من بعد نبداو نضيفو خليط ابيض البيض على حليط اصفر البيض لي طربنا مع السنيدة مانزيدوهش كامل مرة وحدة ناخدو بشوية بشوية و نحركو بمعلقة خشبيه حتا يتجانس الخليط باش مايتهرسش لينا البيض

هادا الخليط من بعد ماضفنا الدقيق و الخميرة

نديرو 2 اوراق ديال الجيلاتي بالماء بارد حتى تطلق مزيان

من بعد نديروها فكاسرونة و نديرها على عافية مهيلة حتى ذوب

كتولي الجيلاتين على هاد الشكل
و من بعد نضيفو ليها الفريز لي طحنا مع السكر و نخلطو

هاد الطريقة كتخلينا نربحو الوقت دغيا كنخدمو بالكولي ماكنبقاوش نتسناوه حتا يبرد

بالنسبة للكريم شانتيي
كنطربو القشدة الطرية مزيان حتا كتولي شانتيي ايلا كانت محلاة ماكنزيدوش ليها السكر و ايلا كانت غير محلاة كنزيدو ليها السكر حسب الذوق نتي زيدي السكر و طربي و ذوقي داك الساعة نتي و ذوقك

من بعد ناخدو الكريم شانتيي العادي لي مافيهش الكولي ديال الفرير و نهزو بضهر المعلقة و نهنو الجناب ديال المول من فوق الفريز

وتسقي الجنواز بالسيرو او اي عصير عندك و ديري طبقة ديال الشانتيي لي مخلطة بالكولي ديال الفريز و ترشي طريفات ديال الفريز ايلا بقاو ليك و تبقاي غادا هاكداك حتا تكملي الطبقات انا درت 4 الطبقات حيت كتعجبني تجي عالية لي بغات دير اقل ممكن
ملاحظة: المهم هو الطبقة الأولى و الأخيرة خاصك ديري فيهم جنواز مقطعة مقادة اما ماتبقى من الطبقات لي كيكونو الوسط كترقعي بالأطراف ديال الجنواز بحال فالصورة و ماتنسايش ديما فكل طبقة تسقي الجنواز

من بعد ماتكملي جميع الطبقات كتسدي بالكريم شانتيي العادية

انا استعملت هاد الموس حيت ماعنديش السباتول المخصصة لهاد العملية
من بعد كندخلو الحلوى للمجمد شي 3 ساعات اولا تبات ايلا ماكنتيش باغاها داك النهار و من بعد تخرجيها و تزوقي على راحتك و ذوقك
انا خديت داك شوية ديال الكولي لي خليت كنسخنو شوية يت كيتجمع وضفت ليه ملون احمر و من بعد ماكنحيد الطورطة من المول كنزوق الجناب بالشانتيي و نبدا نخوي داك الكوليي بالمعلقة باش مايسيحش

و درت خطوط بالشكلاط فوق من ورق المطبخ و خليتهم حتا نشفو و زينت بيهم

هدا شكل الفريز لي كنا درنا فالأول فجناب المول

و هادا الشكل النهائي نتمنى تعجبكم و نكون توفقت فالشرح حيت هدا اول موضوع كنزعم و نحطو فقسم الطبخ

كنشكر هاد المنتدى الرائع لي علمني بزاف ديال الحوايج و عرفني على بنات من كل نواحي المغرب
و كنشكر كل اخت خديت من عندها شي وصفة او تعلمت منها شي حاجة و كنشكر كذلك كل اخت دخلت لموضوعها و كنقوليهم يسمحو ليا ايلا شي نهار دخلت شفت شي موضوع او خديت شي وصفة و ماشكرتش مولاتها