غولي بالفرنبواز والشانتيي رائع وسهل

Oum Hedayha
25-5-2019

السلام عليكن حبيباتي
يا رب تكونو كلكم بخير وعلى خير وكل عزيز عندكم.
اليوم مع وصفة سهلة جدا, لذيذة وجميلة جدا, وصفة ط؛ظˆظ„ظٹ ط¨ط§ظ„ظپط±ظ†ط¨ظˆط§ط² والشانتيي, ممممممممم.

نبدامع,
+++المقادير:
+4 بيضات من الحجم المتوسط
+100غ سنيدة
+100غ طحين
+فاني
+ 1/2 ملعقة صغيرة خميرة الحلوة
للتزيين:
+كنفتور فرنبواز والى بغيتو تزيدو نكهة الفرنبواز افضل
+علبة كريم شانتيي والحليب
+سائل لسقي الكيك من اختياركن, عصير او سيرو…اللي تحبو

+++الطريقة:

نطرب البيض والسكر جيدا والفاني, حتى يتضاعف حجم الخليط ويعمل فقاعات ويولي لونو مائل للبياض, نضيف الطحين والخمارة, ونخلط من فوق لتحت برفق باش ميتكسرش البيض اللي طربنا.
نعملو الخليط فاللاطة الخاصة مغلفة بورق السيلفيريزي, وندخله الفرن على درجة 180, راه دغيا كيطيب.

نخرجوه من الفرن ونكونو موجدين ورقة سيلفيريزي اخرى راشين عليها سكر كلاصي ومنديل مبلل بالماء.
نقلبو الغولي فوق السيلفيريزي المرشوش بالسكر كلاصي, ونحطو عليه المنديل المبلل باش يسهال علينا نحيدو السلفيريزي اللي طابت فيه, نخليوه شوية ونزولوها بشوية, ونلويوه ونخليوه يبرد في الثلاجة.
منين يبرد نخرجوه ونحلوه نسقيوه غير شوية حينت كيجي هشيش وباش ميترخاش ليكم الرولي, ونحشيوه بالكنفتير فرنبواز اللي خلطنا مع نكهتها, ونلويه تاني ونغطيوه بالشانتيي ونزينوه.

نطربو الشانتيي, باش كتجيني عاقدة مزيان ولذيذة, كنعمل معاها حليب نيدو اللي كنخلط مع الماء, لكن السر هو انني كنضاعف كمية نيدو اللي خصني نعمل مع الماء, نطربوهم جيدا حتى يعقدو ونحطوهم يبردو بالثلاجة.