موضوع مثبت بتاريخه من طرف
Faty bel
السلام عليكن ورحمة الله وبركاته واهلا ومرحبا بكن في وصفتي الجديدة اليوم .
وصفتنا اليوم هي مادلين او مافين او كاب كيك باللبن كايجيو زوينين ظ„ط¯ط§ط¯ وممكن الوصفة تعتامديها وتبدلي فيها كيف بغيتي .
على بركة الله نبداو
المقادير:
200 g دقيق
2 معالق كبار كاكاو مر الا مكانش نديرو الحلو
خمارة حمرة 8غ
2 بيضات
160 غ سنيدة قياس كاس عنبة
100 ml لبن كيف كتشوفو نصف كاس عنبة
100ml زيت تاهو نص كاس
قبسة ملح
جوج بنانات ممعوسين بفرشيطة
حبيبات شكلاط او ناخدو شكلاط ونقطعوه طريفات صغار
الطريقة :
نخلطو دقيق مع الكاكاو والخميرة فإناء بوحدهم
والبيض سكر زيت لبن ملح نخلطوهم وحدهم ونبداو نزيدو عليهم خليط دقيق ونخلطو مزياااااان
ملي يتخلطو عاد نزيدو البنانات
ونخلطو عاوتاني غير شوية .
ندوزو نوجدو الكويغطات اما فلاطة بحال هاكا او غير فالطاوة غير هما كيتزلعو مكيجيوش مزيانين .
ونبداو نعمرو ونديرو فالتالي حبيبات الشكلاط من لفوق او لي بغاتهم من الداخل دير معلقة ديال الخليط ودير الشكلاط وعاد دير معلقة اخرى ديال الخليط .هادشي لي كندير 2 معلقات فكلا وحدة .
نخليكم مع الصور
وهاهما ملي خرجو من الحمام الااا من الفران اعتدر .بالصحة
وبصحتكم نتمنى تجربوهم كيف قلت ظ„ظٹظƒظ… ممكن تحيدو الكاكاو والبنانات وديرو لوز مطحون او تحيدو البنانات وديرو طريفات ديال الكركاع وتمر او زبيب .المهم الوصفة باللبن كتجي مفشفشة وكتحمر لوجه خصوصا فالحفلات ديال الروض او المدرسة كلشي يسول كيف درتي ليهم .ولكن هاااااا ماتوريو حد ابقاو بيناتنا .
ماتنساونيش من صالح الدعاء .
😋😋Muffins lllllll g]h] fhgfk ,hgfkhk gd;l ,g,gd]hj;l rfg lk;l 😋😋😋
ان شاء الله نجربو و مشكورة على الوصفة
تم التثبيت مع احلى تقييم لك غاليتي
عن طريق : samsung – SM-G900F
المشاركة الأصلية كتبت بواسطة faty bel 
ان شاء الله نجربو و مشكورة على الوصفة
تم التثبيت مع احلى تقييم لك غاليتي
وااااااااااااااااااااو التتبيت كااااع شكرا شكرا على الكرم ديالك وشكرا على المرور شرفتيني ربي يخليك
المشاركة الأصلية كتبت بواسطة ome-rayane الله يبارك فيك شكرا على المرور القيم
المشاركة الأصلية كتبت بواسطة verezara الله يبارك فيك وشكرا بزاف على التقييم وبصحتو مسبقا
المشاركة الأصلية كتبت بواسطة أم أسووومة22 اللت يبارك فيك مالكي كتهضري رسمية زعما خفتي نجري عليك بحال بشرى .بغيتك ديري ليا شوية الحس هنا ههههههه.
مكنعرفش الله يجازيكم بالخير مشرفاتنا الغاليات كتبو ليا سميتي ولا وريوني كيف نكتبها .راني سطلة فالمعلوماتيات 😊