03/12/2019
هاد التارت كتعجبني بزااااااف
كتتقدم فالمطاعم كدسير وطبعا الطريف لا يقل عن 20 درهم
المقادير الكريمة : علبة ونصف حليب مركز ومحلى
3 أوراق جيلاتين
عصير 4 ليمونات أو حسب الذوق ( الحامض )
مقادير البيسكوي : 1 ونص علبة بسكوي مطحون بزوج كيوزنو تقريبا 300 غ
100 غ زبدة ذايبة أو الزبدة لي تجمع ليك البيسكوي
طحنت البيسكوي وضفت عليه الزبدة مذوبة
جمعتو مزيان بالزبدة
عملتو فالمول واستاعنت فغطاء قالب الحرشة باش نقاد الطبقة ومتجيش جهة طالعة وجهة نازلة أنا دخلتها للمجمد وحد 5 دقايق وممكن تدخلوها للفران نفس الوقت
رطبت الجلاتين فالما وعصرت الليمون ( الحامض ) وسخنت منو وحد الشوية فين نذوب الجيلاتين
وضفت خليط الجيلاتين والليمون على الحليب المركز
وخا فالأول يجيك الخليط خفاف راه انتي كتحركي وهو كيعقد شوية بشوية
خويت الكريمة فوق البسكوي وحاوت نعطيها شكيل زوين
براس م ك كنجر فوق الكريمة وبلا منغرق ونوقف فالوسط وكنحصل على هاد الشكل
ندخلها للثلاجة على الأقل 4 سعات عاد نقدمها وكل ما خليتها أكثر يكون أحسن
هادي وحيدة صغيرة زينتها بقشور الليمون معسلين
كنتمنى الوصفة تنال إعجابكن
بالصحة والرحة
tarte de citron lllllllllllllll hggi hojd jfhv; jfhv; hggi ugd; ahx ugd; ;jaid
عطاك الله الصحة
مع احلى تقييم
الله احفظ لك وليداتك واجعلهم درية صالحة بادن الله
ام العربي اجي لهنا نزلي الطبسيل افينك ههههههه
وا ام العربي اجي لهنا غي طريف ههههههههه
المشاركة الأصلية كتبت بواسطة ام العربي1 
عطاك الله الصحة
مع احلى تقييم
لله يبارك فيك حبيبتي ام العربي
وألف شكر على التقييم مع أنه مرورك كافي ووافي حبيبتي
الرجوع لله يا ام العربي انتي خودي الكبيرة وخلي غير الصغيرة بعدا يدوقو منها هههههههه
المشاركة الأصلية كتبت بواسطة ابنة فاطمة الله احفظ لك وليداتك واجعلهم درية صالحة بادن الله
آمــــــــــين حبيبتي ولك بالمثل غاليتي
نورتيني جزاك لله خيرات الدارين
السلام عليكم ورحمة الله وبركاته
جات هااائلة غنسجل المقادير فاش اكتاب نجربها
المشاركة الأصلية كتبت بواسطة ام العربي1 عطاك الله الصحة
مع احلى تقييم
بسم الله الرحمن الرحيم
السلام عليكم ورحمة الله وبركاته
ام العربي كوني لطيفة ومتخليني نجري موراك
عطيني غير ندوق ختك حاملة باش منحك شي وتكوني السبب هههههه غير عطيني بالخاطر باش متاخدي الدنب ههههههههه