كيك بريوشي بعجين اللوز والزبيب والإجاص

لهاد الوصفة كنحتاجو
100gزبدة رطبة
100gسكر
100gعجين اللوز
3بيضات
250gطحين
2معالق صغار ممسوحين خميرة حلوة
معلقة كبيرة زبيب
لتعسال بوعويد أو الإجاص كنحتاجو
2بوعويدات متوسطين
2معالق كبار سكر
شوية قرفة
عصيرنص حامضة

أول حاجة كنعسل الإجاص منبعد مانكون قشرتو وقطعتو شرائح على عافية مهيلة مع السكر والقرفة وعصير الحامض

منين يتعسل كنطفي عليه ونخليه يبرد

ندوز دابة لتحضير الكيك أول حاجة كنطرب الزبدة وعجين الكيك

نزيد البيض

السكر حتى يولي الخليط كريمي

الزبيب

نخلط الطحين والخميرة ونضيفهم ونخلط في الأول بالطراب اليدوي لهلا يخطيه عليا ههه

عاد كنطرب بالآخر باش مانرجعش الكوزينة غير الطحين هههه

كناخد مول صغير كندهنو بشوية الزبدة والطحين وندهن يدي بالزيت وأنا كنبسط العجينة حيت كتكون كتلصق

كنستف بوعويد

كندخل الكيك للفرن مسخن على حرارة متوسطة170درجة لمدة 45دقيقة باش نعرفو طاب أولا كتكون الريحة غزالة عاطية في الدار وباش نتأكد كندخل فيه موس بحال الكيك العادي إلى خرج ناشف هي طاب

كنخليه يبرد شوية عاد نحيدو من اللاطة كيتحيد بكل سهولة كنقدمو مزين بشوية سكر كلاصي من الأحسن تنكال دافية

وهاد الطريف لأول وحدة كترد على الموضوع

كيجي مغاير للكيك العادي ماشي رطب ولدتو لاتقاوم خاصة مع شي كويس ديال أتاي مشحر ياسلام هههه
هادا رابط لعجين ط§ظ„ظ„ظˆط² اللي ماكيقدروش يلقاوه بسهولة
https://www.anaqamaghribia.com/vb/sho…d.php?t=371625