كيك محشو بموس براليني غزآآآآآال

السلام عليكم و رحمة الله تعالى و بركاته
كيدايرين الانيقات لباس عليكم
اليوم غنوريكم واحد الكيك تتجي معمرة ط¨ظ…ظˆط³ ط¨ط±ط§ظ„ظٹظ†ظٹ من الداخل تتجي زوينة بزاف، ان شاء الله تعجبكم حتا نتوما

ادن اول حاجة تنصاوبو هي الجنواز، فيها

4 بيضات، 170 غ سنيدة، 100 غ طحين، 40 غ كاكاو، خمارة 7غ و ملح

الطريقة باينا بحال اي جنواز عادية، لي ناكد عليه هو اننا خاصنا نطربو البيض مع سكر مزيان لمدةلا تقل علا 10 د باش تجينا مفشفشة من الداخل و خفيفة، و الصور توضح كل شيء

من بعد ماطيب نقلبها فوق شي شبكة و نخليها تتبرد تماما، ضروري

ندوزو دابا لتحضير الموس، غنحتاجو فيها

رابعة ديال الكريما، 2 اصفر البيض، 40 غ سنيدة، 3 م ك ماء، 2 جيلاتين، 50 غ براليني

اول حاجة نرطب الوريقات الجيلاتين فالما و نخيلهوم جانبا، تم نطرب القشدة و نخليها

تنصوب سيرو بالسكر و الما ونخليه يغلا مزيان تيبدا يتقال و لكن بلا ميتبدليه اللون و نطرب بيه اصفر البيض تتيباض اللون ديالو ، تم نضيف ليه البراليني و نخلط، تم الجيلاتين لي تندبو فوق العافية و فالاخير الكريما بشوية شوية و ها الموس واجدة

بانسبة للكيك ملي تبرد تنجيبو موس وتنحيدو منها واحد الطرف نحاولو يكون رقيق ما امكن ونحتافضو بيه جانبا، تم ندوزو للكيك نخويوه من الداخل، اول حاجة تنحدو ط¨ظ…ظˆط³ البلاصة لي غنخويو تم نجيب معلقة و نبدا نخوي تتنخوي الكيك كولو من البابة ديالو، هاديك البابةنحتافظو بيها فالمجمد تنديرو بيها شي حاجة خرا، ديسير فكويسات متلا ولا نجمعوه بالشكلاط و نسلي متلا……
ادن من بعد ماخوينا الكيك تنعمروه بالموس ونحطو الطربوش فوق منو تم ندخلوها للتلاجة تتبرد مزيان وتش الموس فراسها

من بعد تنجبدها ونقلبها باش يولي الطربوش لتحت و الزواق دلكيك لفوق، وهنا عندك الاختيار، انا كنت تنخليها غ هاكا تنكتفي برشة خفيفة من السكر الصقيل، هاد المرا درت عليها كاناش دو ليكس ديال ام هداية تتجي غزالة الله يعطيها الصحة، خويت فوق منها الكاناش، زوقت جنيبات ديالها بالفويتين و رشيت عليها شوية ت السكر كلاصي و ابلصحة و الراحة

;d; lpa, fl,s fvhgdkd y.NNNNNhg lpsk