طارط بالجزر وكريمة البرتقال

ثبت بتاريخ 01/19/10
oum hedayah

كيما وعدتكم هاهي مقادير وطريقة الطارط انا

درت غير نصف المقادير وخرجاتلي حلوة

متوسطة اما الى بغيتي ديري حلوة كبيرة كديري

المقادير كلها وغادي تعطيك 5 طبقات.

اوا بلا منطول عليكم نبداو

الكيك:

500g جزر محكوك

4 بيض

1 م ص بيكاربوناد

2 خمارة حمراء

250g سكر

20cl زيت

250g دقيق

قبصة ملح

60g لوز مهرمش

قرفة

سكين جبير

سيرو

كريمة البرتقال:

1/2 ليتر عصير البرتقال

75g سكر

4 صفار بيض

40g مايزينا

للتزيين:

كلاصاج

شكلاط دايب

رقائق اللوز محمرين

بالباطور كنضربو البيض مع السكر حتى

يضاعف الحجم ديالو

ونزيدو الجزر والزيت دائما بالضراب

في اناء اخر نخلطو الدقيق,ملح,خمارة

حمراء,اللوز,قرفة وسكين جبير و البيكاربوناد

ونضيفوهم للخليط الاول ونحركو بسباتول

نفرغو الخليط في 2 لاطات ديال الفرن ملبسين

بورق الطبخ

وندخلوهم لفرن 180c مدة 20

تقريبا

نخليوهم يبردو ونقطعو 5 قطع من البسكوي

(غادي يكونو 4 قطعة كاملة ووحدة تكون

مرقعة)

(انا عطاتلي 3 قطع كاملين ووحدة مرقعة)

كنخلطو جميع مقادير الكريما ونديروها فوق

العافية حتى تعقاد

كناخدو المول ليغادي نديرو بيه المونطاج

وكنوضعو طبقة اولى من البسكوي ونسقيوها

+2م ك من الكريما بعدما تكون بردات

ونديرو

طبقة من البسكوي و …. حتى نكملو الطبقات

لي عندنا

وكندخلوها الثلاجة واحد 2 ساعات

كنخرجوها ونزولولها المول

كنديرو الكلاصاج

من الفوق ونزينوها بالشكلاط على شكل ميل فوي

ونخليوه حتى يجمد وندهنو الجوانب بالكريما

ليبقات لينا ونرشوهم برقائق اللوز

وهاهي منين وجدات راها كتجي لديدة

---

‘hv’ fhg[.v ,;vdlm hgfvjrhg

تبارك الله عليك حبيبتي في الله

الله يبارك فيك الزين وشكرا لمرورك

ماااااااااااا شاء الله عليك غزاااااااااااااالة

ايوا عطيني طريف قبل ما نحكها

ههههههههههه

تبارك الله عليك جاتك كدحمق

ما شاء الله سلمت يمناك اختي ولا تحرمينا من جديدك…

تسلم الأيادي جاتك زوييييييييييينة تبارك الله عليك 😉

تبارك الله عليك حبيبتي

ماشاءالله اختي روعة الله يعطيك الصحة

الله يعطيك الصحة غزاااااالة