تبت بواسطة المغرب وطني
04/03/2019
السلام عليكم ورحمة الله
بعد غياب ماشي على المنتدى
ولكن غير على كتابة المواضيع هاني جبت معايا وصفة صحية للوليدات وحتى الكبار كولشي عارف الفوائد الكثيرة للخرطال (الشوفان) ولكن ميبغيوش ياكلوه لينا هاكا من غير بحال هاد الوصفات لي كتكون بنينة
نخليكم معا المقادير
- 4 بيضات
- كاس سنيدة
- قبصة ملح
- ڤاني
- كاس زيت
- 3 كيسان خرطان
- كاس حليب
- 2 خمارات
- الطحين حسب الخليط.
- طريفات تمر زبيب كركاع لوز شكلاط لي متوفر في الدار او بلاش انا درت غير التمر والزبيب
العبار بكاس العنبة
الطريقة
نديرو الخرطال والحليب فشيزلافة ونخليوه يرطاب
في اناء اخر نضربو البيض + سنيدة + ڤاني + الملح
ملي ينساجم بزيدو الزيت ونضربو
بضيفو الخرطال والحليب لي رطاب
طريفات التمر والزبيب
نخلط مزيان
وفي الاخير نضيف الخمارات والطحين لي يكون خليط شوية تقيل بحال في الصورة
نديروه في المولات وندخلوه لفران مسخن من قبل
وهادي نتيجة من بعد الطياب كيجيو خفاف ولذاذ وزيادة على هادا صحيين
واحسن 1000 مرة من كيكات وبيموات ديال الزنقة
هاد المقادير خرجو ليا 24 حبة كنديرهوم في الكونجيلاتور وكل نهار كنجبد لولدي باش يدي معاه للروض في العشية كتكون طلقات
اما إلى بغيت نحطها ديك الساعة كنسخن الفران مزيان ونطفيه وكندخلها تشرب الصهد ديالو علما نعمر اتاي كتكون بحالا عاد طايبة
متنساونيش بدعواتكم
lhtk fhgov’hg lu ‘vdrm hghpjthq fih ‘vdm
تبارك الله عليك حبيبة مافن كيشهيو
تم التتبيت *+5 *****للموضوع
مع احلى تقيم
المشاركة الأصلية كتبت بواسطة ام الاميرة وصال 
اه كاين فمرجان وكارفور دابة نحط ليك تصويرة ديالو
تم التقييم