المقادير:
2 بيضات
كاس (العنبة) سنيدة
كاس زيت
كاس حليب
كاس سميدة رقيقة
كاس دقيق الفورص + قبصة ملح
قشرة حامضة محكوكة
1 بكية لافاني
1 و نصف بكية الخميرة الحلوة
1 ملعقة كبيرة كونفتير المشماش
للتزيين:
علبة أناناس
الفواكه المعسلة
الطريقة:
أول حاجة نديرها نصفي الأناناس و نحطو فوق ورق نشاف و نخليه جانبا
نحضر المولات الخاصة بالطورطات الصغار ندهنهم بالزبدة و نرشهم بالسميدة رقيقة
فزلافة نكسر البيضات و نزيد السكر و القشرة الحامضة و بكية لافاني
نخلط مزيان غير بطراب يدوي و نزيد الزيت
و من بعد نزيد الكونفتير و الحليب مع التحريك المستمر
نزيد السميدة رقيقة مغربلة و نخلط
و في الاخير الدقيق و الخميرة مغربلين و ما نساش القبيصة دالملح
نخلط مزيان و ها خليط الكيكة ديالنا واجد
نعمر الطاسات غير للنصف باش ما يفيضوش حيث فيها الخميرة
فوسط كل طاسة نحط دائرة ديال الأناناس المعلب
ندخلهم للفران و ملي يطيبو و يتحمرو نخرجهم ندهنهم بالكونفتير و نرجهم واحد 2 دقايق
و هدا الشكل ديالهم ملي خرجتهم من الفران
نزينهم بالفواكه المعسلة و نقدمهم بالصحة و الراحة
اللهم أدمها نعمة و بارك لنا فيها و احفظها من الزوال آمين
;d;hj tv]dm fhgHkhkhs a;gih y.hg , shigm thgjpqdv i]dm g;k dh Hpgn Hkdrhj gdgn u.hx tvd]m
المشاركة الأصلية كتبت بواسطة fati_dior 
بارك الله فيك أحبيبة و ألف شكر على المرور الكريم و الرد الطيب
المشاركة الأصلية كتبت بواسطة دعاء الجنة أنت الأروع الحبيبة بارك الله فيك
المشاركة الأصلية كتبت بواسطة sapna22 بارك الله فيك أحبيبة ….شكرا على المرور
المشاركة الأصلية كتبت بواسطة tazaghine بارك الله فيك الزين …ربي يحفظك و ينورك
المولات فيهم تقريبا 8 سنتيم ماركة lamacom و راهم موجودين عند المحلات اللي كيبيعو لوازم الحلويات