السلام عليكم ورحمة الله وبركاته اليوم حبيت نشارككم طورتتي لي كنعشقها وكحبوها الكبار والصغار ليمكياكلوش خيزو حيت المداق مفيهش حس خيزو
بسم الله،
المقادير الكيك :
– 4 البيضات – 2 كيسان خيزو محكوك – 2 كيسان سكر سنيدة- 2 كيسان زيت – دانيت – 11 معلقة دقيق – 2 معالق كاكاو amaro – خمارة 16g.
مقادير الكريم :
دانيت – معلقة كاكاو amaro.
الطريقة :
نفصل أبيض البيض على الصفر نطربو حتى يولي فحال الثلج نخليه على جنب نخلط باقي المقادير عدا الدقيق والكاكاو والخميرة نغربلهم ونخليهم هما اللخرين، ونزيد عليهم بياض البيض ونخلط بمعلقة ديال الخشب من فوق لتحت باش ميتهرسش بياض البيض وعاد نزيدو الدقيق والكاكاو والخميرة نديرو ورق السولفريزي فالمول ونكبوا الخليط وندخلوه الفرن. من بعد منخرجوه نكونو مخلطين دانيت مع الكاكاو وندهنو بيه وهو سخون والتزيين كبقاء حسب الذوق. أنا زدت لداخل حتى قبيصة دلقرفة والكركاع مقطع طريفات حيت هاد 2 كيتماشاو مع الكاكاو.
وبالصحة والراحة.
‘hv’ hg[.v ,hg[,.
