نفتتح دورتنا الثالثة للعضوات بكلمة شكر في حق كل من شاركتنا التميز للرقي بمنتدانا …..
شكرًا أنيقات منتدانا شكرًا مشرفاتنا الساهرات على نجاح الدورة….
بارك الله في الجميع و الف الف شكر.
اضغط على الصورة لمشاهدة الوصفة
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
],vm hguq,hj hgehgem>>>>>>>>>> ohw f],h. hjhd
كوكيز بالشوفان
الشوفان كيتباع فعلب هكذا كما فالصورة
-300 غ سنيدة
-225غ دقيق مغربل
-240غ شوفان مطحون ومغربل
-125غ زبدة
-2 بيضات
-القليل من القرفة
-1 خمارة
-1 فاني
– 120 غ زبيب
– 100 غ كركاع
-1 تفاحة كبيرة
في اناء نخدم الزبدة مع سنيدة بالطراب الكهربائي حتى نحصل على هاد الخليط
نزيد البيض ونطرب
نزيد الدقيق رشة القرفة فاني خمارة ونخلط الكل بالطراب
نحصلو على هاد الخليط
ونزيد الزبيب طريفات التفاح و الكركاع مقطع طريفات
ونخلط بملعقة خشبية
ونزيد الشوفان اللي طحناه
ونبدا نشكلو بلا منكورو غير نهز بيدي ونحط ونباعدو بيناتهم
ويدخل للفرن على نار متوسطة منين يطيب نزل الحبات فوق شبكة ونخليه حتى يبرد
ويقدم بالصحة و الراحة
حلوى الصابلي من نوع خاص لأطفال الأحباء
للعجين نحتاج
250 غ سكر – 4 صفار البيض – قشرة حامضة محكوكة- 1 زبدة الماركارين *لدة* – قبصة ملح – كيس الفاني – الدقيق حسب الطلب – الدلاك – الطابع كبير قليلا.
نمزج السكر مع الماركارين جيدا
نضيف البيض – و باقي المكونات حتى الحصول على عجين لين متماسك
نرش سطح الطاولة بالدقيق أو نضع العجين وسط البلاستيك الغدائي اسهل بكثير
نطبع دوائر و البعض منها نزينه بالعيون و ابتسامة مرسومة برأس السكين كما في الصورة
تطهى في الفرن حتى تنضج
كملاحظة درت نصف المقادير
شكلاط اسود و ابيض – ابرة للرسم**كتكون فسيرو الحلاقم ديال الاطفال هههه**
ملونات غدائية. نخليكم مع الصور اللي فيهم شخصيات كرتونية عزيزة على الاطفال مثل سبونج بوب – هالو كيتي – زايزوزاي ههه
مربى الفراولة لصقت بيه صابلي اللي طبعنا فيها العوينات و الابتسامة. اما باقي الصابليات مملصقينش هير وحدة .
جربوها لأطفالكم غادي يفرحو بيها
البهلة بحبيبات الشكلاط والفرميسيل حصري لعيونكم أنيقاتي
حبيت نقدمها لكم بأفكار بسيطة وغير معتادة قدمتها بالتمر وعجبت الآنيقات
وليوم كنقدمها لكم بفكرة اخرى جديدة ونتمنى تنال إعجابكم أنيقاتي
250 غ زبدة
زلافة سكر سنيدة
زلافة زيت
كيلو فورص
شوية قرفة
1 فاني +2 خمارات 15 غ
حبيبات شكلاط وفرمسيل
كنفرغ دقيق في قصرية ونفرغ لوسط ديالو ونضيف زبدة مذوبة وزيت وفاني وقرفة ونبشة ملح ونصف خمارة
كنرمل دقيق مزيان ونديرو في شي إناء ونخليه يبات ليلة كاملة احسن
انا خليتها غير 5/4 سوايع
في الغد رها غادة تصبح قاصحة كندلكها مزيان مزيان حتى تتماسك عجينتها
ونزيد لخمارة ونصف ونعاود ندلك
قسمت الخليط على 2 نصف درت له حبيبات شكلاط
ونصف درت له فرميسيل ألوان
خلطتها غير بشوي وشكلتها وستفتها في لاطة مدهونة ومرشوشة
وندخلها لفرن ساخن كنشعل عليه لفوق حتى تتشقق عاد نشعل لتحت
في فران لغاز ديال لمغرب كتجي احسن الف مرة
وهاهي بالصحة والراحة
كوكيز بالزبيب و التفاح بدون مواد دسمة
150غ رقائق الشوفان.
50غ كوك محمر.
125غ سنيدة.
150غ زبيب.
125غ دقيق.
نص خمارة.
2 بيضات.
تفاحة كبيرة.
1 معلقة زبدة و 1 فانيل ( نطيب فيهم تفاحة )
نبداو بالتفاح هو الأول. نقشر تفاحة ونقطعها طريفات . نطيبها فزبدة و فانيل.
نخلط النواشف كلها . أنا قطعت زبيب حيث ستعملت لكبير.
زدت عليهم تفاحة ممعوسة.
ثم البيض حبة بحبة.
نهز الخليط بالمعلقة و نحط فلاطة مفرشة بورق الطبخ ( مبقاليش هههههه)
لي عندها معلقة آيس كريم تتسهل العملية.
دخل كوكيز للفرن 15 دقيقة تقريبا ( حسب نوعية)
بالصحة و الراحة.
بالنسبة لأصحاب الحمية ممكن الإستغناء على سكر وستعمال القمح الكامل بدل دقيق عادي.
حلوى الرخامة من مطبخي
250 غ لوز مسلوق و منقي هير النصف ديالو و يقلى ثم يتهرمش في الطحانة مع ربع ملعقة صغيرة قرفة
200 غ شكلاط اسود و الابيض للتزيين
العسل
ملعقة كبيرة ماء الزهر
1 *** نجمع اللوز مع ماء الزهر بالعسل 2 معالق جمعوليا انا
2*** ناخد قالب كيف ما كان و نفرشو فيه البلاستيك الغدائي و نحطو فيه اللوز و نغطيوه و نبسطوه
3*** نسكب الشكلاط الاسود فوق اللوز و نحركو القالب بيدينا حتى ينتشر الشكلاط بطريقة متساوية و ندخلوه للمجمد 30 دقيقة
4*** نقلب القالب من جهة اللوز السفلى تولى للاعلى و نسكبو النصف المتبقي من الشكلاط و نزين بخطوط بيضاء متقاربة و نجروها بعود الاسنان
5*** ندخلو القالب للمجمد 30 دقيقة
6*** بسكين حاد نقطعو الحلوى ديالنا الى اشرطة عرضها 2.5 سنتم و نقطعوها معينات او مربعات . انا درت معينات
كملاحظة منين درت الشكلاط فحمام مريم يدوب ضفتليه ملعقة صغيرة من الزيت كضيفليه اللمعان.
بالصحة و الراحة
غريبة الكوك والقمح الفينو ياسلآآآام غزالة وتستاهل تجربتكم أنيقاتي
صباح /مساء المحبة والسعادة وراحة البال يارب
وصفتي اليوم غريبة بسيطة لكن كتجي رائعة ومنعشة بمذاق الليمون
ومتأكدة إلى جربتوها غادين تعتمدوها مع وصفاتكم
تفظلو مرحبا أنيقاتي
2 بيضات
كاس زيت /100مل
كاس سنيدة
قشرة ليمونة
خمارة وفاني
100غ كوك وماتبقى قمح
شوية ماء الزهر وسكر صقيل
كنخلط زيت والبيض وسكر وخمارة وفاني وقشرة الليمون
تم كنضيف الكوك
تم القمح أنا هديك زلافة لصورت زدت عليها شوية
خاصها تبقى مرخوفة نخليها واحد 5 دقائق عاد نشكلها
كندهن يدي بماء زهر وناخد شوية من الخليط ونشكلها ونفندها في سكر كلاصي ونخليها تتشرب سكر حتي يعمر طبسيل
عاد نبدى نهز ونستف فيها في لاطة مدهونة ومرشوشة بدقيق
وممكن نزينها حتى بنصف حبة اللوز كتجي غزالة في المنظر
ندخلها للفرن ساخن نشعل غير لفوق غير شوية حتى تبدى تتشقق حيت دغيا كتتحمر وحنا بغيناها شهيبة هههه عاد نزلها تكمل طياب ونخرها تبرد
ونقدمها
بالصحة والعافية على قلوبكم يارب
حلوة بالدقيق الكامل
هاد البسكوي كيخي لديد ومقرمش فحال اللي كيتباع اانا كنديرو على حساب بنتي مكتكلش الخبز بالدقيق الكامل ايصلاح لوليداتنا نبداو على بركة الله
4 كيسان دقيق الكامل بنخالتو منحيدوش النخالة
2 معالق فورص
3 معالق كبار زبدة لينة
2 معالق كبار عسل حر الا مكانش نديرو العادي
بيضة
كاس لاروب سنيدة
قبصة ملح
الحليب كنجمعو بيه فالاخير انا درت تقريبا 3 معالق كبار
1 خمارة
1 فاني
فالاول كنطربو او كنضربو بدينا الزبدة مع الفاني والسنيدة والعسل والملح حتى كنحصلو على كريمة ونضيفولها بيضة ونطربو
انخويوه على الدقيق غنحصلو على عجين مبسبس ههه و نبقاو نضيفو فالحليب حتى نحصلو على عجينة لينة
كنرشو الميزينة فالمكان اللي غنطلقوها اندرولها ميزينا ونطلقوها بالدلاك ونقطعوها بالمرشم اللي بغينا
انديروها فلاطة مدهونة امرشوشة بالدقيق اندخلوها للفرن طيب
اكنزينوها كيف احبو وليداتنا انا بنتي كتبغي الشكلاط والمربى زينت بهم و بالصحة والعافية
كيف حالكم أنيقات منتدانا الغالي ليوم إن شاء الله غنشوفو وصفة معروفة فالمنطقة الشرقية إسمها تقنتة من مشتقات السفوف المغربي ولي مقاديرها ساهلة لكن كتحتاج تقنية ودقة فلخدمة
كنديروها فمناسبة الزيادة وأيضا فسيد الميلود وبهاد المناسبة جربتها بطريقة مختالفة على لي كندير وبغيت نشاركم التجربة
على بركة الله نبداو وصفتنا غيكونو المقادير مع الطريقة إن شاء الله
لتر زيت+ كيلو دقيق+ رابعة لوز مفسخ ومقلي ومهرمش+ رابعة زنجلان صاين+ سنيدة حسب الذوق + ملعقة كبيرة نافع محمر ومهرمش مزيان+ ملعقة كبيرة كاوبيل+رأس ملعقة صغيرة قرنفل مدقوق + 2 ملاعق كبار ماء الزهر
الكمية كتعبر بالتر يعني شحال ما غيكون عندنا من لتر ديال الزيت نعبرو الدقيق ونتوما على حسابكم اخواتي
أنا خدمت بلتر زيت كنخويوه فإيناء مثلا كوكوط كبيرة كنوضعوه على نار حتا يغلى ويسخن مزيان باش نعرفوه وجد كنديرو شوية من الدقيق كيطلعو فقاعات بحال هادكا
مباشرة كنقصو للنار يعني تكون مهيييييييييييلة جدا هيا فالأصل كتخدم على الفاخر ملي ميتوفرش نشوفو الراس الصغير ولا لبوطة صغيرة
كنخويو الدقيق ديالنا شوية بشوية وكنحركو فلول كيكون الخليط قاصح بهاد الشكل أما يلى جاكم جاري زيدو شوية الدقيق
نبقاو نحركو فلخليط حتا ينسجم مع الزيت
من بعد غيبقا يباليكم لخليط كيتطلق بهاد الشكل يعني راه كيوجد
نستمرو فالتحريك من السفل إلى الأعلى من حين لأخر حيت كبقا يتحمر الدقيق ولونو كيبدا يتبدل أما يلى محركناهش خيتحرق لينا من تحت ويبقا لفوق بيض
هنا بدا يتحمر متغفلوش عليه فهاد المرحلة وكل أخت على حساب لون لي كتبغي ممكن محمر بزاف ممكن قهوي بارد
منساوش ملي نطفيو العافية ونسدو الإيناء كيزيد يتحمر حيت كيبقا سخون .
ملي تحمر الدقيق ديالنا وهو مزال سخون مباشرة نوضعو فيه سنيدة ونخلطو مزيان
ثم نضيفو الزنجلان ديالنا يتحمر فيه
نغطيو الخليط ونخليوه يبرد تماما ممكن حتا الغد …….
نقلبوه فشي إناء واسع ونضيفولو باقي المقادير
نخلطو الكل
ونقدموها بالصحة والراحة
كتقدم مع التمر
لفرق لي بينها وبين سفوف أنها كتجي جارية وكتشوفيها كتسيح فطبسيل وحتا هيا كتطلق الزيت ممكن تحتافضي بديك الزيت وتعاودي تخلطيها حيت كتنشف ملتحت
نتمنا الوصفة تعجبكم وتزعمو وتجربوها
تحياتي
اللهم إجعل هذا العمل خالصا لوجهك الكريم
صابلي بالكراميل
العجين :
125غ زبدة+ 1/2 كاس سكر كلاصي+قشور حامض+دقيق حسب خليط+بيضة راس معلقة صغيرة ديال خميرة(يمكن تضاعف مقادير)
الحشوة : حليب مركز +لوز مقلي ومهرمش ولا كركاع ولا كاوكاو لمتوفر وشكلاط
نخدمو زبدة مع سكر من بعد نزيدو بيض وقشور حامض وفي الاخير دقيق نزيد بشوية حتى تجمع عجينة نديروها في بلاستيك غدائي ونخليوها 1/2 ساعة في ثلاجة
نطلقو عجينة ونطبعوها دوائر ونديروهم في مولات صغار ديال طارطولت نتقبوهم ونطيبوهم في فرن
باش نعمروهم نحتاجو حليب مركز لي طاب في كوكوت باش يولي كراميل+لوز مقلي ومهرمش ولا كركاع ولا كاوكاو لمتوفر وشكلاط
نخلطو كراميل مع لوز و نعمرو صابلي ونزوقوه بخطوط ديال شكلاط
في الاخير زينتو بحبات ديال حلوى (اختياري)
نتمنى الوصفة تعجبكم و طبقوها