بالأخلاق نرتقي :صورة معبرة

ليس التقدم و الرقي بالعري و انما بالاحتشام و الاخلاق الفاضلة

وما كان الاسلام ابدا عائقا امام التقدم بل هو أساسه

فرق كبير بين مستوى تلاميذ اليوم و تلاميذ البارحة

---

fhgHoghr kvjrd :w,vm lufvm

فين داك زمان وهاد زمان احبيبي فكرتيني في الوالدة ديالي كانت متخرج حتي تلبس جلابة وتعمل نقاب ديالها الله يرحمها في هاد نهار ويرحم جميع المسلمين يارب

اللهم امين الله يجعل مثواها الجنة . يزداد احترامي كلما رايت امرأة كبيرة في السن ومع ذلك متمسكه بنقابها و حشمتها ولو انها تدري انه لن يطمع فيها الشباب لكن من شب على شيء شاب عليه .

هذاك الزمان كانت البنت تسنحي تحط المكياج وتستحي تلبس ضيق وتتسابق على التفوق
وهذاك الزمان كانت المعلمة كاتشرح بكل دقة وتحب مهنتها وتتباها كونها معلمة
هذ الزمان التلميذة كايهمها غير اشغادي تلبس للمدرسة واشمن عكر تحط واشمن براسلي تدير
وهذ الزمان المعلمة كتتحسب غير امتا تشد هذيك الراتب ولوليدات ماشي مهمين تدرسهم لانها بالليل غادي تدير لهم حصة الرياضيات والجغرافيا في الدار كادرس خصوصي ملي كل واحد يجيب 500 درهم
والى سقطو عطا الله الشماعات علاش نعلقو فشلهم بجوج
والحكومة مشغولة تقلب حل باش مايغشو الطلبة ديال الباك لانها جابت لهم موازين في وقت المراجعة وفاش تطلع جينفر على 2m راه الحكومة ماغلطااتش وحشا واش تغلط الغلط كلو على ام الطالب فاش نعست وخلات ابنها كايراجع في الصالة وماهزات التلفازة تسد عليها وتخبيها

صدقتي غاليتي
وانا ديما كنقولها التربية كتبدا ممن الاساس من المنزل بها نعرفو نختارو الصح من الغلط
عاد البارح الوالده ديالي كانت كطل من الشرجم شافت شي بنات قالت ليه هاد البنات ديال اليوم كيمشو لمدرسة غير باش يتزوقو ويبانو ماشي بهدف الدراسه و الولاد يمشو باش يبسلو عليهم طبعا ماشي كلشي ولكن شريحه كبيره هي
الله يشوف من حالنا ويهدي ماخلق

الوالدة ديالك عندها الصح الله يطول في عمرها ويحفظها ليكم
زكما قلتي ماشي كلشي فاسد كاينبن المعلمات المخلصات في عملهم وكاينات البنيوتات لمربين تبارك الله
عواشرك مبروكة وقبلاتي لك وللوالدة

اللهم آمين احبيبة ويطول لك فعمرك وعمر وليداتك حتى تشوفيهم كيف بغيتي ان شاء الله
الله يبارك فيك و فالامة الاسلاميه كلها

ايوااااااا الحمد لله على كل حال دابا مصاب ولادنا يخليونا غير نكملو الجملة عندهوم التعقيب واجد اش يتعلمو راهغير من 10 سنين لهنا قلب حالنا

الله إلطف بينا هاد زمان ولا كيخلع لا بنات لا ولاد وليتي متعرف فين هي البنت او فين هو الولد
البنت ولات تلبس حوايج دراري
او الولد قال ليك ولا البس الغوز
عاد خلي كساوي او حتى جلالب ولاو لاسقين على الجسم باز ليهم معرت كيف كيلقاو راحتهم
لبس زمان كان ليه همة او شان
حتى انا ماما الله ارحمها عندي شي تصيورات ديالها بنقاب يا سلام والله الا كتبان فنة الله ارحمها و ارحم بابا حتى هو وارحم جميع المسلمين

السبب الرئيسي هو اختلاط المدارس ملي بنت مع الولد في قسم واحد ايوا ما بقات لا حشمة لا حياء لا خوف
لا اداب لا هضرة مزيانة كل شي الاخلاق مابقاتش ابداا بنت عندها ربما 11سنة معكرة ايوا بزاف
فين الام هي الاولى دابا من 9سنين عارفين العجب كلو وزيد الضلالة بحال المهرجانات والافلام
والحرية بلا حدود تخرج تدخل وقت ما بغات وتسافر المشكل ماكاين لا خدمة لا مستقبل الوالدين محنين مزيان