بسم الله الرحمن الرحيم والصلاة والسلام على أشرف الخلق وسيد المرسلين أما بعد
أخواتنا الكريمات كل عام وأنتن بألف خير أدخل الله عليكن هذا الشهر الفضيل باليمن والبركات
تقبل الله منا ومنكن صالح الأعمال
وجعلنا وإياكن ممن تعتق رقابهم من النار
لا شك أن إفطار الصائم من أعظم أوجه البر في هذا الشهر الكريم
عَنْ زَيْدِ بْنِ خَالِدٍ الْجُهَنِيِّ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ فَطَّرَ صَائِمًا كَانَ لَهُ مِثْلُ أَجْرِهِمْ مِنْ غَيْرِ أَنْ يَنْقُصَ مِنْ أُجُورِهِمْ شَيْئًا".
نسألكن أخواتنا الفاضلات الدعاء الطيب في ظهر الغيب ولكن بالمثل بإذن لله
عن أبي هريرة – رضي الله عنه – قال : قال رسول الله – صلى الله عليه وسلم – " ثلاثة لا ترد دعوتهم : الصائم حين يفطر ، والإمام العادل ، ودعوة المظلوم يرفعها الله فوق الغمام ، وتفتح لها أبواب السماء ، ويقول الرب : وعزتي لأنصرنك ولو بعد حين " ( رواه الترمذي ) .
1-الزلابيا
2-كريوش
3-العسل بمذاق الكراميل
4-شباكية عصرية
5-بريوات باللوز و الحليب المركز المحلى
6-مقروط التمر في الفران
7-بريوات بعقدة اللوز و البراليني
8-سلو رائع
9-بريوات باللوز
10-المقروط
11-حلوة الوردة مقلية
12-عسل بنكهة البرتقال للسيدة حليمة
17-المخرقة او الشباكبة بطريقة ام العربي
18-شباكية
20-عسل منسم بالفاني و الحامض و ماء الزهر
22-السفوف أو سلو بطريقة أم أســـامة
23-** شباكية هشيشة ومعلكة **
24-شباكية معلكة وكتدوب فالفم
25 حلوة التريدة بشكلين مختلفين
31 الزميتة السلاوية
32 سيكار بالكاوكاو و الزنجلان
],vm vlqhk> 2024>>>afh;dm lrv,’ st,t lj[]] Yk ahx ggi 2024afh;dm Hjp]n vlqhk vlqhkafh;dm
اخواتي في الله رمضان كريم الله يدخلو عليكم بالصحة او مغفرة للذنوب
اول مشاركة لي غدي تكون بالزلابية كيفما غدي تشوفو المقادير بسيطة او الطريقة حثى هي
المقادير
3 كسان ونصف طحين
نصف كاس مايزينا او النشا
م ك خميرة الخبز
م ك سكر
قبصة ديال الملحة
3 كسان ماء دافئ
شوية خرقوم اوقطرات ملون غدائي احمر واصفر حسب الرغبة
زيت حامي للقلي
عسل
الطريقة
الطحين+ مايزينا+الخمير+السكر +الملح تنخلطو العناصر مع اظافة الماء بالطراب اليدوي تتكون العجينة جارية
تنجبو دواز او القمع تنجشوه فبوشيط او خنشة نخرحو لي فمو منها هههههه كيما عملت نخوو فيه الخليط
مسبقا تنكونو سخنا الزيت مزيان تنقصو العافية او نبداو انديرو شكل حلزوني ملي طيب تنطفوها فالعسل.
المقادير
500 دقيق مع شوية الملح
3 معالق كبار زنجلان محمر و مطحون
160 زبدة لينة
معلقة صغيرة خميرة معجونة
معلقة صغيرة سكر
معلقة صغيرة خميرة الحلوة
نصف كأس ماء زهر
2 معالق كبار خل
بيضة
ماء دافي
وضعت في اناء الدقيق و الزنجلان و خميرة الحلوة و الزبدة
تنخدمهم بالأصابيع حتى تدخل الزبدة في الدقيق
وتنضيف لهم البيضة و الخل و الخميرة دايبة في شوية الماء مع السكر
وتنجمع العجينة بماء الزهر و الماء دافي حتى نحصل على عجينة متماسكة
قسمت العجين على 4 الكويرات و غطيتها و خليتها ترتاح شوية
طلقت العجين بالمدلك
و باش ما نضيعش العجينة في التقطاع تنيت عليها و احد الجانب
ثم الجانب الثاني و طلقتها مرة أخرى بالمدلك تنحصل على مستطيل مقاد
تنقطعها مربعات وسط كل مربع 5 شرطات
تنأخذ شريط و نخلي شريط تيكونو عندي 3 الأشرطة القدام و 3 في الخلف
تنأخذ رأس و تندخلو من الوسط حتى يخرج من الجهة الأخرى
و تنحصل على شكل سلسلة
أو تنقطع مربعات صغار تنعمل فيهم 6 الشرطات يكونو متقاربين و تنقلب المربع على الظهر
و تنجمع 2 الرؤوس المتقابلين تنضغط عليهم مزيان باش متفكش في القلي
و تنحصل على هذا الشكل المشبك
فاش كملت العجين قليتهم في الزيت حتى تحمرو
و عملتهم في العسل من بعد عملتهم في شبكة يتسقطرو و رشيتهم بالزنجلان
المقادير
2 كيلو سنيدة
2 ليتر من الماء
الطريقة
نديرو سنيدة فالكوكوط و نخليوها حتى تبقى تاذوب فوق نارمتوسطة وحنا تانحركو من بعد نخويو الماء ونخليوه بلا مانحركوه حتى تعاود ذوب سنيدة ونسدو الكوكوط شي نصف ساعة و الا كان باقي خفيف نخليوه فوق البوطة حتى نشوفوه تقال ، انا تايبقى لي حتى لعام متاتغير لا لونو ولا طعمو
وبالصحة والراحة
شباكية عصرية
المقادير
رابعة زبدة مذوبة
نصف لتر حليب دافئ
خمأرة
معلقة صغيرة نافع مطحون
معلقة كبيرة جنجلان مطحون
شوية قرفة
الطحين حسب الخليط
نخلط النواشف
نزيد الزبدة والحليب
ندلكها
ونخليها ترتاح شوية
نطلق ونشبك
نقلها فالزيت ونطفي فالعسل
المقادير
10 الورقات كبار
250 لوز مسلوق و مقلي و مطحون
نصف علبة حليب مركز محلى
أصفر بيضة لتلصاق
ضفت الحليب المركز على اللوز وخلطتهم دهنت ايديا بالزيت و شكلت كويرات
قطعت الورقة الى أشرطة تنعمل كرة من اللوز وتنطوي عليها الورقة و تنلصق الأطراف بالبيض
بعد ما كملت البريوات قليتهم في الزيت ثم عملتهم في العسل
فاش تيطيبو الحليب المركز تيولي كراميل تيجو لذاذ و معلكين
المقادير
350 سميدة رقيقة قياس 3 كيسان العنبة
130 دقيق قياس كأس و نصف
130 زبدة دايبة و باردة قياس كأس
نصف كأس زيت
نصف كأس صغير ماء زهر
كأس العنبة ماء عادي
ملح
خلطت كل المقادير مع اضافة الماء حتى حصلت على عجينة مرخوفة بلا ما تدلك
خليتها ترتاح ساعة حتى تتشرب شوية طلقت نصف العجينة مستطيل
خذيت 300 غرام عجين تمر ضفت له معلقة زبدة و نصف معلقة صغيرة قرفة
طلقت عجين التمر بين 2 بلاستيكات تكون طبقة رقيقة
ثم وضعتو على العجينة و لويتو على شكل رولو من الأحسن نعملو ورق الزبدة أو بلاستيك
تحت من العجينة باش ماتلصقش تتكون مرخوفة بالنسبة لهاد الطريقة غادي نحتاجو كمية التمر أكثر
الى عملنا العجينة كلها بنفس الشكل نزيدو 100غرام حتى 150غرام
المستطيل عملت منو 2 رولوات ثم قطعتهم مائلين و نقشتهم بالمنقاش
و باقي العجينة عملت منها حربل كبير عملت فيه حفرة و ضعت وسطها حربل عجينة التمر
جمعت عليه العجينة و حربلتو مرة أخرى هذه طريقة سهلة و اقتصادية نحتاجو لكمية قليلة من عجينة التمر
طبعتو بقطاعة الحلوى و قطعتو مربعات أو نقشوه بحال الشكل الأول و ضعتهم في الطاوة و دخلتهم الفران
طيبتهم على 200 درجة حتى تحمرو
تيجيو محمرين من التحت بحال هكذا و عسلتهم في العسل دافئ
بريوات بعقدة اللوز و البراليني
المقادير:
الورقة البسطيلة صغيرة
عقدة اللوز
البراليني
الزيت للقلي و العسل
الطريقة:
نخلطو العقدة اللوز (اللوز مصلوق و مطحون مع سنيدة) و البراليني
هدا رابط موضوع فيه طريقة تحضير البراليني
https://www.anaqamaghribia.com/vb/sho…536&highlight=
نقطع الورقة على شكل شرائط
نطوي البريوات بالطريقة اللي مبينة فالصورة
نقليهم فزيت سخونة و نقلبهم حتى يتحمرو
نطفيهم فالعسل دافي منسم بالزهر و المسكة الحرة
و ها الشكل ديالهم كيجيو معلكين و لداد نتمنى تجربوهم
اللهم أدمها نعمة و بارك لنا فيها و احفظها من الزوال
المقادير
كيلو دقيق الفورص محمر
رابعة لوز مقشر و مقلي و مهرمش
رابعة لوز بالقشرة محمر في مقلة وهو سخون يتطحن مع رابعة سكر
رابعة بندق محمر و مقشر و مهرمش
نصف كيلو زنجلان محمر و مهرمش
معلقة كبيرة نافع مطحون
معلقة صغيرة قرفة
رابعة زبدة دايبة
كأس عسل
يتطحن اللوز مزيان مع السكرحتي يطلق الزيت
تخلط كل المقادير الجافة حتى تندمج مع بعضها
الى ما كانش متوفر البندق يمكن لنا نعوضوه بالكاوكاو حتى هو تيجي زوين
نضيف الزبدة مع التخلاط و في الأخير تنضيف العسل
يمكن لنا نقدمهم على هاد الشكل الى كانو عندنا الضياف
خذيت كويسات صغار و ضعت فيهم طبقة من سلو ثم شوية من البندق مهرمش
ثم تنعمل طبقة ثالثة بسلو و زينت بحبة بندق أو نعمل اللوز مكان البندق
و نفس الطريقة بالنسبة لزليفات عملت في الوسط اللوز مهرمش و زينت باللوز و سكر كلاصي
و هنا عمرت الكويسات غير بسلو و زينتهم بحبات لوز و بندق
المقادير
رابعة لوز مقشر ومقلي غير شويةمانخاليوهش يتحمر بزاف
100 g سكر كلاسي
معلقة كبيرة ماء زهر
شوية مسكة حرة
شوية قرفة
25 g زبدة
ندير اللوز فمقلة ونخوي عليهالزيت
نقليه بلا ميتحمر بزاف
نشفتو من الزيت وطحنتو خليتوشوية حرش
زدت جميع المقادير وجمعت بشويةأبيض البيض
عملت كويرات
الصور توضح
