دورة العضوات حلويات اللوز ودوز أتاي متجدد بإدن الله

مقادير العجين 250 دقيق 50 زبدة لينة معلقة كبيرة سكركلاصي معلقة صغيرة خل معلقة صغيرة زيت قبصة ملح ماء زهر لجمع العجينة مقادير عجينة اللوز 500 بدرة اللوز 250 سكر كلاصي 50 زبدة لينة أبيض بيضة 2 معالق كبار ماء زهر حضرت العجينة بخلط جميع المقادير و كذلك عجينة اللوز خليت العجينة ترتاح ثم طلقتها مستطيل رقيق قطعت مستطيلات صغار بواسطة ورق مقوى خذيت القياس 7 سنتيم على 3ونصف سنتيم خذيت حربل من عجينة ط§ظ„ظ„ظˆط² وضعتو عل الحافة لفيت عليه العجين و حربلتو شوية نهاية العجين تكون الفوق تنيتو على 2 و ضغطت على الرؤوس بالأصابيع زينتو بالمنقاش من الجوانب وضغطت على الرؤوس بالمنقاش وضعت في الوسط حبة من الكاوكاو من الأحسن يكون الكاوكاو صغير بعد ما كملت الحلوة خليتها حتى الغد في الصباح دهنتها بأبيض البيض ودخلتها الفران تطيب ثم دهنتها بالنباج و عملتها في كويغطات هنا ان شاء ط§ظ„ظ„ظ‡ ستكون تطبقاتكن انيقاتي https://www.anaqamaghribia.com/vb/sho…d.php?t=299410 وهنا دردشة https://www.anaqamaghribia.com/vb/sho…d.php?t=299407 في امان ط§ظ„ظ„ظ‡

],vm hguq,hj >>>>pg,dhj hgg,. ,],. Hjhd>>>>lj[]] fY]k hggi Hjhdlj[]] l,q,u fhgpg,dhj pg,dhj ohw k],.

كعب الغزال بأشكال مختلفة و راقية في التقديم مقادير العجينة: رابعة الدقيق الخاص بالحلويات ملعقة كبيرة زبدة لينة ملعقة كبيرة عسل رشة ملح ماء الزهر ماء للعجن تخلط المقادير وتعجن و تكون مثل عجين الخبز ما قاصحة بزاف ما لينة . تدلك مزيان على الأقل مدة 20 دقيقة حتى نحصل على عجينة لينة و مطاطية يعني وخا تجبديها ما تتقطعش.نكورها و نغطيها و نخليها ترتاح. مقادير العقدة: نصف كيلو لوز بلدي مفسخ و مطحون مع رابعة سنيدة شوية المسكة الحرة مدقوقة ماء الزهر ملعقة كبيرة الزبدة لينة ملعقة كبيرة كونفتير المشماش مصفي نعمل من العقدة أصابع على حسب واش بغيت الكعب كبير أو متوسط أو صغير. الطريقة: نطلق العجين في الأول بالمدلك من بعد ندوزها في آلة توراق الخاصة بسباكيتي خاصها تكون رقيقة بزااااف نحط أصابع العقدة على الطرف كيما باين فالصورة نغطيهم بالعجين نقطع بالجرارة نضغط على كل واحد باش نعطيه الشكل ديال كعب الغزال حتى لهنا كنحصلو على كعب الغزال العادي هنا زوقتو بالمنقاش المقوس من الفوق و المنقاش الصغير من تحت و هادي هي النتيجة و دابا غنوريكم كيفاش نصايبو الكعبة على شكل عين في الأول كناخد الكعبة و نقلبها هكا كنقادها بيدي هكدا نجمع الطراف هكدا نقشها بهاد الطريقة نزيتها بلوزة كبيرة و ها العوينة واجدة نستف الكل في لاطة مغطية بالورق السولفيريزي نغطيها و نخليها تبات ليلة كاملة .الغد ندهن الحلويات بالزبدة مدوبة و ندخلها لفرن مسخن من قبل نبقى حدا الفران غير تبان ليا تشمعات و شدات راسها نخرجها ما خصهاش تحمر و هدا الشكل النهائي ديال الأشكال بزوج الشكل ديال العين ملي تبرد نعمر فوق اللوزة بالنباج و هدا الشكل المزوق اللهم أدمها نعمة و بارك لنا فيها و احفظها من الزوال

صابلي بالكوك (بطابع البطاطا) المقادير: 125غ زبدة العبار لينة 150غ سنيدة كاس الزيت كاس الكوك 1 بيضة كاملة 1 خميرة الحلوى 1 لافاني الدقيق الفورص حسب الخليط ( تكون العجينة مرخوفة) للتزيين: الكوك+سكر الفاني الطريقة: نخدم الزبدة مع السكر سنيدة و الفاني حتى نحصل على كريمة و نزيد البيضة و نخلط مزيان نزيد الكوك نزيد الخميرة و قبصة الملح و الدقيق بشوية بشوية و نخلط حتى نحصل على عجينة مرخوفة (مع الخدمة الكوك غيشرب يالا تولي العجينة مزيانة) نعمل منها كويرات متوسطة الحجم و ندوز ليها وجهها في الكوك+سكرالفاني نستفها فوق لاطة مدهونة بالزيت نطبعها بهاد الطابع اللي مسكين من كثرة الخدمة طارت ليها سنة هههههههه الله يسمح ليا منو ندخلها لفران مسخن من قبل نقص عليها العافية و نخليها حتى تتحمر مزيان و هدا الشكل ديالها ملي طابت اللهم أدمها نعمة و بارك لنا فيها و احفظها من الزوال

باللوز و نكهة الحامض المقادير: 200غ لوز مطحون بقشورو 125غ زبدة 3 بيضات كاملين 125غ سكر كلاصي عصير حامضة قشرة حامضة محكوكة التزيين: الكاناش:2 معالق كبار كريم فريش +125غ شكلاط أسود الطريقة: في زلافة نخلط السكر كلاصي و قشرة الحامض و قبصة الملح نزيد عليه 3 بيضات كاملين و نخلط بالطراب اليدوي نطرب الخليط مزيان عاد نزيد عصير الحامض نزيد اللوز مطحون بقشرتو من بعد ما نكون مسحتو مزيان و سخنتو في الفران باش تمشي منو الرطوبة و يتطحن مزيان و في الأخير نزيد الزبدة اللي كنت دوبتها و خليتها فوق النارحتى تحمرات و ولات فيها ريحة بحال ريحة البندق (beurre noisette) نخلط مزيان و نصب الخليط في المولات الخاصة اللي دهنتهم من قبل بالزبدة ندخلهم للفرن و نخليهم مدة 10 حتى 15 دقيقة غير يتحمرو من الجناب و نخرجهم نخليهم حتى يبردو تماما عاد نحيدهم من المولات كيكونو هشاش بزاااف في كاسرونة فوق النار ندوب الكريم فريش حتى يغلي و نزيد عليه الشكلاط محكوك باش يدوب بسهولة و نحيدو من فوق النار و نبقا نخلط حتى يدوب الشكلاط غير بالسخونة الكريمة نعمر الثقوب بالكناش و ها الحلوة واجدة اللهم أدمها نعمة و بارك لنا فيها و احفظها من الزوال

حلوة اللوز وبياض البيض للي مشهورة بيها مدينتي نحتاج للمقادير رابعة لوز مطحون مزيان بقشوره 4 بياض بيض 2 كيسان سكر كلاصي نطلع بياض البيض في حمام مريم مع اضافة السكر كلاصي بمهل تتطلع مزيآآآآآآن وتشد فراسها من بعد نظيف نصف الكمية للوز للي طحناه ونقلبها بملعقة ديال العود ونخرجها بالجيب الحلواني كيف مابين ليكم في الصور وناخد المورانغ للي بق لينا نعمل منو وريدات فوق اللوز وندخلها لفرن يكون مسخن ولكن مللي ندخلها للفران تكون العافية من التحت باش ميتحرقش لينا المورانغ ونخلوها تتبرد عاد نحيدوها من الاطة

المعمول بالكركاع و الزبيب و الشكلاط المقادير: 250غ زبدة لينة (من الأحسن زبدة العبار) 100غ سكر كلاصي 2 بيضات نصف بكية الخميرةالحلوة الدقيق حسب الخليط + قبصة ملح للحشوة: الكركاع مقطع رقيق الزبيب مقطع رقيق حبيبات الشكلاط الطريقة: تخدمي الزبدة و السكر الصقيل حتى تولي بحال الكريمة و تزيدي البيضات بوحدة بوحدة و تخلطي مزيان و تزيدي الخميرة و قبصة الملح و في الأخير تزيدي الدقيق مغربل… العجينة خاصها تكون عادية ما قاصحة ما مرخوفة عملي من العجينة كويرات صغار بسطيها وسط يديك و عمريها بشوية من الحشوة جمعيها عاودي كوريها و رشميها بقالب المعمول اللي عندك أنا استعملت هاد القالب ستفيهم فلاطة مدهونة أو ملبسة بالورق السولفيريزي و دخليهم للفران يكون مسخن من قبل و خليهم حتى يتحمرو و هدا الشكل النهائي اللهم أدمها نعمة و بارك لنا فيها و احفظها من الزوال ملاحظة:قبل التقديم ممكن تغبري المعمول بالسكر الصقيل إلا كانت تعجبك الحلاوة.

غريبة باللوز إفيلي و قشرة الليمون معسلة المقادير: 500غ لوز مفسخ و مطحون مع 250غ سنيدة راس المعلقة مسكة حرة ماء الزهر ملعقة كبيرة كونفتير 2 ملاعق كبار زبدة ربع بكية خميرة الحلوى 2 صفار البيض قشرة الليمون معسلة مقطعة رقيقة قبصة ملح للتزيين: أبيض البيض اللوز إفيلي الطريقة: نصلق اللوز و نقشرو و نشفو مزيان من الأحسن نخليه ليلة كاملة ينشف عاد نطحنو مع السكر و الماء الزهر و ملي يتعلك نزيد الزبدة فالطحانة و هي خدامة باش تنسجم مزيان مع خليط اللوز.العقدة اللي حصلنا عليها نزيد عليها قبصة الملح و المسكة الحرة و الكونفتير و نخلط مزيان نغطيها و نخليها تبات ليلة في الثلاجة و في الغد نزيد عليها الصفر دالبيض و الخميرة و قشور الليمون معسل نخلط مزيان و نعمل من الخليط كويرات ندوزهم في أبيض البيض و من بعد في اللوز إفيلي نبسطهم شوية نستفهم في لاطة مغطية بالورق السولفيريزي و ندخلهم لفران مسخن لمدة 15 دقيقة على الأكثر غير تتحمر و نخرجها باش اللوز ما يقصاحش و هدا الشكل ديالها ملي خرجتها من الفران ندهنها بالنباج و هدا الشكل النهائي اللهم أدمها نعمة و بارك لنا فيها و احفظها من الزوال

سابلي مالح وبنكهات مختلفة 400غ دقيق +100 نشا + 100غ فرماج محكوك +150غزبدة +2 فرماج +ملح + سودانية + كاس ماء + خمارة من بعد ماتجمع لعجينة بالماء نقسموها اعلى 4 جزء غادي نديرو فيه عطرية مكسيكية او الكاري …… جزء درت فيه الباقو …جزء درت فيه فرماج ……..جزء درت فيه زنجلان + زعتر + شوية ملح اللي بعطرية المكسيكية درتو حرابل ودخلتو لفريكو ساعة اللي بالفرماج نطلقو العجين بين جوج بلاستيكات بالمدلك وندهنوه باصفر البيض ونرشو عليه فرماج محكوك ويقطع حسب الرغبة واحتا اللي بالزنجلان نفس الطريقة يتدهن باصفر البيض ويرش بالزنجلان واللي بالباقو يقطع دوائر ويدهن كدلك باصفر البيض ويرش بالباقو

المقادير الأولى 250 زبدة لينة بيضة أبيض بيضة كأس سكر كلاصي نصف كأس نشا خمارة فاني 300 دقيق المقادير الثانية 2 معالق كبار كاكاو أصفر بيضة لتزيين مربى سكر كلاصي شوية الكوك خدمت الزبدة وسكر كلاصي مزيان أضفت لهم البيضة و بياض بيضة ثم النشا والخميرة و الفاني و الدقيق حتى تجمعت العجينة و تكون لينة طلقتها بالمدلك و قطعتها بقطاعة مربعة خذيت ثلث العجين أضفت له الكاكاو و أصفر بيضة تيصبح مثل الكريمة وضعتو في جيب حلواني برأس مشنف و عملت به مربع من الأحسن نستعمل صحن باش يسهال علينا التزيين أو نعمل العكس المربع بالكاكاو و التزيين بعجين أبيض من بعد ما كملت دخلتها الفران تطيب خذيت 4 معالق مربى و 2 معالق سكر كلاصي و ضعتهم في كسرونة على نار مهيلة حتى داب السكر وعمرت بهم وسط الحلوة هكذا تيتماسك المربى ما تيبقاش جاري و ضعت على المربى قبصة من الكوك

بسم الله الرحمن الرحيم السلام عليكم ورحمة الله وبركاته طرييقة تعسيل الكركاع هي نفس الطرييقة تاع كاوكاو ويمكن عمل كاوكاو كبير او صغيير وايضا الكركاع واللوز ايضا الطرييقة هي نفسها 125 غ كركاع 6 معالق ماء 6 معالق سنيدة /المعالق راه كبار/ تندير الكل في المقلاة وعلى نار هاادئة مع التحرييك حتى اتعسل ويقدم بالصحة لا تنسوني من صاالح دعااائكم حفظكم الله