شاورما بالبطبوط عجينة البطبوط زلافة دقيق بالنخالة + 2 زلايف فورص + ملح + خميرة + م .ص سنيدة + 2 م .ك زيت 
تدلك مزيان ونخليوها ترتاح احتا يتضاعف حجمها 
نديرهم كويرات صغار ونخليوهم يرتاحو شوية ونكرصهم 
نخليوهم يخمرو وعاد نطيبهم 
هاهو كيف جا خاوي من الوسط 
دابا ندوزو لشاورما انا هنا درتها باللحم ممكن تديروها بصدر بيبي او الدجاج غادي نحتاجو دانون طبيعي + ملح + ابزار + قغقلة + كوزة +ورقة سيدنا موسى + قزبر مطحون + م .ك مطيشة الحك + م .ص خل + م.ص عصير الحامض 
نخلطو كلشي ونخليوها ترتاح بينما نوجدو اللحم غادي نحتاجو هبرة اللحم + شوية الشحمة محكوك + ورقة سيدنا موسى + زيت العود + ملح + ابزار 
نقليو الكل مزيان تكون العافية متوسطة باش ايطيب اللحم 
الخس + مايونيزمخلط بالحار + خيار مخلل + بصلة مقطعة رقيق 
من بعد نحطهم ايسخنو فالمقلاة التقيلة 
ونقدموهم بالصحة والراحة 
]
],vm hguq,hj>>>>>>hglu[khj>>>>>>>> ggڤdk,h.vd f;g hk,huih lj[]] fh`k hggi ggڤdk,h.vd Hjp]n hguq,hjhglu[khj h’fhr f;l
پتزا بالكتشوب نحتاج للعجين 4 بيضات 5 معالق كبار دقيق ملح معلقة كبيرة سكر نص خمارة ومعلقة صغيرة خميرة الدار كاس زيت نخلط كل هاد المقادير مزيان ناخدي المول للي كيتفتح من الجناب ندهنو بقليل من الزيت نقطع فرماج متلت ونزلو هو الاول بشكل عشوائي تم نضيف العجين تم نضع الكيتشوب على شكل دوائر تم الطون ونرش الزعتر وفي الاخير متزريلا محكوكة وندخلها للفران يكون سخون 
السلام عليكم ورحمة الله تعالى وبركاته سيكار الخضر والدجاج 
بمقلاة نعمل البصل الجزر القرع الاخضر زيت زيتون ملح فلفل اسود كامون سكنجبير الزعتر كنعملو باغلب وصفاتي المهم التوابل حسب الرغبة 
اضيف جلبانة ودجاج مقطع صغير قزبر ومعدنوس نخلي كلشي يطيب على المهل مني يطيبو نزولهم ونضيف ليهم كمية من الفرماج محكوك نخلط الكل ونعمر اما على شكل بريوات او سيكار ندهن الورقة مزياان بالزبدة وندخل الفرن 
بالصحة والراحة
السلام عليكم ورحمة الله تعالى وبركاته بريوش بالخوخ المعلب والكريم باتيسير 
مقادير العجين 500غ دقيق بيضة 2معالق ك زيت 100غرام زبدة خميرة العجين 3 معالق ك سكر قبصة ملح تجمع بالحليب بالنسبة للكريم باتيسير 2معالق كبار ميزينة 2معالق كبار سكر بيضة قشور نصف حامضة ربع ليتر حليب نعجنو العجين ونخليوها تخمر مزياان تم نشكلوها كيف واضح بالصور قبل وضع الضفيرة ضروري ندهنو بالماء كيف واضح بالصورة نعمروها بالكريمة تم نوضعو قطع من الخوخ المعلب تدهن باصفر البيض مخلط مع شوية خل نخليكم مع الصور 
بنفس مقادير الكريمة والعجينة تقدرو تعملو هاد الشكل ايضا غير هو كنعسلو التفاح والزبيب مع معلقة سكر بمقلاة نخليكم مع الصور 
تقدرو تعملو غير التفاح والزبيب وتقدرو تعملو حتى بالكريمة 
نخليوهم يخمرو شوية تم ندهنوهم باصفر البيض مخلط بالخل 
في امان الله
بسم الله الرحمن الرحيم السلام عليكم ورحمة الله وبركاته جبت ليكم ايضا فطيرة اخرى بلفة روسية وطبعا لفة جديدة 
على بركة الله تعالى العجين هي العجين المعتمد الانجليزي وهنا رابط للعجين https://www.anaqamaghribia.com/vb/sho…465&highlight= وهنا العجينة ملي خمرااات 
غنحولوها الى 4 كريااات ونخليوها ترتاح غير 5 دقاايق تكفي 
ندلكو كل وااحدة على حدى وندير وحدة فوق الاخرى وطبعا بيناتهم الزبدة المداابة باش ما تلصق كما في الصورة 
وناخد ايطار اولا مسااحة الموول ونقطعو العجيين باش تجي قد المول وتكون متساوية ومزينة انا درت المقلاة تاع المسمن 
ونديرها ف المول المدهون بالزيت ونقطعو الى 4 وطبعا بدون الوصول الى المحيط ثم كل ربع يقطع الى 4 باش نحصلو على 16 مثلثات 
والان غناخدو كل زاية من كل مثلث ويتلف على راسو ونكمل باقي المثلثات بفس الطريقة 
وهنا كملت الكل 
ندهنها ب باقي الزبدة ونخليها تخمر وطلع وتعمر الفراغات 
وهنا خمرات و راه باينة والى الفرن حتى طيب 
وهنا طااابت مممممممم روعة 
وهنا الاسفل راه طاب ايضا 
ويتحط للكوتي او لضيوف وزيني بيه المائدة تاعك يمكن دهنها بالعسل اولا حطيها هكاك ولي بغا الغسل ادهن بيه 
رعاكم الله وبياااكم
بريوش بالتفاح معسل و كريم باتسيير
المقادير: العجينة 1/2 كيلو دقيق فورص + قبصة ملح 100غ زبدة لينة 4 معالق كبار سنيدة 2 بيضات 1 ملعقة كبيرة خميرة فورية (أو خميرة معجونة) 1 ملعقة صغير خميرة الحلوى 2 معالق كبار بودرة الحليب قشرة حامضة محكوكة للتزيين: كريم باتسيير تفاح مقطع ومعسل أصفر بيضة للدهن اللوز إفيلي الطريقة: نبداو بتحضير التفاح المعسل نغسل التفاح و نقيه و نقطعو طريفات صغار و نعصر عليه نصف حامضة باش ما يتغيرش ليه اللون فمقلاة على النار ندير طريف الزبدة و2 معالق سنيدة و نخليهم يدوبو 
نزيد عليه التفاح 
نعصر عليه شوية الحامض 
و نبقا نحرك حتى يتعسل… نصفيه و نخليه جانبا 
من بعد نوجد الكريم باتسيير هاد المرة وجدتها بهاد البودرة ديال الكريم باتسيير مع نصف ليتر حليب 
و جات زوينة و ساهلة فالتحضير غير كتخلطي محتوى ديال الكيس مع الحليب بارد و تحركي حتى تدوب و تديريها فوق البوطة حتى يغلي و أنت كتحركي حتى تعقد و هاهي واجدة 
و دابا نبدا نوجد العجينة فالزلافة ديال العجانة كنغربل الطحين و الملح و نزيد سنيدة و الحليب غبرة و الخميرة الفورية و خميرة الحلوى و قشرة الحامضة 
نخلط المقادير و نزيد البيض 
نبدا نزيد الماء دافي و نعجن حتى نحصل على عجينة لينة 
نزيد الزبدة بشوية بشوية و العجانة خدامة كتدلك 
في الاخير كنحصل على عجينة مرخوفة بزاف كتلصق فاليدين 
نخليها ترتاح شوية ندهن يديا بالزيت ونبدا نعمل من العجين كويرات و نبسطهم فوق لاطة ملبسة بالورق السولفيريزي ندهنهم فالوسط بالكريم باتسيير بحال كيف باين في الصورة 
نزيد التفاح المعسل فوق الكريمة 
نخلي البريوش يخمر عاد ندهنهم بصفار البيض مع شوية الحليب 
ندخلهم لفران مسخن من قبل و نخليهم حتى يتحمرو و نخرجهم 
ندهنهم بالكونفتير أو النباج و نرش عليهم اللوز إفيلي و ندخلهم تاني للفران شي 5 دقايق العافية مهيلة و غير من الفوق باش يتحمر اللوز و هدا الشكل النهائي 
اللهم أدمها نعمة و بارك لنا فيها و احفظها من الزوال
پيتزا +قرعة خضراء نحتاج لمقادير العجين 3 كيسان دقيق نص كاس زيت بلدية معلقة سكر ملح معلقة خميرة 3معالق نيدو كلشي معالق كبار ونص كاس ماء دافئ 
نجمعها ونخليها ترتاح من بعد نطلقها بالمدلك ونرش بالفينو باش متلصقش 
من بعد نديرها فلاطه مرشوشة بالفينو نزل في الجناب متزريلا وكاشير محكوك 
والوسط نتكيه بالفرشيط ونسرح الصلصة ونرش الزعتر انا كنكترو من بع ندير الفطر للي شحرتو فقليل من زيت بلدية ومن بعد زدت الطون 
ومن بعد نزين بالزيتون الاخضر والاسود ونرش متزريلا محكوكة 
وندخلها للفرن يكون مسخن من قبل 
بالنسبة للكرعة كنقسمعا على 2 ونخويها شوية من الوسط ندهنها بزيت بلدية وندخلها للفرن تتشوى من بعد ندهن الوسط بالصلصة و الزعتر وندير قليل من المتزريلا وندخلها للفرن 
فطائر بالطون والزعتر 
المقادير مقادير العجينة 
كاس حليب كاس زيت بلدية مخلطة مع رومية نصف كاس ماء ملعقة ملح ملعقة تحميرة شوية زعتر دقيق حسب الحاجة (هزت لي 510 غ ) نحطو السوائل في القصعة مع الملح والتحميرة والزعتر ونزيد دقيق شوية حتى الحصول على عجينة رطبة وما تلصقش نغطيها ببلاستيك ونخليها ترتاح 
الحشوة 
زيتون نسيت مصورتوش مع المقادير 
4 بصلات مشلظين 2 فصوص ثوم فلفلة خضراء وحمراء ( الحمراء ممتوفراش عندي اليوم ) زيتون حلقات مطيشا واحة كبيرة مربعات 2 حكاك طون 2 بيضات مسلوقين زعتر ملح ابزار 2 معالق زيت الزيتون لا اكثر نشلظ البصلة ونشحها هي والثومة مع الزيت والملح 5 دقائق ونضيف الفلفل الوان ونحرك ونضيف الزيتون والزعتر والابزار ونحرك ونضيف الماطيشا ونحرك واح شوية حتى تدبال ماطيشا شوية ونزيد الطون والبيض ونحرك ونطفي النار ونخلي الخليط يبرد 
نسرحو العجينة ونشكلوها دوائر ومستطيلات بالنسبة للدوائر كنحطو الدائرة وندهنو جنابها باصفر البيض ونحطو الحشوة في الوسط ونغطيوها بدائرة اخرى نتكو جنابها مزيان بالفرشيط لي نكونو غمسناها في الفرينة باش متتحلش لينا في الفران ندهنوها بالبيض وندخلوها للفران بالنسبة للمربعات نحطو الحشوة في الوسط وجمعو جنابه الى الوسط بحال شي ظرف نحاولو نسدو مزيان ونقلبوها في المول بحال المخدة وندهنوها بالبيض ونرشو عليها حبة سوداء او جنجلان او فرماج حسب الرغبة ممكن نعملو شوصون او شنيك 
فطيرة على شكل بيتزا بالكرعة والشوفان (الخرطال) 
نبداو على بركة الله المقادير : تقريبا نصف كيلو كرعة محكوكة بشكل غليظ 4 معالق كبار شوفان ملح ابزار معلقة صغيرة أزير مدقوق 2 بيضات وصلصة جاهزة للبيتزا أنا خديتها منسمة بالزعتر (ممكن نصايبو أي صلصلة بيتزا واخة غير فالبيت) 2 حك طون بمطيشة فرماج ساندويتش زيتون أخر مقطع فلفلة حمراء + خضراء مقطعين ومقليين فمعلقة زيت الطريقة: كناخدو اينا نوضعو فيك الكرعة ديالنا ونزيد عليها الشوفان والملح وازير وابزار ونخلطهم بالبيض ناخد اينا فرن ندهنو بالزبدة ونوضع فيه الخليط وندخلو للفرن تقريبا شي 20 دقيقة حتى يطيب مزيان حيت الكرعة كطلق الماء من بعد نخرجوها ونديرو عليها الصلصة والطون ثم نزينوها بالفلافل الملونة والزيتون ثم شرائط الجبن ونرجعو ندخلوها تكمل الطياب فالفران ونخليها حتى تبرد شوية ونقدموها بالصحة والراحة نخليكم مع الصور كتوضح كلشي 
نتمنى تعجبكم الوصفة في رعاية الله
بسم الله الرحمن الرحيم السلام عليكم ورحمة الله وبركاته اليوم غنطرح ليكم فطاائر حلوة ومالحة او الشهدة ملح حلو تقريبا بحال تاع ام البنات وان شاء الله غنديرهم بشكل اخر قريبا 
على بركة الله تعالى العجين هي العجيينة نتاعي ولي متعودة عليها ليدا لي ف الرابط اسفله https://www.anaqamaghribia.com/vb/sho…465&highlight= 
وها هي خمراااااات 
العجين نتاعي خرجت فيها 3 انواع الفطاائر شكل واحد 1 راه اعلاه والشكل الاخر غنزلو ان شاء الله غناخد العجين وندلكو 
ونقطعهم مربعات ونعمر وحدة بالفرماج واخرى بشكلاط 
ونجمعو الزوايا المتقابلة ونلصقو الاضلاع ونستفهم ف مول وحدة بشكلاط واخرى ب الفرماج وبالتناوب حتى نكمل 
نخليها تخمر وندهنها بالحليب و البيض والى الفرن 
وبالصحة والعاافية 
و قدمتو لراجلي هههه قالي مرة خاطرة تيحل وكديري وكتنوعي مرة غير الخبز نتاعنا هههههههه اوا الخاااطر و المزاج وايضا الواحد الى معيا ههههه 
لا تنسونا من صالح دعااائكم رعاكم الله