تطبيقاتي المتنوعة من منتدنا الغالي .

السلام عليكن ،وعيد مبارك سعيد .

أول تطبيق أنبداو به هو هومبورغ تيجي رائع ومذاق لا يقاوم،نخليكم مع الصور

وهنا فين طابو قسمتهم على 2 وخلطت الماليونيز مع كيتشوب وذهنت بهم نص الكريصة وحطيت فوق منو الخس ومن بعد الكفتة غير واحد الملاحظة الا بغيتو الكفتة تجيكم منفوخة بشكل لتنشوفو في ماكدو ضيفو عليها بيضة في الخليط عاد قليوها في الزيت تتجي زوينة ايوا درت من فوق الكفتة دوائر مطيشة والخيار مملح وفي الاخير درت شريحة الفرماج الاحمر ووضعت في الاخيرخس اخرى وبالصة والراحة وصدقوني تيجي ولا مذاق ماكدو .

او هذا هو الرابط الاصلي لوصفة خبز الشاندويش للاخت ريم 2024 لها ألف شكر .

الوصفة الثانية كريصات على شكل وردة بعجينة 10 دقائق .

أنا عمرتهم بالجين الطري هما في الاصل تيعمروا بالدجاج ،غير أنا ماكانوش عندي المول الصغير باش نحط الوريدات فيه باش ياخدوا الفورما ديالهم ،او كان لتيدير حكاك الطون المدورة تيغسلهم ويحط فيهم الوريدة باش تحافظ على الفورما أنا ماكنتش تنحتفض بهم والمهم هي المشاركة.

الوصفة التالثة ديال الدجاج محمر في الفران بمذاق المطاعم
رقدتو في ليقامة ليلة كاملة ودرت في الفران وفين طاب ذهنتو بتحميرة مخلطة مع الزبدة تيجي زوين ودرت معاه الزيتون أخضر نتركمم مع الصور

وهذا الكسكس طوجين غير بالخضرة وطوجين بالخضرة ولحم .

الوصفة الخامسة الحوت في الفران هنا عندهم هذ الحوت بحال كبايلة غير هو كبير درت ليه غير تحميرة والكامون والبزار والملح ودخلتهم الفران تقادى لي ورق لتنفرشوا لاطة بان لي غير هذ الوراق في البلان تاهو نفعني هههههههههه

هذي كراتان ديال البطاطا ولات معتادة عندي تانديرها تال 3 مرات في سيمانة عزيزة علي ،تنصلق البطاطا دوائر في الحليب مع اضافة شوية الما والابزار والكوزة فين تتسلق تنديرها في المول والحليب لتصلقات بيه تنصاوب بيه صوص بيشاميل ومن بعد الفرماج وندخلها للفرن تتجي زوينة ومزيانة تالوليدات .

او هذا البطاطا مشرملة في الزبدة والابزار والتحميرة والثومة والربيع ومن بعد دخليها الفرن تاهي تتجي زوينة والواحد مرة مرة يغير شوية الاطباق.

الوصفة التالية بيتزا على شكل ضفيرة تاهي تنديرها بعجينة 10 دقائق نخليكم مع الصور

او هذا كاشير بالكفتة

او هذا هو رابط ديالو للآخت زوجة رمضان الله يجزيها بالخير
https://echorouk.dzbatna.com/#73034

او هذ الوصفة ديال سلاطة تتجي زوينة تتجي زوينة بالطون غير أنا درت فيها غير الخضر لكون زوجي ماتياكلش السمك .

وهاهو الرابط الاصلي لسلطة سلطة في قمة الاناقة لصديقتي عفاف الروح لتنقول لها من هذ المنبر نتمنى تكوني على خير والامور بخير وتحلي الهوتميل ونتلقاو انشاء الله .

https://www.anaqamaghribia.com/vb/sho…d.php?t=300654

او دابا كملنا من المالح ندوزو الحلو هذ الكيكة ديال ليمون غير في بلاصت دانون تندير كاس عصير ليمون تتجي زوينة وخفيفة

او هذي الطورطة ديال لكريم تتجي زوينة درتها على شكل شطرنج تتبغي شوية الخاطر وخصوصا الا كان عندكم الولاد بحالي من الاحسن تينعسو عاد صاوبوها ههههههههههههه ولدي ماخلانيش نصاوبها على خاطري