في 10-18-2019
أنيقاتي الغاليات مرحبا بيكم معنا في هذا البرنامج الحصري على أناقة عربية
برنامج يستضيف نجمات تلألأت في مطابخ أناقة بكل فروعه
نجمات مطبخ أناقة تبارك لله عليهم علمونا كلشي
من الأسماك وطريقت تحضيرها بكل أنواعها
الدواجن بكل أنواعها وطرق عديدة للتحضير سواء معمرة أو محمرة أو على البخار أو باني
اللحوم الحمراء بكل الطرق
وحتى فالولائم نجماتنا مكيبخلوش علينا بوصفاتهم وافكارهم
الصلصات بأنواعها
تشكيلة من العصائر المختلفة
والحلويات الطورطات والكيك بكل النكهات
لذالك غادين نستاضفو هاد النجمات لي مكنعرفوش عليهم الكثير كنعرفو أطباقهم أكثر من شخصياتهم
نستقبلوهم فالبرنامج نكرموهم وانتعرفو عليهم إن شاء لله
وكل نجمة غادي نستضفوها تقدم لينا وصفة حصرية للبرنامج
لي غادي توجدها هنا في مطبخ أناقة عربية
وجدنا لنجمتنا البهارات
الخضروات الطازجة
الفواكه الطازجة
والباقي كلو موجود فالثلاجة ما عليك أنيقتي غير تفتشي فالمطبخ وحنا قابلين بلي تجود بيه بنت لجواد
أنيقاتي الغاليات هدفنا من البرنامج تكريم نجمتنا والتعرف عليها أكثر
نستقبل أسئلتكن و تعليقاتكن عبر الرسائل القصيرة 
ههههههههه
لكل أنيقة تود المشاركة الحق في طرح سؤالين فقط
ويمنع طرح أسئلة شخصية قد تحرج ضيفتنا …
كما نشير أن للضّيفة كامل الحرية في عدم الإجابة عن الأسئلة التي لا ترغب في الإجابة عنها
ونذكر دائما أننا نلتقي لنرتقي
مع كامل حبي و حترامي
ضيفتنا في هذا الأسبوع
شخصية محبوبة من الجميع
معطاءَ دون كلل أو ملل
متألقة في مواضيعها وأطباقها
ممكن أنك تجربي وصفاتها وانتي مغمضة لانها ناجحة مئة في المئة
ومن أنجح مواضيعها موضوع :للي عزيز عليها الطبخ وكتجرب الوصفات تدخل لي تبارك لله وصل للجزء 15
إدا بلا منطول عليكم أكيد كلكم عرفتوها
الغالية ام العربي 1
مرحبا وألف مرحبا بيك غاليتي أم العربي
كنتشرف تكوني أول نجمة تنور برنامجنا
وسؤالي لي نفتتح بيه البرنامج هو
شنو ممكن تقولي لينا على ام العربي ؟
والسؤال التاني شنو هو الطبق لي غادي تقدمي لينا فالبرنامج ؟
كنتمنالك قضاء أمتع الأوقات في نجوم تتلألأ في مطابخ أناقة عربية
☆ k[JJ,l jJJJjJJJgHgH tJJJJJJd l’JJJhfo HkJJJJJJhrm lyvfdJJJm hg[.x hgH,g ☆ JJJJJJJd
كنشكرك بزاف انك فكرتي في انني نكون الضيفة الاولى اللي تستفتحي بيها الموضع ديالك لي كامل الشرف
شكرا لكل الاخوات على الحب ديالهم اللي كنحس بيه فعلا رغم اننا مكنتشاوفوش وانشاء الله هذ الموضوع يزيد يعرفنا على بعض اكثر
بسم الله اجيب على اسءلة الغالية ام اسامة
ام العربي هي ربة بيت ام 4 اطفال احب كل الناس واعز كل الانيقات ديال المنتدى والله يجعل هذ المعزة تكون خالصة لوجه الله
الطبق اللي نقدم ليكم بما انني معروف علي انني عزيز علي الكيك لدرجة سماوني الاخوات اللي كنشكرهم بزاف ديال التجمع ديالنا اللي عزيز عليه الطبخ وكتجرب الوصفات تدخل واغتنمها فرصة ونبغي نشكر كل الاخوات كاملين بدون استثناء على المجهودات ديالهم ولولاهم لما كانت ام العربي هو كيكة بالتفاح باقا منزلتهاش في موضوعي غتكون حصريا عندك ونتمنى تعجبكم
مقادير الكيكة بالتفاح والفلان
5 البيضات
كاس ونصف سنيدة
كاس زيت 3خميرة الحلوى
قشرة برتقالة محكوكة
الدقيق حسب الخليط تبقى شوية خفيفة بحال الكيك عادي
تخلطي هذ المقادير كلها وتترك جانبا
ناخذو المقلة الثقيلة مدهونة مزيان بالزبدة ومرشوشة بالدقيق وتستفي فيها شرائح التفاح ودردري فوق التفاح سكر سنيدة تقريبا نصف كاس انا نعمل كاس كامل باش تجي معلكة + نرش القرفة حتى هي ونخوي خليط الكيك وتدخل الفرن حتى تطيب ونخليو الكيكة حتى تبرد مزيان عاد نقلبوها في طبسيل التقديم مباشرة من بعد نعمل الفلان اللي حضرتو بكيس فلان فاني مع نصف لتر حليب و2 معالق سنيدة حتى يغلى الفلان ونخليوه حتى يدفى عاد نخويوه فوق الكيك وندخلوها للثلاجة حتى تبرد مزيان عاد تاكليها بالصحة والراحة