اين اجد عجينة الكنافة في كازا?

الاخوات الله يجازيكم بخير فين نلقى عجين ط§ظ„ظƒظ†ط§ظپط© في كازا؟

---

hdk h[] u[dkm hg;khtm td ;h.h?

الاكنتى فدرب السلطان سيري عند عبد اللطيف راه فلمارشي غير سولي على عبد اللطيف لي كيبيع لوازم الحلويات وكين واخد اخر هتاهوا فلمارشي قريب لمالين الزيتون ثمن الكيلو 140dh

شكرا اختي واش في الجميعة اولا عند الحوانت اللي كيبيعو لوازم الاعراس

الصراحة مغليينها بزاف هنا في اوروبا ماكاملاش حتى 40درهم غير مالقيتش كيفاش نديها معايا خفتها تخسر ليا

ينقل الموضوع لقسمه المناسب

الا اختي فجميعه الداخل من جهة مالين الحوت عندك الحق غاليا بزاف

لا اختي كاع ما تخسر و خصوصا ايلا كنتي مسافرة في الطائرة شريها طرية يعني تكون عاد محضرة في نفس النهار غير توصلي دخليها الفريكو صافي ومنين تحتاجيها خرجيها شي 2 سوايع قبل و خدمي بها

كاينة فمارشي بن جدية عند حسن ب 60د نص كيلو

عزيزتي انا في ايطاليا فين يمكن ليا نلقها في ايطاليا و اشنو سميتها راه تنقلب عليها بالريق الناشف عمرني لقيتها الله يستر عليك و الى مكنتيش في اطالية اشنو سميتها بلغة البلاد لي انت فيه و الله يسعدك دنيا و اخرة

بالنسبة للاخت اللي كتسول ماعرفتش اختي حيت انا مغتربة
و الأخت اللي قالت لها التمن واش كتهدري بصح اختي 140 درهم
انا ممكن نجيب ماكينة او 2 لكازا و نبيعها ليكم غا ب 30 درهم ههههه
راني كنهدر بصح
حرام يبيعوها بهاد التمن و الله
الكنافة الشعر موجودة فين ما مشيتي
في كندا كنشريها من عند محلات العرب مجمدة
راه في مصر كتشوفيها تتصاوب قدامك و تاخديها سخونة كنظن ب 20 جنيه
علاش في المغرب يستغلوا الظروف
راه الناس باغيين ياكلوا حاجات زوينة و لكن بتكلفها الحقيقية