شكون اللي تتعرف شي طريقة زوينة لتحضير الشفلور

السلام عليكم
عندي ط§ظ„ط´ظپظ„ظˆط± فالدار و عيت منو مقلي كل مرة
و مرقة ما كيجيش زوين
و بغيت ط§ظ„ظ„ظٹ كتعرف شي ط·ط±ظٹظ‚ط© ولا شي وصفة ط²ظˆظٹظ†ط© و مجرباها
توريها ليا
و الله يجازيكم بخير مقدما

---

a;,k hggd jjuvt ad ‘vdrm .,dkm gjpqdv hgatg,v

اختي انا اعرف طريقتين فقط طريقة الاولى يصلق وتخضر به المرقة وتانية يصلق ويغمس في البيض ويقلى انتظري قليلا ستدخل الاخوت ويفيدنك ان شاء الله بتوفيق

بسم الله الرحمن الرحيم
ديريه كراتان بالكفتة والبيض
كتخلطي الشيفلور مصلوق بالبيض مطرب +شوية الملح+ابزار+كمون+معدنوس وتفرشي النص في القالب و توضعي فوق منه الكفتة مشحرة مع العطرية و البصلة مشلذة ثم النصف الثاني و دخليه الفران يتحمر ثم تحكي فوق منه الفرماج و تسخنيه شوية و بالصحة والعافية.نتمنى نكون افادتك اختي.
السلام عليكم ورحمة الله وبركاته

اوا كاين الوصفة الي درت لكن حتى هي مصلوقة .
كاين حل تاني سيفطي ليا الشفلور راني توحشتو

في مقلاة ديري مطيشة محكوكة وزيدي ثومة مهروسة،قزبر،تحميرة،ابزار،كمون ملح وزيت وخليها تطيب وتنشف مزيان،خودي شيفلور فكيها شجيرات صغيرة وسلقيه 15دقيقة فماء مملح وملي يطيب صفيه وزيديه على لاصوص اللي وجدتي وحركي ومعسيه بالملعقة لخشب وخليه يطيب وزيدي عليه لحامض مصير إلا بغيتي ها زعلوك واجد
شي دعيوة يحفظ لي ولدي وزوجي:)

benata tebarkelah qalo wasafate li kan3raf , o kayen wehda 3awd katselqihe o tsalqi betata mqet3a dawa2ir aw ay chakel bagha o takhdi plat li ghaydkhol four dehnihe bezebda o setefi fihe dak cheflour o btata derderi chwiya melha o libzar o khwi 3lihome sauce bechamele o hoki fromage ……..

الشيفلورممكن تسلقيه بشوية الملح و الكامون و تعمليه فالبيض و تقليه

او ممكن تسلقيه و تضيفيله 3بطاطا مسلوقةو تهرسيهم بالفرشيطة متطحنيهش خاصه يبق باين شوي
و تضيفيلهم بيضة و ملح و ابزار و السودانية و معدنوس و بيضة و شوية الدقيق جهد 3 او 4 معالق و تعمليه فحال معقودة و تقليه

او ممكن تسلقيه بالماء و الملح و الكمون
و من بعد تحضري خليط فحال عجينة الكريب
2بيضات ملح ابزار م زيت و كاس كبيرحليب و 6 الى 8 معالق الدقيق يكون تقيل شوية على عجينة الكريب
و تغطسي فيه شجيرات الشفلور و تقليهم كيجي واعر

ممكن تعمليه زعلوك
يتسلق و توجدي شرمولة عادية تحميرة و قزبر و معدنوس و ملح و كامون و ثومة مدقوقين
و ما تنسايش السودانية و تشحريه في هاد ليقامة مع الزيت مزيان حتى يتشربها و تقدميه سخون او بارد

ممكن يكون سلطة باردة
سلقيه و لازم يكون شجيرات صغارو سلقي خزو و خلطيهم و خليهم يبردوا و قدميه مسقي بخليط من الملح و الزيت و الحامض و رشيشة المعدنوس

ممكن يتسلق و تكوني محضرة صلصة طماطم مشرملة و مقومة و تضيفيه ليها يطبخ فيها شي 5 الة 10د

او ممكن تعمليه طاجن مع اللحم

و ممكن كمان تسلقيه و تحضري صلصة بيشاميل مضاف ليها الفروماج و حكة خفيفة الكوزة
وضعيه فصينية الفرن و تسقيه بصلصة البيشاميل و ترشي الجبن و خليه يتحمر و قدميه

و بصحتك الزين

هادي طريقة اخرى
بخريه باش مايشربش الماء ووجدي صلصة بيشاميل حمري 2 معالق ديال الطحين مع 2 ديال الزبدة اضيفي نصف لتر ديال الحليب بلمهل و خلطي حتى يعقاد على نار متوسطة اضيفي الملح و الابزار و شوية جوزة الطيب
دهني صنية الفرن بالزبدة و ستفي فيها قطع الشوفلور رشيه بالجبن المبشور و زيدي الصلصة و دخليه الفرن كايجي رااااائع جربيه

om chada
شكرا بزاف على الاهتمام ديالك
و الاخوات را ماقصروش معايا

aya simou
اختي هاد الطريقة عندك باينة بنينة
غنجربها ان شاء الله
شكرا