تجربتي غير المرضية لغريبة باللوز, من فضلكن ما السبب؟

السلام عليكم ورحمة الله
جربت غريبة ط¨ط§ظ„ظ„ظˆط² (لواحد الاخت "امة الله") استعملت فيها غير نصف هاد المقادير:
500غ اللوز مسلوق ومطحون
200غ سنيدة
3 صفار البيض + 1 بيضة كاملة (مع الاحتفاظ بأبيض البيض)
معلقة كبيرة زبدة مدوبة
معلقة صغيرة خميرة الحلوى
2معالق كبار قشور الحامض محكوك رقيق
قبصة مسكة الحرة
لتزيين غريبة : سكر كلاصي سبيسيال + اللوز ايفيلي + فواكة معسلة
ولكن معرفتش علاش ماتشققاتش لي علما اني مادرتش الكمية كاملة دالبييض، مع كانزيد فيه حتى تجمعات لي العجينة وحبست مع خفت لاترجع لي جارية. واللوز ماطحنتوش حتى يولي دقيق، خليتو حبيبات،وفالمذاق جاتني حارة شوية، معرفت واش من المسكة الحرة ولا الخميرة! و شعلت العافية من الفوق، عاد التحت (على اساس من الفوق حتى تشقق عاد العافية من التحت)
ليعرفات السبب تڭولولي والله يجازيكم بالخير
هاهوما الصور:

---

j[vfjd ydv hglvqdm gyvdfm fhgg,.< lk tqg;k lh hgsff? fhgg,.

أختي بين خليتي العجينة قاسحة

نفس الملاحظة أختي العجين باينة فالصور قاسحة قلتي غير تجمعات ليك حبستي كان عليك تبعي نفس المقادير لي عندك واخا ديري نصف هي كاتبغي تكون جارية عاودي جربيها و إن شاء الله تصدق ليك ضروري من التجارب غير ماتعكزيش عليها وتقولي مانعاودش نجربها راه زوينة تستاهل تعاود

آه بصح، هاهي الصورة،

هي هاداك هو السبب, مع الوصفة ليشفت فيها غير الشكل النهائي، وماعلا باليش خاص تكون اخف من هاكا. شكرا جزيلا الله يحفظك

السلام عليكم اختي نتيا ما طبقتيش الوصفة كيف هي اللوز خاصو يكون مطحون مزيان يعني عقدة والبيض خاصك ديري القياس للي قالت عليه الاخت ماشي غير تجمع تحبسي .ومرة اخرى اختي جربي غير نصف المقادير.هاد شي للي كندير انا فجميع الوصفات باش حتى يلا ما صدقاتش تكون الخسائر قليلة

آه احبيبة، على بالي العجين خاص إكون شاد راسو! كيف ڭلتي, عصباتني, ڭلت إلا معرفت السبب انضرب على سميتها ههه صافي المرة الجاية ان شاء الله مانوقعش فنفس الخطأ
وبالنسبة للمذاق ‘الحار ‘؟ واش من الخميرة؟ وشكرا جزييلا

المداق الحار يقدر يكون من المسكة أو من لوز مخلط معه الحار
مشي مشكل أختي مدام أول تجربة إن شاء لله مرة تانية تصدق لك غزالة

آه احبيبة، عليها خدمت بنصف المقادير، مكاين باس ^^ آه الآراء اجتمعت على انو السبب كان هو العجين ليقاصح، واضفتي انو اللوز خاص يكون مطحون مزيان. شكرا بزا اف، الله يحفظك

المداق الحار يااما من اللوز يكونو فيه شي حبات مرين ولا المسكة الحرة كثرتي منها وبالاخص يلا كانت من النوع الجيد.ان شاء الله مرة اخرى تصدق لك والغربية عموما خاص الفران يكون سخون مزيان غير تدخليها نقصي عليها والعافية تكون فوق منها

آه موومكنة هاد القضية! درتيها لي فبالي، ديك المسكة الحرة انا ندير منها ڭاع بناقص، اصلا معارفاش شنو الدور ديالها! خايفة لاديرها بيا عاود. الله ينورك احبيبة على مساعدتك، الله يحقق متمنياتك