علاش بعض العضوات يديرو هكدا دخلي وشوفي واش انتي منهم

السلام عليكن انيقات المنتدى انا الاحظ بعض ط§ظ„ط¹ط¶ظˆط§طھ كيطرحو مشاكلهم من جميع انواع المشاكل ها اللي كتسال كدير توفر وتتقتصد ها اللي عندها مشكل مع عجوزتها او لوايستها او راجلها ها اللي غادية تطلق ها اللي كتسال على شي طبخة واحنا كنجاوبو من نيتنا ابحال شي حمقات وللاسف كتلقايها كتدخل الموضوع اللي طرحاتو وكتقرى الحلول وتستافد وما كتخليش حتى دعاء للانيقات او حتى كلمة تقولهوم راني استافدت منكن انا لا اعمم لانه كاين بعض الانيقات المصوابات اللي كيقراو الحلول ويجاوبو واخا غير بكلمة اعجاب المشكل كاين فاللي كتشوف الحلول وتقرى وتمشي طبق ايوا باش غادي نتشجعو ونبقاو نتعاونو في هاد المنتدى الغزال اللي جامعنا شنو رايكم واش كلامي صحيح او غالطة

---

ugha fuq hguq,hj d]dv, i;]h ]ogd ,a,td ,ha hkjd lkil

اب

عندك صح خصنا نشجعو بعضياتنا وخا غير بكلمة اعجاب كما يقو معرفة بالناس ذهب

اه اختي دابا احنا كنعطيو الحلول ما كنعرفوش حتى واش اللي طارحة ديك الموضوع واش عجبوها الحلول ام لا وكنحسو بالاحباط شكرا على المرور

ah akhti 3andak lha9 owahad l9adyya okhra ana kayb9a fyya lhal chi marrat kanhat chi mawdo3 ohtta wahda makatbghi tjawab ochi mawadi3 katl9a fihom safahat katl9ay 600 mochahada o 0 aw 2 mocharakat khasna nt3awno b3dyyatna ana ollah ila chi marrat wakha makan3rafch kindir nd3i ila kandkhal lgoogle onjbad do3ae ondirlih couper colles bhal dyal llikatlab rrahma lchi had saraha makan9darch ndkhal lchi mawdo3 manhatch chi basma wacha ghir i3jab awlla tgoli liha tbark allah 3lik

عندك الصح كلامك معقول وملاحظة ديالك حتى انتي في محلها انا اعدر صاحبة الموضوع الى كانو عندها مشاركات بزاف اشحال قدها ترد على كل وحدة بوحدها ولكن تقول مثلا انا كنشكر كل وحدة دخلات وشاركت في موضوعي احنا ما كنتظروش الشكر ولكن غير نعرفو ديك الانسانة انها قرات الردود واش عجبوها او احنا غالطين ونستافدو جميع

فعلا اختي ضروري من التشجيع ولا كاع مجاوبتش غتجيبها غير فراسها هههههه حيت مغيكملش الموضوع ومغتستافدش مزيان انا صراحة ملاحضتش هاد القضية اقدر تكون قليلة ونقدرو نشوفو من منضور اخر يمكن مللي كتحط الموضوع متلا كخسر البيسي ولا معندهاش خداتو من عند شي واحد وهكدا وعجباتني عندك كلمة منتدانا لغزال فعلا غزااال وكحمق وهجرنا نعاس علا قبلووو

اهاختي عندك الصح

اختي كلامك معقول من واحد الناحية ولكن لازم نفكرو ا شوية لان احيانا صاحبة المشكل تا تكون تالفة وراسها كله مطارق ولازم احنا اللي الحمد لله هانيين الله يدوم يارب نتفهموها مسكينة وهي ما دامت طرحت مشكلها الا وهي كلها امل اننا لن نتخلى عنها وكذلك من واسات اي اخت او ساعدتها في ايجاد حل لازم ما تفكر في المقابل احنا نعمل لوجه الله وكلنا يعرف ان الله سبحانه يفرج على كل من فرج عن اخيه كربه ولا ننتظر لا جزاء ولا شكورا هذا رأيي ولا افرضه على احد واتمنى ان تكون الاخوات فهمنني

السلام عليكم بارك الله في جميع الاخوات انا الاحض كثير من الاخوات تيعملو مجهود كبير في الشرح بالتفاصيل وانزال الصور والردود الطيبة والحلول انا تنقدر هدشي بزاف انا صراحة تنرد على مواضيع لاني تيجيني سهل جدا الرد بالعكس لكن اخواتي انا مقصرة في حقكن في انزال المواضيع يعني مانتكتبش بزاف ونسيت تماما كيفاش نزل الصور يعني سمحو ليا الا قلت هاد الكلمة مبقاش عندي بزاف الخاطر مريت بضروف صعبة السنة الماضية مرض وموت امي رحمها الله والغربة حتى اني كنت مشرفة في منتدى اسلامي معروف لااريد ان ادكر الاسم ولم اكمل انسحبت والان هدا المنتدى الوحيد اللدي ازور ووجدت فيه اخوات ضريفات وجميلات واستفدت منه كثيرا وادعو الله ان يوفقكن وييسر اموركن اخواتي الطيبات احبكن في الله ياطيبات دعواتكن معي جزاكن الله خير