استشارة حول مرض البروستات

السلام عليكم ورحمة الله و بركاته
الله يجازيكم بكل خير بغيت نستاشركم بخصوص مرض ط§ظ„ط¨ط±ظˆط³طھط§طھ الله يحفظكم و يناجيكم
شخص من عائلتنا جاه الله يحفظ المرض و ماعندو حتى شي فكرة شنو يقدر يجراليه
عفاكم ادا كان هناك طبيبة بالمنتدى او شخص تعرفونه جاه هدا المرض نصحونا الله يجازيكم بخير
بغينا نعرفو هل المرض خطير جدا و ادا لواحد جاه واش تايموت بسرعة والأدوية واش غالية بزاف و شحال من مرة خاصو يشريها في الشهر و شكرا جزيلا

---

hsjahvm p,g lvq hgfv,sjhj d,l

واش فيه اختي سرطان البروستات؟؟؟
الله يحفظها جميعا منو
هو مرض ديال الرجال كيخص الجهاز التناسلي ديالهم وعلى حساب شنو سمعت كاين ناس تعافاو منو
الله يشافي جميع مرضى المسلمين
اما بخصوص الادوية والعلاج ما عندي حتى دراية

السلام عليك
على معرفت على هاد المرض من خلال ما سمعت عن حالة في عائلتي, وهي ان لبروستات كنمرض وتقدر الله يستر حتى يولي فيها سرطان, هي كيفتحو عليها وكيديرو التحاليل, وعلى حسب النتيجة كيعطيو الدواء او الكيماوي في حالة سرطان.
صاحب هاد المرض الىفتح ميكبقاش قاد على الايلاج او الجماع للتوضيح فقط, الله يشافي.

السلام العليكم اللهم رب الناس اذهب الياس واشف انت الشفي لا شفاء الا شفائك اختي البروستات لابد من معاينة الطبيب لانه خطير ادا المريض اهمله كما ان الاتار الجانبية كبيرة كتوصل لاءداء الكلي نظرا لاحتباس البول بفعل انتفاخ الغدة والعلاج كيخلف من شخص الاخر وعلي حسب الحالة الي كان المرض في اوله بسيط مجرد التهاب كي يتعالج بالمضادات الحيوية والرجيم والابتعاد عن البهارات اما الا كان شديد فقط يتم الامر باستئصال الغدة كله لكن قد ينجب بعدها او لا لانه بيد الله حيت الغدة هي الي تتفرز السائل الي كيساعد الحيونات المنوية في التنقل نسال الله له الشفء ةلجميع امة محمد عليه الصلاة والسلام

السلام عليكم أختي مرض البرستات لاخوف منه إلى كانت غير ملتهبة كيعطي اخصائي الجهاز البولي والكلى مضادات حيوية وتحاليل قبل وبعد العلاج وهذه أسهل حالة غير هو نصيحة إلى كان المصاب شاب ويريد الإنجاب طبعا فيجب المسارعة في تشخيص دقيق لأن إصابتها تعني العقم بمعنى سبحان الله العظيم دورها تسبح في سائلها الحيوانات المنوية لكي تخرج وتخصب البويضة صديقتي تزوجت وانتظرت الحمل وتعبت في المصحات وإذا بها تكتشف ملف طبي لزوجها به عملية استئصال البروستات سبحان الله العظيم الحيوانات المنوية تخرج ميتة لذا إلى كان شاب على أقرب فرصة يذهب للأخصائي إلى كان من كازا فأحسن دكتور د مزيان مصحة المنبع والشفاء من الله اللهم اجعل شفائي والمسلمين سهلا ميسورا اللهم صل على محمد وعلى ٱل محمد

شكرا لك مغتربة على جوابك نعم فيه سرطان البروستات الله يحفظنا جميعا
الله يشافيه ويخفف عليه حيت سمعت أنه صعيب و تايجيهم بالحريق
براك الله فيك المشاركة ديالك كافياني

شكرا بزاف وئام فعلا هو سرطان بلحق مزال مافتحش و مابقاش قادر يتمشى بحال ادا تشلل الله يحفظكم وقاليه الطبيب خاصو يفتح حيت لقاو فيه سرطان طوله 15 سنتمتر ووصل للكبد ماتصوروش الخلعة لي فيه و دبا قلوليه خاصو يدير العملية بدى يجمع الوتائق بلحق مزال ماقرروش امتى يدل للمسنشف و سمع ان الدواء غالي فيريت نعرف ثمن الأدوية لي خاصو يشري من بعد العملية
وشكرا لكم

براك الله فيك سهرانة على مشاركتك و دعوتك باينة غادي يقوم باستأصال الغدة حيت كيفما قلت وصل ليه حتى للكبد وخا كبير في السن 50 سنة فراه تيبكي بحال شي طفل صغير بالخوف الصراحة البهارات مازال تياكلهم بادن الله نقولها للعائلة باش مايعطيوهمش ليه يدير الرجيم أحسن له شكرا لكي على التوضيحات

جزيل الشكر قوتي في صمتي على المعلومات المهمة هو حاليا غير متزوج ومزال ساكن مع ماماه و خواتاتو باينة ماشي يدير عملية استأصال لأنه تايبات بالحريق و يستيقظ بيه والسرطانة 15 سنتمتر يعني كبير خاصو رجيم صحيح باش مايدمرش لو الكبد الله يحفظنا جميعا و يشفيه
هو حاليا بالقنيطرة وغادي يعمل العملية في مستشفى حكومي الله يحميكم و يحمي جميع المسلمين من هدا المرض
شكرا

كنشكركم مرة أخرى على اهتمامكم و على المعلومات لي أفدتوني بيها الله يجعلها في ميزان حسناتكم ياربي امين
فيريت تتكرم أخت من الأخوات و تزيد تفيدنا بالنسبة لتمن الدواء من بعد العملية باش لواحد يكون داير بحسابه
شكرا بزاف بزاف