بغيت نجرب نطيب بحال الطباخات المحترفات

السلام عليكم ورحمة الله تعالى وبركاته الى الاخوات العضوات والمشرفات بغيتكم تعاونوني فواحد العراضة بغا راجلي اديرها لصحابو والجيران واقترحت عليه نجيب طباخة ولكن رفض وقالي واش انت ماشي مرا. الدجاج غادي نطيبوه فالفران ديال الزنقة بعدما نشرملو فالدار والدغميرة واللحم غادي نطيبهوم بوحدي وانا خايفة نحشم راجلي مع صحابو عافاكم الى ممكن تعطيوني بالتفصيل الممل اش ندير الله اعطكم الل تمنيتو او حتى اللي عندها شي اقتراح بلا الدجاج واللحم باش نكون مميزة واشكرني راجلي هههه وحتى طريقة الحطان والديسير اما الحلوة غادي غير نشريها على فكرة غادي اجبلي 20 دجاجة اوا اوا عليا عافكم ردو وماتخليونيش وحدي على فكرة غادي نعرضو نهار السبت الجاي ماتحشمونيش الله ارحم الوالدين

---

fydj k[vf k’df fphg hg’fhohj hglpjvthj

نتمنى لبنات إعاونوك باش نتعلمو كاملين للولائم لكبار أما أنا اى ختي كنعرف نطيب غير شوية ههههه

سيري لقسم المأدبات والولائم راه فيه الخير ارا ما تستافدي. الله يجازي الأخوات

شكرا على الردود غادي نشوف قسم الولائم على ربي نلقا فيه الجواب

شوفي واحد الموضوع ديال الاخت قرة عين زوجها عملات شي عراضة وعاملة الدجاج واللحم الغنمي وحتى طريقة التحضير وطريقة الوضع ان شاء الله غادة تستافدي منو بزااااااااااف

شكر الله لك اختي مغربيه غادي نشوف موضوع الاخت قرة عين زوجها

https://www.anaqamaghribia.com/vb/sho…d.php?t=163784
https://www.anaqamaghribia.com/vb/sho…d.php?t=297790
السلام عليكم ورحمة الله وبركاته أختي الحبيبة شوفي هنا غدي يفيدوك بزاف ,كاين سلاطة جاغديني كتجي منضر و الدجاج ليلة بيتيه في الليم و غسليه مزيان و خليه ف الشرمولة على الأقل 4 سوايع و عنداكي تكثري الملح
و طيبيه على نار مهيلة باش يجي رائع.
اللحم حتى هو شرمليه
قبل هاد كلو فقي بكري صلي الفجر و استعيني بالله قولي بسم الله
الله يسر أمورك و تحمري وجه راجلك إن شاء الله
نتمنا الأخوات يفيدوك أكثر

اختي الله يكون معاك ويعطيك القوة ويعاونك
وكوليه يعاونك اختي واخا غ سخرة وهزان الاواني ….

شكرا اخواتي على الردود الله اعطيكم ماتمنيتو والى ممكن توريوني كيف ندير نحط التصاور ديال العراضة ان شاء الله

اختي سيري قسم العراضات والولائم كاين مواضيع مثبتة تساعداك وكذلك كاين عراضات الاخوات يساعدوك في التقديم
الله يعاونك ولهلا يحشماك