عاونوني فهاد الاجر

السلام عليكم حبيباتي
الله يخليكم مرات صاحب راجلي دارت عملية على الزايدة وبما اننا مغربين اكيد مسكينة معندها شكون يطيبلها قلت نديرلها شيحاجة نصيفطهالها ومعرفتش شنو نقدر ندير والمشكلة راجلي قال لراجلها بالليل دابا نجيبلها العشا وانا حاااااااااااايرة حيت معارفاش شنو خصها تاكل وشنو لا
دابا انا فكرت نديرلها شوربة خضر عندي خيزو و بطاطا و الكرعة و جبدت اللحم مكعبات اعطيوني شي طريقة عفاكم
او لا ندير لسان الطير ولا شوربة العدس الله يجازيكم متبخلوش علي وحتى الدجاج جبدتو غير ط¹ط§ظˆظ†ظˆظ†ظٹ الله يجعلها فميزان حسناتكم

---

uh,k,kd tih] hgh[v

اختى الله يشافها فى نظرى انا عملى ليها شوربة الخضر مع الدجاج مقطع او كفتة او كبدة مشوية او دجاج محمر ناشف بلا مرقة مع طبسيل فيه شوية الديسير كنتمنى كون عونتك وخا غير شوية

شكرا ليك احبيبة يجعلها فميزان حسانتك وكملي على جميلك اختي واعطيني طريقة شوربة الخضر

الله يشافيها ويعافيها
اختي الانسان في هاد الحالة خاصو الشربة دالخضر وبلا عطرية غير مجرد قبصة وصافي
واللحم او الدجاج يتبخر ويتحمر وتيقدم مع الكمون
والخضر بخرة ولابتعاد عن الدهون
عملت فيها خبيرة ياك ههههههه

الله يرحم ليك الوالدين اختي بالعكس نصائحك فادتني غير ايلا ممكن طريقة ديال الشربة حيت الصراحة متتجينيش مزيانة

اختى عملى فى كوكوت بصلة+ مطيشة واحدة+ الربيع وكرافس+gرعة الخضرة او حتى حمرا+ بطاطا + خيزو+اللفت الابيض+بورو الى كان وشوية ملح وشوية زيت العود من الاحسن بلاش من ليقامة اخرى حيت حارة عليها ومن بعد ما طيب طحنها عاد رمى طروفة ديال الدجاج من بعد مسلقتيهم باش يحيد منهم ليدام ومن بعد دوريها بشوية الروز او الشعرية بين قوسين انا هاد شى ليكونت كانكول من بعد ما فتحت علي المصرانة الزايدة والله يشافيها ويشافى جميع المسلمين

شكرا ليك بزاااااااااااااف على المساعدة ديالك الله يخليلك كل عزيز عليك

غير بغيت نفكرك انك ا تنسايش راجلها يعني عملي عشيوة مقادة ياكلها راجلك و راجلها و نتي ملي تكلسي معاها عطيها ماكلتها هي
والله يجازيك كل خير

شكرا ليك اختي ربي يخليك ويجازيك بالخير حتى انتي

العفو احبيبة
الشربة
لفت +خيزو +بطاطة+ بصلة صغيرةو مطيشة +ربيع المقدونس اكثر+ كرافس+ طريفات اللحم او دجاج
ملح قليل جدا ابزار رشة فقط +خرقوم بلدي +تحميرة باش اللون يجي احمر
يطيب الكل في طنجرة مع قليل زيت ويزال قطع اللحم ويطحن الخضر في الطحانة اليدوية الرقيقة او في الخلاط وترجعيه فوق النار وتزيدي عليه طريفات اللحم لي زولتي و قليل شعرية وتخليها حتى طيب وتقدمي بالهنا والشفا
ملاحضة تقدري تعملي نصف كمية الربيع وكرافس تحتى ضيفي الشعرية عاد زيديه تيجي روعة
هاد الشي ليكنت تنعمل لحماتي فتحات على المرارة
وتنعمل ليها الكفتة مشوية غير اللحم بلا شحمة بلا
واللحم والخضرة مبخرين مع الملح الكمون فقط