سلام اخواتي تشهيت الخليع و درتو بالقديد متاع العيد بطريقة الاخت رميساء لكن جيت ندوق اللحم لقيتو مااااااالح وهو دابة طاب معرفت شنو ندير ليه لانو القديد تيخصو يكون مالح وانا درتو كيما هو ساعا لقيتو مالح واش هاكاك ولا لا راه جميع لمغاربة لي هنا تيتسناو الخليع بغاو منو و خفت نتحشم معاهم جاوبوني عافاكم
lshhu]m thgogdu hggi dvpl hg,g]dk
نعم حبيبتي انا غير حيت كان طاب ومزال منشف من الماء ودقتو وجاتني الملوحة مبالغة لكن حيت نشف من الماء ولا مالح عادي شكرا حبيبتي لاهتمامك
الحبيبة راه لحم الخليع هكاك تيكون مشي فتي ولا طري بحال اللحم العادي شوية تيكون كارم وشاد راسو وملي تغبيه لازمك تسخنيه شوية حتى يوب الايدام ديالو اسخن اللحم شوية غيولي شوية رطب ولكن راه مشي الرطوبة ديال لحم المرقة ههههه لا شوية وخلاص تيبقا شاد راسو وبنتو في ديك الملوحة الزايدة لي تتكون فيه
وبالصحة والراحة شهيتني الزين
ولكن بلاتي واش تتقصدي الخليع لي تيكون مع المرقة ديال ولا تتقصدي لحم القديد ؟
حيت كاين القديد بوحدو بلا مرقة ديالو وكاين الخليع ولكن كلهم بحال بحال من جهة : الملوحة والقسوحية ديال اللحم غير لحم القديد تيتبس وهو نئ يعني ما تيطيبش تيتشرمل واتنشر في الشمس وصافي حتى تنبغيوه عاد تنصبوه اطيب و ملي تتنصبيه مرقة تيرطاب اكثر وتيولي عادي
والخليع لا تيكون طايب جاهز ملي تبغيه غير تتسخنيه مع المرقة ديالو وصافي لكن الخليع تيبقا شاد راسو شوية ما تيرطابش بزاف بزاف
أنا يمكن فهمتك، القديد ديال الخليع جاك مكرمل، راه ما خصوش يتكرمل، خليتيه طاب بزاف في لخليع حتى نشف الماء و زاد تقلى في زيت الشحمة
لي تقدر ديري، هي تخبيه، نهار تبغي ديريه، ما ديريهش بوحدو مع البيض ، ديري معاه صوص ماطيشة وزيدي الماء و زيدي فيها قريصة ديال بيكربونات صودا منها يرطاب اللحم في الماطيشة و الصودا ، ومنها يتقاد من الملحة غير نتي فاش ديري طماطم ما ديريش الملح نهائيا حتى دوقيه وشوفي واش هو هداك، حيت وخى يبان لك القديد ما مالحش يديرها بك