عافاكم للي تتجيها الحريرة زوينة

عافاكم للي طھطھط¬ظٹظ‡ط§ ط§ظ„ط­ط±ظٹط±ط© ط²ظˆظٹظ†ط© بشهادة الجميع ، تقولي الطريقة بالتفصيل الممل ، أنا تندير ط§ظ„ط­ط±ظٹط±ط© و تتعجبني و تتعجب لي داقها ،ولاكن راجلي تيقولي مافيها ميتكال

---

uhth;l ggd jj[dih hgpvdvm .,dkm lg[

المهم في الحريرة تكون حمرا وحامضة هدا هو الاساس . والسر ديالي هو انني تنخلي القزبور شي 2 معالق كبار حتى نبغي ندورها .بالاضافة انني تنيتعمل مطيشة حمراااااااااااا وطايبة ولكن تكون مسدودة كاملة + مطيشة الحك.
بالنسبة المقادير تندير عيني ميزاني . نتمنى يفيدوك الاخوات . الله يسر ليك

جازاك الله خيرا، علا الإفادة

سولي راجلك كيف تتعجبو الحريرة أو شوفي الام ديالو كتطيبها وتبعي طريقتها أو ملي إنشاء الله تعرضي في رمضان شوفيه كي تيبغيها عند الناس الحرية سرها القزبور والحمص والعدس وكاين شي مناطق متيديروش العدس بحال غرباوى والسمن الحار ومطيشة الحك ومطيشة الاخروالبصلة محكوكة هي ومطيشة البزار الملحة سكنجبير الزيت وملي طيب دوريها بالشعرية رقيقة وملي طيب شوية دوريها بالدقيق وضيفي السمن والى بغيتي شي بيضة وبالصحة والراحة

ها حريرتي الا قبل راجلك عليها
كنشد طريفات اللحم و نزيد بصلة صاينة ماتقطعيهاش و 2 ماطيشات صاينين بقشورهوم و الحمص فازك و العدس و الملح و سكينجبير و الابزار و الزعفران و نغطي بالماء و نشد كوكوت من بعد نصف ساعة ديال التصفار
نحل ناخد مولينكس ناخد البصلة لي طايبة و نزيد ماطيشة لي طابت حتى هي و نحييد ليها القشور و نزيد القسبور و المعدنوس الكرافص كنور بكري 3 معالق ماطشة حك عيشة و الماء بارد و نضرب فمولينكس
نرد الكل للكوكوت عاوتاني و نخليهم يغليو و ديك الساعة نزيد الطحين و الماء على حساب القصوحية تكون شوية خفيفة و نلوح شوية شعرية و نخلي الكل شي 15 دقيقة ديال الغليان و انا كنحرك مرة مرة
نطفي عليها ندير فالزليفات و نحط السمن و الحامض قدامها لي كتعجبو شي حاجة يزيدها و بصحة و الراحة و ردي عليا الخبار الا معجباتوش يمكن الا ماماه كتزيدلو فيها حتى القرفة و الناس اذواق

okhti ghante3tik l maqadir li kandir w katle3 ghzala b chahadat lm jamie3 bla manchkr lik rassi nbda alla brakat allah bssla mhkoka lhimat trafat lhm zlafa d l hms 2 me3alq dyal al 3adass wahd kilo maticha kanthna f moulinex w nsifiha maticha dlhk me3lqa kbira zlafa bin l kzbor wl mae3dnouss mgrdin wlkrass bzar thmira ze3fran zwita mliha wlma aink mizank w tsdi alla hadchi f l cocotte wahd 45 dqiqa mn be3d kankhd thin m3a l ma bach ndwrha w nzid m3ah chwiya dl qzbour mgrdd w che3rya wahd 2 m3alq w nkhliha tatmchi mnha l kchkoucha w f l akhir zidiha smn ra katji ghzala b smn

أختي أنا كنعمل طرفات ديال لحم ،كنحك فالحكاكة لغليضة 4 ديال مطشات 2 بصلات شوية ديال قسبور ومعدنوس و كرافس مطكتكن ،مغرفة كبيرة ديال سمن شوية ديال زيت غير شوية ،يبزار +سكنجبير +قرفة عواد +شوية ديال جوزة محكوكة +كنور ديال بقري،3 ملاعق كبار ديال حك مطيشة،حمص مقشر،كنمرق غير نص ديال كوكوت وكنشد عليها فكوكت وحيد 20 دقيقة ،ملي كانفتاح عليها كيكون عندك الماه dejaa طايب ،كنزيدو عليها و كنرمي شوية ديال شعرية رقيقة وكندورها ب-3 ديال ملاعق كبيرة عامرين mayzina مكندورشي بالدقيق بميزنا كتجي مزيونة .
وقبل أختي ماتبدى تطيب طلب الله سبحانه وتعالى يعطيك اللدة فطيابك ،وصلي على لحبيب لمصطفى وغادي يكون غير لخير انشالله .

الله يجازيكم بخير ، علا الإهتمام ديالكم ،والله يجعل كل كلمة و حرف كتبتوه باش تجاوبوني ف ميزان حسناتكم ، انا غدا إنشاء الله غادا نديرها و نرد عليكم الخبار ، لموهم عن دير معاها واحد البيدزا سوكور باش إلا معجباتوش ميباتش بلا عشا ههههههه

اختي انة تندير فيها الحمص والفول والعدس وقطع من الدجاج ولا الله حسب اختيارك وتنكتر ماطيشة ديال الحك فيها وحتى الاخرى المهم تكون حمراء اختي تتديرها بيضة متنحملش نشربها وانة ملي تنديرها كلشي تيحماق عليها والقزبز ومعدنوس ولكرافس مقطعين بزاف من الاحسن الى كانت عندك مكاكينة الي تتفرمهم يكون احسن وتندير سكين جبير والخرقوم ملح ابزار تحميرة والمهم فيها حتى هوة مهم هية بصلة كبيرة او 2 حكيهم مزيان في الحكاكة وزيت البلدية دروري من الزيت البلدية راه هية الي تتبنن اكتر من الزيت الرومية وراكي عارفة الكمالة ملي يطيب هاد الشي ديري الدويدة ولا روز والدقيق في الاخير جربي هاد لحريرة وردي علية راه تتجي فنة فنة فنة والى بغيتي تزيدي البيض فكسي 2 في لحريرة هوما الاخرين

الحبيبة لبنات ما قسروش انا تندير لحريرة بلا للحم ماتنبغيهش فيها تنكتر مطيشة
وتندير مطيشة الحك والسمن ومنين تطيب نزيد البيض
وديري بنصيحة الاخت لي قالت ليك سولي حماتك تلقايه مولف علي حريرة امو