السلام عليكم ورحمة الله وبركاته اخواتي عندي لكم واحد الطلبا انا عندي 2 علب دلاكريم فريش ديال220 ملل اوماعرفتش فاش ممكن نستعملهم فاللهايجازيكم بالخير اللي عندهاشى وصفات ماتبخلش علي و شكرا
‘gf fow,w la creme fraiche > crème
غادي تجيبي الكروڤيط ،وتحيديلو القشور ديالو ، وتشرمليه والقسبر ماعدنوس ثوم والبهارات لي بغيتي ، تقليه في شوية الزيت، ملي يطيب ديري عليهla creme fraiche وخليه يغلى شوية وصافي هاهو وجد أختي راه رائع جربيه هنا في أوروبا كيديروه في المطاعم
وصفة أخرى هي الكراتان بالبطاطا:
غادي تشدي البطاطا تقشريها وتقطعيها دوائر وتعمليها تسلق، ماتخليهاش تسلق بزاف ،
من بعد ديري الكفتة طيب وتنسميها بالملح والبزار وخليها تقلى شوية هي والبصلة مقطعة مربعات ،من بعد زيدي عليهم الفلفل، اللون لي عندك أنا كندير كل الألوان ،وزيدي عليهم الشمبينيون مقطع الا معندكش ماشي مشكل ، المهم هو الكفتة والبصلة وماطيشة،ومن بعد زيدي عليهم مطيشة محكوكة ديري علا حساب المول لي عندك ، وشحال ما كترتي مطيشة يجي زوين، ديري نتي 1 كبيرة، وخلي داك شي يطيب ، وملي يقرب يطيب ديري عليه شوية الزعتر ،
الطريقة :
جيبي المول لي يدخل للفران ديري فيه لتحت شوية من la creme fraiche،وستفي البطاطا، من بعد كبي عليها الخليط ديال مطيشة والكفتة ، من بعد زيدي طبقة لفوق ديال البطاطا وكبي عليها la creme fraiche لي بقالك وديري فرماج محكوك ودخليه للفران خليه يطيب شوية وهاهو واجد كيجي بنيننن بززاف
انا كندير لاكريم فريش في شوربة ديال الخضر ملي كنبغي نطحن الخضر كنزيد ملعقة كبيرة ديال لاكريم فريش ونطحنها كتجي بنينة
كنستعملها كذلك في صلطة الفواكه كاتقطعي الفواكه اللي عندك موجودة تخلطيها مع عصير الليمون تحصيها في كؤوس التقديم وتاخدي لاكريم فريض ضيفي ليها السكر -وملون أحمر اختياري- تخلطيها وديريها في جيب الحلواني وتوضعيها على الفواكه وترشي بشوية فيرميسال شوكولا
وحاجة أخرى زوقي بيها الكيك أو فينما تعجني قريشلات ضيفي ملعقة كبيرة كريم فريش للعجين لقريشلات كايجيو رطبين وغزالين
مع تحياتي
.نبــع الحنـــان.فاطمة ياسين.khodandaj