الزواج بلا تصريح من سعودي عاجل

السلام عليكم عفاكم انا لي قريبة تقدم ليها ط³ط¹ظˆط¯ظٹ بغاها لزواج ولكن قالها معنديش طھطµط±ظٹط­ بغيت نعرف عفاكم هل هاد زواج معترف بيه في المغرب وخارجها للان قلت لها نسولك بنات المنتدى للان معنديش خلفية على هاد الموضوع وهي دبا معاي باش تشوف ردود وتقتانع بنفسها باش غتنصحوها
علما واحدا لشخص قالها ما تخافيش راه معترف بيه ونقدر نكتب لك عند عدل ونتوتقو لك في المحكمة وانا من جيهتي قلت لها بلا طھطµط±ظٹط­ استحالة تحصلي على شي توقيع من المحكمة هاد سيد مصر ويلح عليها باستعجال الامر باش توفق وتزوج بدون تصريح
الله يخليكم الي عندها باش تفيدها ما تبخلش عليها والله يجازيكم الف خير

---

hg.,h[ fgh jwvdp lk su,]d uh[g

اهلا اختي لوزان كديره ان شاء الله بخير فين غبورك
السعودي اختي ضروري يجيب التصريح الى بغات السعودية تعترف بيها و تدخل للسعودية بصفة زوجة ماشي يشري ليها فيزا ديال اي عمل و تدخل
و باش ان شاء الله الى ولدات تعرف تخرج و تدخل بوليداتها
قولي لصاحبتك تقوليه يمشي يجيب التصريح هو الاول عاد يجي يتزوج اما بلا بيه راه ماغاديش تعقد فالمغرب و ماغاديش تعرف تدخل للسعودية بصفة زوجة

تحياتي اختي

لااااااا والف لا اختي ماعندها حتى حق الى ماكاين التصريح.وبلا مايكذب عليها لا عدول لامحامي ,الحل الوحيد اللي عندها هو تخليه يجري على التصريح.
انا اختي ضد الزواج بدون تصريح ومتنصحش البنات به.لانو الوقت والزمان والانسان ماعارفش اشنو غادي يستجد فالامور,مع اني تزوجت بالتوكيل فمصر بعدما عيا راجلي يجري على التصريح.وضيعنا ست سنوات من عمرنا فالشد والجدب,ولكن اللي خلاني نقدم على هاد الخطوة هو انوراجلي تخلى على خدمتو فسلاح الجو وخدم فالخاص باش يقدر يدفع الاوراق بدون خوف من انو يفقد خدمتو,والحمد لله مبقاش لينا بزاف.
اللي بغيت ننصح بيه هاد الاخت هو متزربش وتتريث را الرجال والله مافيهم ثقة,والله ييسر امورها

اهلا الحبيبة ديالي توحشتك انا لباس يسول فيك الخير ها حنا تنسلكو راني نصحتها وتناقشت معها قلت لها احنا مارين بزواج اجنبي ومعضوضين فكري وخمي مزيان ولكن هيهات لا حياة لمن تنادي هي ما تتخممش للعواقب تتشوف حدها حد رجليها ودنوبها على راسها

الله يكملك مابقا الحبيبة على خير ويتبت غرسك راه اختي درنا مجهودنا معها ولكن البنت اختي تطير تدير لي في راسها وللاسف شديد غيديها بفيزا خادمة انا تصدمت من قالتها ليا قلت لها يشبع ويقنع منك ويرميك وزربان عليها غيجلس معها اسبوع ويديها معاه في يديه للانو كفيلها وزوجها كيف ما تدعي قلت لها انتي بقا وردة تجيبي ما احسن لكن كيف تنقول لا حياة لمن تنادي الله يهديها على نفسها وتتحمل عواقب اي خطوة ديرها

يتوحشك الخير ازين غبرتي غبرة واحدة الله يعوضك خير ان شاء الله
اوى الى قدرتي ديري جهدك وفوق جهدك باش تنصحيها خصوصا هي باقية بنت و فبلادها راه غادي تشوف الويل الى مشات غير هكاك و زيد عليها ماعندها ما تصور منه
وحاجة اخرى راه الى مشات حتى ولدات معاه و مثلا خارجة بولدها من المطار راه يشدوها زنا على قبل ما عندهاش وثائق انها مزوجة سعودي
وفين اختي وليديها فهاد الموضوع
الله ينور بصيرتها و يهديها على راسها
و ما تغبريش خلينا نشوفك مرة مرة
تحياتي اختي