السلام عليكم انا مزوجه هادي عام و راجلي عندوcnss المشكل لي كاين هو انا ما داخلاش معاه فيها
بغيت نعرف واش الا دخلت معاه فcnss ديالو و خدمت انا من بعد واش حتى انا غادي يولي عندي حق ف Cnss ديالي خاصه ولا لي غادا نخدم عندو غادي يقولي بلا انا داخله مع راجلي حتر و الله ما عرفت ماندير جوبوني عافاك م افهمتش هادشي
Cnss cnss
والله ياختي حتى مرضت شحال من مره و ماعمرني ما دفعت
انا خفت غير نخدم و يعكسو ليا اما لا كانت غادا تحبس بزربه نديرها و وقتما جات الخدمه
تساول ل باقي عندي هو شحال تيرجعو واش يترجعو مزيان و لا وآلو
وبالنسبة للولادة و اش كاينة عندهم prise en charge و لا كانخلص من جيبي وشحال يمكن يرجع *
و واش اي كلينيك نقدر ندخل ليه و لا خاصو يكون conventioné
و شهاده عدم الشغل نجيبها من المقاطعة
آه من المقاطعة نسخة من عقد الزواج ونسخة من بطاقة الوطنية ديالك بالنسبة بتعويضات راه cnss كترجع ليك 70 في المائة من مصاريف العلاج
شوفي أختي سؤالك فيه وضعيتين
الوضعية الاولى انك ماخدماش في هاد الحالة رجلك كيدفع لمركز cnss عقد الزواج + بطاقة التعريف الوطنية ديالكم بزوج + وثيقة كتسمى التصريح بالشرف كتشهدي فيها على نفسك انك ماشي من الناس المسجلين ب cnss و لي كيستافدو من خدماتو + واحد المطبوع كياخدو من المركز و كيعمرو على حسب المعلومات لي مطلوبة فيه
من بعد ما يدفع الملف و يتقبل الحاجة لي تقدري تستافدي منها هي التغطية الصحية فقط و لا شيء غيرها و كيرجعو ليك 70% من مصاريف العلاج + التعويضات العائلية الا كان عنكم شي وليدات
الوضعية الثانية هي انك خدامة في هاد الحالة بغض النظر على مزوجة او لا كتجمعي الوثائق ديالك لي هي نسخة عقد الازدياد + نسخة بطاقة التعريف الوطنية + صورتين فوتغرافية و كتمشي لمركز cnss للمكتب الخاص بالتسجيل و منح بطاقة الانخراط في cnss و من بعد ما كتقومي بهاد الاجراءات كيحددو معاك الوقت لي توجد فيه البطاقة ديالك با تسلمتيها
هانتي حصلت على بطاقة cnss لي فيها رقم الانخراط ديالك بصندوق cnss هاد البطاقة كتسلمي نسخة منها لرب العمل لبناء عليها كيعلن ل cnss انك خدامة عندو باجرة كدا و كدا و عدد الايام لي اشتغلتيها
3 اشهر هو كيكرر العملية حتى كتولي سميتك و رقم الانخراط عندك باين في borderau الخاص بالشركة لي فيه اسامي كل العاملين لي عالنين عليهم بالطبع
في هاد الحالة كتولي تستافدي بالاضافة الى التغطية الصحية + من التعويض على الولادة + التعويض على التقاعد + ااتعويضات العائلة يعني فلوس الدراري الى كان راجلك ماكيخدهاش
اما سؤالك على prise en charge كيكون الا كان الكلينيك تابع اصلا cnss اما الكلينيكات الاخرى فكتخلصي المبلغ كاملا و كتعمري عليها و كدفي وريقاتك كاملين cnssو كتسناي مدة شهر الا كانت و ثائق كلها مضبوطة و كتوصلي من بعد في حسابك البنكي ب 70% من مبلغ المصاريف كتعويض
و السلام و نتمنى نكون فدتك و وفيت
و في جميع الاحوال يمكن ليك تمشي ل cnss لي قريب منك و هما يمدوك بكل المعلومات
اختي عندهم لابريز اون شارج بالنسبة للعمليات والولادة على سبيل المثال الولادة كتخلصي غي 1500 درهم بالنسبة للعملية القيصرية وهما يتكلفوا بالباقي وحتى لجميع العمليات ومين دوزي الطبيب عاود كيرجوا لك 50 في المائة بالنسبة للتدواز و70 في المائة بالنسبة للدوا ولا العكس مرنيش عاقلة وعاد كيرجعوا نسبة مهمة على التحاليل وعلى النظاظر …