المرجو الدخول الأمر ضرووووري بزاف

السلام عليكم

صديقتي بغات دير العقد و معارفاتش الوتائق كاملة سولت قالو لها عقد ازدياد اصلي شهادة طبية و نسخة من البطاقة الوطنية و شهادة الخطوبة هي بغات تزوج من مغربي
و لكن معرفاتش واش كاين شي فرق بين شهادة الخطوبة و شهادة العزوبة
اش خصها دير إلا بغات تقاد شهادة الخطوبة واش عند المقدم؟ حيت شدات الورقة خاص فيها أربع شهود منين سولات المسؤول واش تجيب الشهود قالها بلاش جمعيهوم و يديرو امضاء بلا ميجيو المقاطعة منين دارت هادشي قالو ليها هاد الشهادة بااطلة جالسين كيفلاو عليها
عافاكم اش دير هي معندواش الوقت و كاينين بعض الناس مفيهمش الإنسانية

---

hglv[, hg]o,g hgHlv qv,,,,vd f.ht

يلا مغربي راه اسمها شهادة الخطوبة لانه شهادة العزوبة هي لي كاتعطا للزواج باجنبي او الزواج المختلط وتانيا تمشي عند المقدم وتسولو او تدي خوها للمقاطعة وتشري بدرهم شهادة خطوبة وتدخل تعمرها وتحط امضاءها وخوها ويلا كان شي شاهد تاني اي واحد فالمقاطعة راه يسني ويحط رقم البطاقة ديالو وصافي وتعطيوها المسؤول يمضيها هادشي لي عارفا ربي يوفقك سمحيلي انا زواجي مختلط ولكن عن تجارب بعض الصديقات بالمغرب هكدا دارو وشهادة طبية وعقد ازدياد وشهادة سكنى وفطوكوبي ديال لكارت هادشي لي كاتجمعي والله يوفقك ويكمل عليك بالخير

+++++++النسخة الكاملة ضرورية و عقد الازدياد يكون اصلي

https://wraa9.blogspot.com/2019/12/blog-post_8618.html اختي هاهو قلبتلك وجبتلك المفيد يكفي ويوفي للامانة ممكن تبغي تسوليني كيفاش تحقيق من الجهات المحلية الجواب هما يعنيو المقدم كايسولك كدا سؤال عادي اوك واش كنتي مخطوبة من قبل او شيحاجة من هاد القبيل وصافي

شكراااا اختي و لكن انا قاليا اربع شهووود

وااش اختي بزووج؟؟ محاال
واش متأكدة

اولا الف مبروك اختي لصديقتك والله يكمل ليها بالخير

هادو هما الوثائق المطلوبة
1- نسخة كاملة من المقاطعة هي كتكون فورقة بيضا ماشي الخضرا
2- فوطوكوبي ديال لكارط
3- عقد ازدياد
4-التزام بعدم الزواج كتبيه لراسك وديه للجماعة الحضرية كاليزيه
5- شهادة الخطوبة
6-شهادة طبية من سبيطار الحومة
وبالتوفيق ان شاء الله

اختي راه التزام بعدم الزواج هو نفسو شهادة الخطوبة

salam okhti rah chahadat alkhotoba khas ychhad liha 2rjal machi men 3ailtha y3ni machi khoha omachi khalha omachi 3amha kaymachiw 3and katib 3omoumi ykteblihom iltizam men be3d ymchi lmo3ata3a pour legalisation 3ad ytiwehom lm9adem otakhod chaha fnefs nhar

اه حتا انا جبت اربع شهود كايمضيوليك ف الشهادة راه ماشي مشكل فهاد الشي