بخصوص البنك المرجو الدخول

سلام عليكم انيقات المن تدى انشاء الله تكونو لاباس ندخل في الموضوع بغيت منكم اللي عندها شي معلومة تفيدني الله يجازيكم بالخير انا فتحت واحد الحساب في bmce و منين مشيت مورا carte guichet ديالي عطهالي الموضف لانه موصلاتنيش العنوان ديال الدار المهم من بعد فتحت ديك الورقة اللي كيكون فيها الرقم السري اللي كيجي معها في البرا وهو كان جالس قبالتي وانا منين حيدت هداك اللصاق اللي كيكون على الرقم السري شافو هو واش يقدر الله يستر يستعمل حسابي واخا معندوش البطاقة او لا شي حاجة انا خفت والله وسؤال تاني واش نقدر نغير الكود كيفاش مع العلم هو كيجي من كازا عافاكم اللي فاهمة والا عارفة شي حاجو تطمني الله يجازيكم بخير

---

fow,w hgfk; hglv[, hg]o,g

السلام عليكم أختي
بالنسبة للسؤال ديالك رانا خدامة في un centre d’appel و عندنا BMCE و راني سولت ليك راه معندو مايدير بلا لاكارط و حتى إلى بغيتي تطلبي رقم سري جديد غادي تسناي بزا ا ا ا اف

الله يجازيك بخير اختي على اهتمامك وسؤالك ليا طمنتيني شوية راني كنت مخلوعة وكنت كنفكر نبدلو والله معرفت

اختي مام سرقا ليها صاحبتها الرقم السري ديال لكارت وولات كل مرة تخرج لفلوس حتى ربي نبه ماما من الاحسن تبدلي لا كارت

اختي راه شاف الرقم السي ديالك ويمكن ليه يخرج لفلوس بالرقم سولي عليها طرات لماما مع صاحبتها

[quote=كريمة20;5399719]اختي راه شاف الرقم السي ديالك ويمكن ليه يخرج لفلوس بالرقم سولي عليها طرات لماما مع صاحبتها [/quot
اناري وباش غيخرجهم واخا معندو لاكارط خلعتيني الله يحفض

اختي الى كنتي مازال ما استعملتي لاكارط راك فاش كتخدميها اول مرة كتكون عندك امكانية تبدلي الرقم السري من الكيشي

ملي يلاه كدخليها كتعطيك واش تبدلي الرقم السري بدليه و ارتاحي

من الاحسن سيري للبنك و سولي شي موضف اخر طريقة تغيير كلمة السر بدليها باش ترتاحي اختي

شكرا ليك احبيبة ولكن معرفتش كيفاش في الكيشي راه منين كتدخلي الكاتة كيعطيك خيارات سحب اطلاع على حساب وصافي كيفاش هنبدلها مفهمتش وحتى باش نسول الموضف راه كاين يلاه جوج فالوكالة هادي وجالسين قراب حدا بعضياتم يعني غادي يسمعني ويعرف

up

ماتقدريش تبدلي الرقم السري حيت كل كارتا عندها الرقم الخاص بها والموظف اللي في البنك مايقدرش يخرج ليك الفلوس بلا لاكارت غير اطمئني