تدييل عقد الزواج

السلام عليكم .. عفاكم بغيت نسولكم على طھط¯ظٹظٹظ„ عقد ط§ظ„ط²ظˆط§ط¬ انا تزوجت عن طريق توكيل ودبا لتاحقت براجلي وبغيت المرة الماجية من نزل المغرب نديرلو طھط¯ظٹظٹظ„ ولكن انا خايفة من واحد القضية ان الحالة زوجية ديال راجلي مكتوب في العقد انو متزوج واش في هاد لحالة القاضي غادي يرفضلي الطلب … الي مرت من نفس التجربة تفيدني والله يجعلها لها في ميزان الحسنات

---

j]ddg ur] hg.,h[ joddl

مبروك ليك اختي الزواج و الالتحاق بزوجك
اما بالنسبة للتدييل انا عرفت واحد الصديقة قالت لي انه تزوجات بالتوكيل و كان مكتوب بالعقد انه متزوج وهنايا لقات مع القاضي مشكلة مبغاش يوافق على التدييل قال ليها حيت مزوج و انها حتى دفعات للقاضي مليون ونص عاد دار ليها التدييل و بزز هادشي اللي قالت والله اعلم
واكيد لبنات اللي داروا التدييل وازواجهم مزوجين يفيدونا اكثر
الا انني بغيت نعرف الى هاد العقد موثق ملي كيجيك بالخارجية المغربية و السفارة المصرية او البلد اللي كتبتي فيه العقد اكيد كيكون عقد دولي و معترف بيه مدام السفارة المغربية في البلد الاخر موثق عندها يعني ماشي ظروري التدييل هدا من جهة
من جهة اخرى شكون توضح للبنات اشنو هي اهمية هاد التدييل بالضبط مدام عقد زواج شرعي و موثق من بلدان ومن الخارجية بالمغرب وشكرا لتفهمكم

اختي lozane من غير اي قلق او اي شيء انا صاحبتي ما واحدة مازوج مزوجين برجال مزوجين ودارو تذييل عادي مع العلم مكتوب في عقد الزواج ان الزوج مزوج يكذب عليك الكذاب لي يقوليك غتلقاي مشكل وصاحبتي انا كنت كنمشي معاها للمحكمة فش كانت كدير تذييل ماتخافي والو وخاصكي تعرفي حاجة انتي تزوجتييي فدولة كتسمح بتعدد الزوجات والمغرب عمرو يرفض عقد دار فدولة بناء على قوانينها اكيد ماقريتيش ماجا ء به قانون الاسرة مزيان اي عقد= دار فدولة غير المغرب وتماشى مع قوانين ديك البللاد غيتقبل في المغرب وغديري التذييل بسرعة وتعملي العقد المغرببي باذن اله بسرعة ماكاياخدش وقت بلي شفت قدام عيني ولي سمعت غري ارتاحي عزيزتي ماكايناش الهضرة ديال القاضي يرفض يلا كان العقد مستوفي الشروط يعني لي كتب العقد قاضي وكاين شهود ومهر واسم الوكيل كلشي غيتقبل باذن الله

الاخت نزهة نشرحليك اسئلتك يلا قبلتي اولا العقد فاش كيدار في دولةاخرى اكيد كيتصادق عليه في الخارجية والسفارة المغربية هادي مصادقة فقط لا علاقة لها بالتذييل او يكون معترف بيه فبلادك التذيل احبيبة ضرووووووووري ومؤكد علاش نقوليك لانك انتي مادمتي مزوجة فدولة اخرى بلادك مامعتارفاش بيك مزوجة مامسجلاش مزوجة عندهوم التذييل هو كتسجلي زواجك بالمغرب وبذاك التذيل كيتعطى لنسخة الحكم التنفيذي ديالك رقم وبحال ديك النسخة كتكون فملف عندك في المحكمة ديك الساعة عاااااااد بلادك كتولي معترفة بيك مزوجة وبديك النسخة التنفيدية كطلعي عقد مغربي بحالك بحال اي واحدة تزوجات في المغرب باش كضمني حقوقك فبلادك بحال بحال اي واحدة تزوجات في المغرب والضامن هو الله وبالتذييل كتقدري تعطي الجنسية لاولادك وكتقدري ديري الحالة المدنية مثلا يلا ولدتي فبلادك عندو اهمية كبيرة احبيبتي ولي يقوليك بلاش من التذييل ماتيقيش بيه راه مافاهم والو تحياتي اختي

وللعلم اخوتي العزيزات انا مزوجة كذلك بمصري خارج بلادي ودرت التذييل سااااااااااااااااااااااااهل بحال شريب الما ونصيحة بلا ماديرو لا محامين لا زوج لان الامر مايستاهلش المحاميين ولي بغات اي استفسار انا في الخدمة بداكشي لي دوزت زوج جلسات الثالثة الحكم وانا مستعدة نشرح بالتفصيل الممل اي حاجة من داكشي لي درت الله يوفق الجميع

[QUOTE=nezha710;4293018]مبروك ليك اختي الزواج و الالتحاق بزوجك
اما بالنسبة للتدييل انا عرفت واحد الصديقة قالت لي انه تزوجات بالتوكيل و كان مكتوب بالعقد انه متزوج وهنايا لقات مع القاضي مشكلة مبغاش يوافق على التدييل قال ليها حيت مزوج و انها حتى دفعات للقاضي مليون ونص عاد دار ليها التدييل و بزز هادشي اللي قالت والله اعلم
واكيد لبنات اللي داروا التدييل وازواجهم مزوجين يفيدونا اكثر
الا انني بغيت نعرف الى هاد العقد موثق ملي كيجيك بالخارجية المغربية و السفارة المصرية او البلد اللي كتبتي فيه العقد اكيد كيكون عقد دولي و معترف بيه مدام السفارة المغربية في البلد الاخر موثق عندها يعني ماشي ظروري التدييل هدا من جهة
من جهة اخرى شكون توضح للبنات اشنو هي اهمية هاد التدييل بالضبط مدام عقد زواج شرعي و موثق من بلدان ومن الخارجية بالمغرب وشكرا لتفهمكم[/ QUOTE]
الله يبارك فيك اختي ومشكورة للاهتمامك انا من كنت في المغرب ترددت بزاف اني نقدم على التدييل وبزاف البنات خلاوني نتراجع اولا للانو مزوج وتاني حاجة قالولي راه من تدفعي طلبك القاضي تيقولك راه بحال المغربي بحال العقد الاجنبي ماكاين حتى فرق طالما استوفى الشروط الشرعية والقانونية دبا والله حتى ندمت من كوني ما دفعتوش باش نعرف باش كانت تخرج قضيتي … مشكورة مرة اخرى اختي لجوابك

الله يجازيك الف خير اختي على توضيحك للموضوع الله يجعلها في ميزان حسناتك والله اخت حتى ريحتني للاني من لتاحقت براجلي ولا الموضوع شاغلني بزاف خصوصا من تندخل هاد لقسم تنلقى البنات اغلبهم دارو تدييل للعقد ديالهم وانا من كنت في المغرب تخوفت بزاف وفي نفس الوقت كانت الاراء مختالفة من وحدة لوحدة وحدة تتقولي راه وخا دفعيه غادي يترفض للان الحالة زوجية مدكورة في العقد والقاضي يرفض لك …. والتانيين تيقولولي رتاحي ان عقدك سليم ومستوفي كل الشروط القانونية والشرعية بلاش ما دري تدييل عقدك سليم 100/100 وكلامك اختي كلو حكمة للان الافات هدا وغدا او بعدو ربي يرزقني وليدات لابد نضمن ليهم حقوقهم من جنسية وحالة مدنية كلامك خفف عليا بزاف دبا بادن الله العام الماجي نازلة المغرب واول حاجة نديرها وهي تدييل العقد …. وسؤال اخر اختي وسمحلي دبا وخا يكمل العقد ديالي عام ماشي مشكل نقدم طلب ماشي مشكل .. الله يجازيك الف خير ويجعل لك في كل حرف كتبتيه حسنة الحبيبة لهلا يخطيك

ياسمينة راه حتى انا راجلي فرعوني ههههه والعقد درتو في الكويت

نعم اختي التذيل ضروري كديكلاري بانك تزوجتي في المغرب وكتحفضي على حقوقك وراه ساهل كتخدي الحكم ديالك وكتديريه حنبك الوقت والزمان هدا والله ايكتب علينا مكاتب الخير

نعم اختي كلامك صحيح وهدا الي خلاني متخوفة اكتر وبادن الله اول مانزل المغرب نديرو … شكرا لجوابك والله يجازيك الف خير